France24-

ប៉ូលីសបាននិយាយថា ប៉ូលីសដែលគ្រងឯកសណ្ឋាននិងខ្លះស្លៀកពាក់ជាស៊ីវិលចំនួន២០០នាក់បានដាក់ពង្រាយដើម្បីស្រាវជ្រាវនិងត្រួតពិនិត្យការិយាល័យបោះពុម្ភផ្សាយកាសែត ដែលនិយមប្រជាធិបតេយ្យនៅក្នុងស្រុក Kwun Tong។ អ្នកយកព័ត៌មាន AFP បានឃើញនិពន្ធនាយកកាសែត Patrick Lam ត្រូវបានគេបណ្តើរចូលទៅក្នុងអគារនៃការិយាល័យសារព័ត៌មានដោយដៃជាប់ខ្នោះ។ Stand News គឺជាក្រុមហ៊ុនផ្សព្វផ្សាយព័ត៌មានទី២ ដែលជាមុខសញ្ញារបស់ប៉ូលីសសន្តិសុខជាតិបន្ទាប់ពី Apple Daily ដែលត្រូវបានបិទទ្វារបន្ទាប់ពីអាជ្ញាធរបានបង្កប់ទ្រព្យសម្បត្តិនៅក្រោមច្បាប់សន្តិសុខជាតិដែលដាក់ចេញទីក្រុងប៉េកាំងដើម្បីបង្ក្រាបក្រុមប្រឆាំង។

តារាចម្រៀង Denise Ho ដែលធ្លាប់បម្រើការជាជាក្រុមប្រឹក្សារ Stand News ប៉ុន្តែបានលាលែងពីការងារកាលពីខែវិច្ឆិការ ក៏ត្រូវបានចាប់ខ្លួនផងដែរ ដោយយោលទៅតាមទំព័រ Facebook របស់នាង។ ក្នុងរយៈពេលដ៏ខ្លីមុនថ្ងៃលិច Stand News បានបង្ហោះនៅក្នុង Facebook ដោយផ្សាយផ្ទាល់ថា ប៉ូលីសសន្តិសុខជាតិ បានស្ថិតនៅខាងក្រៅមាត់ទ្វារនៃនិពន្ធនាយករង Ronson Chan ។ នៅក្នុងឃ្លីបវីឌីអូខ្លីមួយ មន្ត្រីប៉ូលីសបានប្រាប់ Chan ថាគេមានដីការពីតុលាការដើម្បីស៊ើបអង្កេតពីការចោទប្រកាន់ពីបទផ្សំគំនិតដើម្បីបោះពុម្ភផ្សព្វផ្សាយការបោះបោរ ដូច្នេះ Chan ត្រូវតែបញ្ឈប់ការថតវីឌីអូ។

Chan ដែលជាប្រធានសមាគមអ្នកកាសែតនៅហុងកុងផងដែរ ត្រូវបានរាយការណ៍មកថា ប៉ូលីសបានសុំឲ្យជួយសហការណ៍ក្នុងការស្រាវជ្រាវនិងស៊ើបអង្កេតប៉ុន្តែមិនត្រូវបានចាប់ខ្លួននោះទេ។ អ្នកត្រូវចាប់ខ្លួនដ៏ទៃទៀត គឺមានមេធាវី និងអតីតអ្នកច្បាប់ដែលនិយមប្រជាធិបតេយ្យ Margaret Ng និងអតីត និពន្ធនាយក Stand News  Chung Pui-Kuen បើយោលទៅតាម ប្រព័ន្ធផ្សព្វផ្សាយក្នុងស្រុក។ ទង្វើរនេះបានបង្ហាញថាអាជ្ញាធរបានពង្រឹងច្បាប់សន្តិសុខដើម្បីរាយសំណាញ់សំរាប់អ្នកទាំងឡាយដែលដើរតួរជាអ្នកប្រឆាំងទៅនឹងរដ្ឋាបាល។

ច្បាប់សន្តិសុខជាតិដែលរដ្ឋាភិបាលចិនបានដាក់ចេញកាលពីខែមិថុនា  ត្រូវបានគេមើលឃើញថាជាឧបករណ៍ដ៏មានអំណាចដើម្បីបង្រ្កាបទៅលើការប្រឆាំងដ៏ខ្លាំងក្លាទៅលើក្រុងប៉េកាំង ដែលធ្វើឲ្យទីក្រុងហុងកុងមានការរំជើបរំជួលអស់រយៈពេលជាច្រើនខែ។ ចាប់តាំងពីពេលនោះមក អាជ្ញាធរហុងកុង បានឃាត់ខ្លួនមេដឹកនាំ ដែលនិយមប្រជាធិបតេយ្យ ឆ្មក់ចូលទៅក្នុងការិយាល័យសារព័ត៌មាននិងបានបណ្តេញសមាជិកសភាប្រឆាំងផងដែរ។ "នេះគឺជាការបោសសំអាតមេដឹកនាំនិងក្រុមប្រឆាំងទាំងអស់" Victoria Hui សាស្ត្រាចារ្យវីទ្យាសាស្ត្រនយោបាយ នៃមហាវិទ្យាល័យ Notre Dame ដែលបានសិក្សារពីហុងកុងបាននិយាយ។