Reuters- 

ជនជាតិកូរ៉េខាងត្បូងម្នាក់បានឆ្លងកាត់ព្រំប្រទល់ដែលមានការយាមកាមដ៏តឹងរុឹងនៅក្នុងការចុះចូលដោយកម្រជាមួយកូរ៉េខាងជើង យោធាកូរ៉េខាងត្បូងបាននិយាយកាលពីថ្ងៃអាទិត្យ។ សេនាធិការរួមបាននិយាយថាខ្លួនបានធ្វើប្រតិបត្តិការស្រាវជ្រាវបន្ទាប់ពីមានការចុះចូលប្រហែលជាវេលាម៉ោង៩និង២០នាទីល្ងាចកាលពីថ្ងៃសៅរ៍នៅភាគខាងកើតនៃតំបន់គ្មានកងទ័ពដែលបែងចែករវាងប្រទេសទាំង២។ "យើងបានបញ្ជាក់ថាមនុស្សដែលឆ្លងកាត់ខ្សែរបន្ទាត់នៃព្រំប្រទល់ដែលបែងចែកយោធានៅវេលាម៉ោង១០និង៤០នាទីហើយបានចុះចូលជាមួយកូរ៉េខាងជើង" ។

សេនាធិការរួម (JCS) បាននិយាយថាខ្លួនមិនអាចបញ្ជាក់ថាតើមនុស្សនោះនៅរស់ឬយ៉ាងណា ប៉ុន្តែបានបញ្ជូននូវការប្រកាសឲ្យដឹងទៅកាន់កូរ៉េខាងជើងតាមរយៈខ្សែរទូរស័ព្ទទាក់ទងបន្ទាន់យោធាដើម្បីសុំឲ្យមានការជួយការពារ។ ការឆ្លងកាត់ព្រំប្រទល់ដែលជារឿងខុសច្បាប់នៅកូរ៉េខាងជើង បនលេចចេញមកនៅពេលដែលកូរ៉េខាងជើងបានអនុវត្តិន៍វិធានការណ៍ដ៏ម៉ឺងម៉ាត់ប្រឆាំងនឹងកូវីដ-19 ចាប់តាំងពីមានការបិទព្រំប្រទល់នៅឆ្នាំ២០២០ ទោះបីជាពុំមានការបញ្ជាក់ថាមានការឆ្លងណាមួយក៏ដោយ។

ការផ្ទុះឡើងជាសាធារណៈនិងជាផ្នែកនយោបាយបានលេចចេញមកបន្ទាប់ពីកងទ័ពកូរ៉េខាងជើងបានបាញ់ស្លាប់មន្ត្រីជលផលកូរ៉េខាងត្បូងម្នាក់ ដែលបានបាត់ខ្លួននៅក្នុងសមុទ្ទក្នុងខែកញ្ញា២០២០ ដែលកូរ៉េខាងជើងបានដាក់ការស្តីបន្ទោសទៅនឹងបទបញ្ញត្តិប្រឆាំងកូវីដ-19ហើយក៏បានសុំទោស។ ២ខែក្រោយមក មេដឹកនាំ Kim Jung Un បានប្រកាសច្បាប់ប្រជាជាតិក្នុងគ្រាមានអាសន្ននិងបានបិទទីក្រុងនៅតាមព្រំប្រទល់ បន្ទាប់ពីអ្នកចុះចូលម្នាក់ដែលបានរត់ពីកូរ៉េខាងត្បូងឆ្លងកាត់តាមព្រំប្រទល់ចូលមកកូរ៉េខាងជើងមានរោគសញ្ញាកូវីដ-19។

ការបន្តបិទរាំងខ្ទប់និងហាមឃាត់អន្តរសកម្មភាពតាមខេត្តដែលនៅជាប់នឹងព្រំប្រទល់ បានជំរុញឲ្យចំនួនអ្នករត់ទៅចុះចូលរបស់កូរ៉េខាងជើងចូលទៅកូរ៉េខាងត្បូងបានថមថយចុះ។ ទំនាក់ទំនងតាមព្រំប្រទល់បានធ្លាក់ចុះបន្ទាប់ពីការពិភាក្សារក្នុងការមិនឲ្យមានអាវុធនុយគ្លេអ៊ែររវាងទីក្រុងវ៉ាស៊ិនតោននិងទីក្រុងព្យុងយ៉ាងបានជាប់គាំងចាប់តាំងពីមានការបរាជ័យជំនួបកំពូលក្នុងឆ្នាំ២០១៩។

កងទ័ពកូរ៉េខាងត្បូងនិងអាមេរិកដែលដឹកនាំដោយ UN ដែលជាបច្ចេកទេសនៅតែស្ថិតនៅក្នុងសង្រ្គាមជាមួយនឹងកូរ៉េខាងជើងចាប់តាំងពីសង្រ្គាមកូរ៉េឆ្នាំ១៩៥០-៥៣បានបញ្ចប់ នូវក្នុងបទឈប់បាញ់គ្នាមួយដែលមិនមែនជាសទ្ធិសញ្ញាសន្តិភាព។