ឆ្នាំជូត (រាសីស្រុតចុះ)

ដល់ពេលកំណត់ចិត្តរបស់លោកអ្នកហើយឬនៅ? រាល់ការញុះញង់ដែលលោកអ្នកទទួលបាន នឹងមិនផ្តល់ផលល្អដល់លោកអ្នកឡើយ។

ឆ្នាំឆ្លូវ (រាសីឡើងខ្ពស់ត្រដែត)

លោកអ្នកដល់ពេលត្រូវរវល់​ហើយ! មុនពេលលោកអ្នកមានអារម្មណ៍តានតឹង សូមចាំថាលោកអ្នកចង់បានអ្វីមួយនៅក្នុងជីវិតរបស់លោកអ្នក៖ ភាពជោគជ័យ ការអភិវឌ្ឍន៍ និងឱកាសដើម្បីចាប់យកផ្លូវដើរថ្មីៗ។ រក្សាភាពស្ងប់ស្ងាត់ ហើយចងចាំពីមូលហេតុដែលលោកអ្នកកំពុងធ្វើអ្វីដែលលោកអ្នកកំពុងធ្វើ។ វាទាំងអស់នេះនឹងនាំលោកអ្នកទៅកាន់អ្វីដែលអស្ចារ្យ។

ឆ្នាំខាល (រាសីល្អជាមធ្យម)

លោកអ្នកមានភាពរីករាយ និងភាពក្លាហានគ្រប់គ្រាន់ដើម្បីទទួលយកគម្រោងធំៗ ហើយបង្កើតគំនិតដែលគួរឱ្យចាប់អារម្មណ៍។ យកចិត្តទុកដាក់ក្នុងការគ្រប់គ្រងហិរញ្ញវត្ថុរបស់លោកអ្នក។ ព្យាយាមរស់នៅក្នុងមធ្យោបាយរបស់លោកអ្នក ហើយមិនត្រូវជំពាក់បំណុលថ្មីឡើយ។

ឆ្នាំថោះ (រាសីឡើងខ្ពស់ត្រដែត)

មិនចាំបាច់លាក់អ្វីជាខ្លួនលោកអ្នកនៅថ្ងៃនេះទេ។ អ្វី​ដែល​ធ្វើ​ឱ្យលោក​អ្នក​ខុសពីមនុស្សផ្សេងទៀត ​គឺ​ជា​អ្វី​ដែល​ត្រូវ​សប្បាយរីករាយនឹងវា ដូច្នេះ​សូម​ចែករំលែក​វា​ជាមួយ​ពិភពលោក។ លោកអ្នកពិតជាអាចបំផុសគំនិតដល់អ្នកដទៃឱ្យឈប់ធ្វើអ្វីដែលមិនមែនជាពួកគេ ហើយចាប់ផ្តើមធ្វើជាខ្លួនឯង។

ឆ្នាំរោង (រាសីល្អជាមធ្យម)

ប្រសិនបើលោកអ្នកមានបំណងចង់ឲ្យសហការីអាជីវកម្ម ឬដៃគូរបស់លោកអ្នកមានភាពស្ងប់ស្ងាត់បន្តិច ហេតុអ្វីមិនរៀនពីបុគ្គលម្នាក់នោះ ហើយព្យាយាមបើកចិត្តទទួលយកវាបន្តិច?

ឆ្នាំម្សាញ់ (រាសីល្អជាមធ្យម)

ត្រៀមខ្លួនសម្រាប់ការផ្សងព្រេងក្នុងជីវិតរបស់លោកអ្នកហើយឬនៅ? មិនចាំបាច់ទៅឆ្ងាយទេ ព្រោះលោកអ្នកប្រហែលជានឹងរកពេលវេលាដ៏ល្អមួយនៅជិតៗលោកអ្នក។ ពាក់សម្លៀកបំពាក់ពណ៌ក្រហម ហើយទទួលបានការចាប់អារម្មណ៍ពីមនុស្សជុំវិញខ្លួនរបស់លោកអ្នក។ ក្នុងជីវិតការងាររបស់លោកអ្នក កុំសន្យាអ្វីដែលលោកអ្នកដឹងថា លោកអ្នកមិនអាចរក្សាបាន។

ឆ្នាំមមី (រាសីល្អជាមធ្យម)

ផ្នែកមួយនៃលោកអ្នកប្រហែលជាចង់ចេញទៅខាងក្រៅដើម្បីទទួលយកបទពិសោធន៍ថ្មីៗនៅថ្ងៃនេះ ខណៈដែលផ្នែកផ្សេងទៀតចង់ចូលគេងវិញ ហើយសង្ងំនៅក្នុងបន្ទប់។ ព្យាយាមស្វែងរកតុល្យភាពរបស់ខ្លួនលោកអ្នក។

ឆ្នាំ​មមែ (រាសីស្រុតចុះ)

ប្រសិនបើលោកអ្នកជួបការលំបាកនៅថ្ងៃនេះ សូមចងចាំថា មិនមែនគ្រប់គ្នានឹងយល់ស្របជាមួយលោកអ្នកនោះទេ ប៉ុន្តែត្រូវព្យាយាមឱ្យអស់ពីសមត្ថភាព ដើម្បីទទួលយកយោបល់របស់អ្នកដទៃ ទោះបីវាជាយ៉ាងណាក៏ដោយ។

ឆ្នាំវក (រាសីឡើងខ្ពស់ត្រដែត)

ជំនាញជាអ្នកដឹកនាំរបស់លោកអ្នក អាចទទួលបានការកើនឡើងនៅថ្ងៃនេះ។ ទទួលបានតួនាទីក្នុងការដឹកនាំការប្រជុំជាមួយអតិថិជន ឬផ្តួចផ្តើមគំនិតលើគម្រោងណាមួយ។ ចៅហ្វាយរបស់លោកអ្នកប្រហែលជាកំពុងរង់ចាំលោកអ្នកបង្ហាញពីសមត្ថភាពរបស់លោកអ្នក ហើយដោះស្រាយរាល់បញ្ហាដែលនៅចំពោះមុខ។ លោកអ្នកដឹងថា លោកអ្នកអាចធ្វើបាន។

ឆ្នាំរកា (រាសីល្អជាមធ្យម)

ការ​វិភាគខ្លាំងពេក ​នឹង​មិននាំលោកអ្នក​ឲ្យទៅ​បានឆ្ងាយនោះ​ទេ ហើយ​អាច​រារាំង​ដល់​ការ​រីក​ចម្រើន​របស់លោក​អ្នកទៀតផង។ ថាមពលនៅថ្ងៃនេះ អាចពង្រឹងវិចារណញាណរបស់លោកអ្នក ដូច្នេះត្រូវយកចិត្តទុកដាក់លើអារម្មណ៍ ឬប្រតិកម្មដែលលោកអ្នកប្រហែលជាកំពុងមាន។ ចូរធ្វើតាមពួកគេ។

ឆ្នាំច (រាសីស្រុតចុះ)

កុំរំលឹកពីអតីតកាលរបស់លោកអ្នក។ លោកអ្នកប្រហែលជាកំពុងព្យាយាមបង្ហាញអំពីភាពត្រឹមត្រូវនៃអាកប្បកិរិយាជាក់លាក់ណាមួយ ឬធ្វើការដោះសារចំពោះអ្វីដែលលោកអ្នកបានធ្វើ។ គ្រាន់​តែដោះស្រាយបញ្ហា​របស់​លោកអ្នក ​ហើយឈប់គិតពីវា​។ លោកអ្នកមិនអាចផ្លាស់ប្តូរវាបាននៅចំណុចនេះនោះទេ ដូច្នេះសូមធ្វើការសុំទោសប្រសិនជាចាំបាច់ ហើយបន្តទៅមុខទៀត។

ឆ្នាំកុរ (រាសីស្រុតចុះ)

នៅថ្ងៃនេះ ព្យាយាម​កុំ​ធ្វើ​ការ​សម្រេច​ចិត្តលើ​ផ្នែក​ហិរញ្ញវត្ថុ​ណា​មួយ ជា​ពិសេស​ប្រសិន​បើ​វា​ប៉ះ​ពាល់​ដល់​ដៃគូ ឬ​គ្រួសារ​របស់លោក​អ្នក។ កុំទិញទំនិញតាមអ៊ីនធឺណិត។ ការពារប្រសើរជាងព្យាបាល!