Aljazeera-

ចិនបានព្រមានសហរដដ្ឋអាមេរិកថានឹងវាយប្រហារតបតរវិញក្នុងការឆ្លើយតបទៅនឹងទង្វើរដោយឥតគិត,ដោយជំរុញឲ្យទីក្រុងវ៉ាស៊ីនតោន ដកការដាក់ទណ្ឌកម្មថ្មីៗដែលទើននឹងអនុម័ត្តទៅលើក្រុមមនុស្សនិងស្ថាប័ន្រដោយភ្ជាប់ទៅនឹងសិទ្ធមនុស្សដែលប្រព្រឹត្តិដោយទីក្រុងប៉េកាំង។ សហរដ្ឋអាមេរិកបានដាក់ទណ្ឌកម្មដោយផ្តោតទៅលើបញ្ហាសិទ្ធមនុស្សកាលពីថ្ងៃសុក្រប្រឆាំងទៅនឹងបុគ្គលចិននិងស្ថាប័ន្រ។ ដោយបានបន្ថែមបុគ្គលនិងស្ថាប័ន្រក្នុងភ្ជាប់ទៅនឹង មីយ៉ាន់ម៉ា កូរ៉េខាងជើងនិងបង់គ្លាដែស។

អ្នកនាំពាក្យក្រសួងការបរទេស លោក Wang Wenbin បាននិយាយប្រឆាំងទៅនឹងការដាក់ទណ្ឌកម្មនេះថាជាខូចនឹងរឹងទទឹងខុសច្បាប់។ "យើងជំរុញឲ្យសហរដ្ឋអាមេរិកដកចេញវិញជាបន្ទាន់នូវការសំរេចចិត្តខុសដែលពាក់ព័ន្ធទៅនិងបញ្ឈប់នូវការលូកដៃចូលក្នុងកិច្ចការផ្ទៃក្នុងនិងធ្វើឲ្យមានការឈឺចាប់ដល់ផលប្រយោជន៍ចិន" បើសិនជាអាមេរិកធ្វើការវាយប្រហារដោយឥតគិត ចិននឹងចាត់វិធានការណ៍ដ៏មានប្រសិទ្ធិភាពដើម្បីវាយប្រហារត្រឡប់ទៅវិញដោយគ្មានញញើតញញើម” Wang បាននិយាយនៅក្នុងសន្និសិទកាសែតប្រចាំថ្ងៃនៅក្នុងទីក្រុងប៉េកាំងកាលពីថ្ងៃច័ន្ទ។

វិធានការណ៍នេះគឺជាចុងក្រោយ នៅក្នុងទណ្ឌកម្មជាបន្តរបន្ទាប់ ដែលបានកើតឡើងទន្ទឹមគ្នាជាមួយនឹងកិច្ចប្រជុំកំពូល២ថ្ងៃតាមរយៈវីឌីអូសំរាប់លទ្ធិប្រជាធិបតេយ្យរបស់លោក Biden, ដែលលោកបានប្រកាសនូវគំនិតផ្តួចផ្តើមដើម្បីជំរុញនូវប្រជាធិបតេយ្យជុំវិញពិភពលោកនិងគាំទ្រនូវការធ្វើច្បាប់និយមប្រជាធិបតេយ្យនៅក្នុងសហរដ្ឋអាមេរិក។ កាលពីថ្ងៃច៏ន្ទ Wang បានប្តេជ្ញាចិត្តថា. "ប៉េកាំងមិនញាប់ញ័រនៅក្នុងការតាំងចិត្តដើម្បីការពារអធិបតេយ្យភាពជាតិ សន្តិសុខ និងផលប្រយោជន៍នៃការអភិវឌ្ឍន៍"លោកក៏បានការពារនូវគោលនយោបាយចិនក្នុងពាក់ព័ន្ធទៅនឹងសហគមន៍មូស្លីម Uighur នៅក្នុងតំបន់ស្វ័យយ័ត Zinjiang  ដោយនិយាយថាវាជាការប្តេជ្ញាចិត្តក្នុងការប្រយុទ្ធប្រឆាំងទៅនឹងអំពើហឹង្សារ ភេវរកម្ម ការបំបែករដ្ឋ និងកំលាំងសាសនាជ្រុលនិយម។

“ទង្វើរខុសច្បាប់ របស់សហរដ្ឋអាមេរិក មិនអាចបំផ្លាញនូវគ្រប់ទ្រាយនៃការអភិវឌ្ឍន៍ក្នុង Xinjiang,បញ្ឈប់នូវការរីកចម្រើនរបស់ចិន ឬក៏ធ្វើឲ្យទំនោរនៃការអភិវឌ្ឍន៍ជាប្រវត្តិសាស្ត្រវិលត្រឡប់ថយក្រោយវិញបាននោះទេ”។ នៅក្នុងចំណោមនៃបុគ្គលនិងស្ថាប័ន្រទាំងឡាយដែលជាមុខព្រួញរបស់ក្រសួងរតនាគារអាមេរិកក្នុងបញ្ជីរទណ្ឌកម្ម មាន ក្រុមហ៊ុនសិប្បនិម្មិតឈ្លាសវៃរបស់ចិន Sense Time ដោយរងការចោទប្រកាន់ថាបានផលិតនូវកម្មវិធីបញ្ជាក់អត្តសញ្ញាណដោយចាប់មុខ ដើម្បីកណត់មុខសញ្ញាជនជាតិភាគតិច ដែលផ្តោតទៅលើជនជាតិ Uighur។