នៅថ្ងៃទី ០៤ ខែមករា ឆ្នាំ 2022 កម្លាំងប៉ូលីសចម្រុះបានចុះបង្រ្កាបបារីក្លែងក្លាយ ដែលមានម៉ាក់ JET និង 555 ចែកចាយដោយ រោងចក្របារី ហុង អន្តរជាតិ។
ប្រតិបត្តិការនេះ ធ្វើឡើងបន្ទាប់ពីនាយកដ្ឋានប្រឆាំងបទល្មើសសេដ្ឋកិច្ច បានទទួលពាក្យបណ្តឹងថា បារី JET ក្លែងក្លាយ កំពុងត្រូវបានជួញដូរនៅក្នុងព្រះរាជាណាចក្រ។ នាយកដ្ឋានបានស៊ើបអង្កេតអស់រយៈពេលជាងមួយឆ្នាំនៅលើករណីនេះ។
ក្រោយពីបានត្រួតពិនិត្យរួចរាល់ហើយ អយ្យការអមសាលាដំបូងរាជធានីភ្នំពេញ បានសម្រេចរឹបអូសទំនិញក្លែងក្លាយខាងលើ ដើម្បីរក្សាទុកជាបណ្តោះអាសន្ននៅនាយកដ្ឋានប្រឆាំងបទល្មើសសេដ្ឋកិច្ច។
រោងចក្របារី ហុង អន្តរជាតិ នឹងត្រូវបានបិទជាបណ្តោះអាសន្ន។ លោក ង៉ុប ម៉ុក ដែលជាម្ចាស់ក្រុមហ៊ុន ត្រូវបានចាប់ខ្លួន និងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់វិធានការតាមផ្លូវច្បាប់។ ចំណែកឯជនសង្ស័យជាបុរសម្នាក់ទៀត ឈ្មោះ ង៉ូវ ស្រ៊ុន បានកំពុងរត់គេចខ្លួន៕
