អ្នកប្រហែលជាមិនគិតពីទឹកភ្នែកច្រើនទេ ប៉ុន្តែរាល់ពេលដែលអ្នកព្រិចភ្នែក ភ្នែករបស់អ្នកបានបង្កើតវា។ បើគ្មានទឹកភ្នែកទេ ភ្នែករបស់អ្នកនឹងស្ងួត នេះបើយោងតាម National Eye Institute។
សម្រាប់ហេតុផលដែលយើងមិនយល់ទាំងស្រុងនោះគឺ ស្ត្រីយំច្រើនជាងបុរស។ គេហទំព័រ MD ចង្អុលបង្ហាញថា នេះប្រហែលជាដោយសារតែបុរសមានបំពង់បង្ហូរទឹកភ្នែកតូចជាង ប៉ុន្តែមិនមានការសិក្សាស្រាវជ្រាវ ឬអ្នកវិទ្យាសាស្រ្តរូបណាបានបញ្ជាក់ពីវានោះទេ។ លើសពីនេះទៀតរាងកាយរបស់បុរសផលិត prolactin តិច ដែលជាអរម៉ូនដែលផលិតទឹកភ្នែក។ រាងកាយរបស់បុរសក៏បង្កើតអ័រម៉ូនតេស្តូស្តេរ៉ូនបន្ថែមទៀត ដែលអាចរារាំងសកម្មភាពនៃការយំ។ ប៉ុន្តែអ្នករាល់គ្នាផលិតទឹកភ្នែក ហើយអ្នកប្រហែលជាបានកត់សម្គាល់ឃើញថា ពួកវាមានរសជាតិប្រៃ។ ហេតុអ្វីបានជាអញ្ចឹង?
ទឹកភ្នែកមានសមាសធាតុជាច្រើន រួមទាំងអេឡិចត្រូលីតផងដែរ
ទឹកភ្នែកកើតចេញពីក្រពេញទឹកភ្នែក ដែលស្ថិតនៅលើត្របកភ្នែករបស់អ្នក ហើយវាមានទឹក ទឹករំអិល ប្រេងខ្លាញ់ និងប្រូតេអ៊ីនច្រើនជាង ១.៥០០ នេះបើតាម Healthline។ រសជាតិប្រៃក្នុងទឹកភ្នែក បានមកពីអេឡិចត្រូលីតក្នុងទឹកដែលមានអ៊ីយ៉ុងអំបិល។ សារធាតុរាវនេះ គឺចាំបាច់ដើម្បីរក្សាសុខភាពភ្នែករបស់អ្នកឲ្យបានល្អ។ ទឹករំអិលជួយឱ្យភ្នែកមានជាតិរំអិល ហើយជាតិប្រេងក្នុងទឹកភ្នែក ជួយមិនឱ្យហូរទឹកភ្នែក។ ទឹករំអិល និងប្រេង គឺចាំបាច់ដើម្បីការពារភ្នែកស្ងួត (តាមរយៈ Verywell Health)។
ទឹកភ្នែក Emotional ក៏មានផ្ទុកនូវអ័រម៉ូនស្ត្រេសច្រើនដែរ នេះបើយោងតាមអ្នកជំនាញជីវគីមីលោកវេជ្ជបណ្ឌិត William Frey ។ Frey បានប្រាប់ Psychology Today ថានៅពេលដែលរាងកាយបញ្ចេញអរម៉ូនទាំងនេះ វាជួយបន្ធូរភាពតានតឹង។ លើសពីនេះ ការយំតាមអារម្មណ៍អាចជំរុញអរម៉ូន endorphins ដែលជាថ្នាំបំបាត់ការឈឺចាប់ធម្មជាតិរបស់រាងកាយ។ ខណៈពេលដែលមនុស្សមួយចំនួនអាចគិតថា ការយំធ្វើឱ្យពួកគេមើលទៅទន់ខ្សោយ អ្នកស្រាវជ្រាវបានណែនាំថា ការធ្វើបែបនេះអាចបំបាត់អារម្មណ៍អវិជ្ជមាន ហើយការទប់ទឹកភ្នែកឲ្យត្រឡប់មកវិញ អាចនាំឱ្យមានបញ្ហាផ្លូវចិត្តកាន់តែច្រើន នេះបើយោងតាម Healthline ៕
អត្ថបទដកស្រង់ពី Kimberly Smith
បកប្រែនិងកែសម្រួលដោយ Mr. Blue