Eurasianews-

សហរដ្ឋអាមេរិកត្រូវបានគេរាយការណ៍មកថា បានបញ្ជូនប្រព័ន្ធមីស៊ីលដែលប្រឆាំងនឹងរថក្រោះ Javelin ចំនួន៣០ទៅកាន់អ៊ុយក្រែនកាលពីខែតុលា ដែលជាផ្នែកមួយនៃជំនួយយោធាប្រចាំឆ្នាំដើម្បីជួយប្រទេសនេះទប់ទល់នឹងការឈ្លានពានរបស់រុស្សី។ ការដឹកជញ្ជូនប្រព័ន្ធមីស៊ីលដែលបុរសអាចស្ពាយបាន រួមបញ្ចូលទាំង កាំជ្រួច Javelin ១៨០គ្រឿង ,ទីភ្នាក់ងារព័ត៌មានរដ្ឋរុស្សី Tass បានរាយការណ៍ ដោយបញ្ជាក់ពីចម្លើយដែលគេបានទទួលពីមន្ទីរបញ្ចកោណ។ មន្ទីបញ្ចកោណមិនបានឆ្លើយតបភ្លាមៗទៅនឹងសំណូមពរ REF/RL ដែលបញ្ជាក់ពីព័ត៌មាននេះ។

សហរដ្ឋអាមេរិកកាលពីខែកញ្ញាបាននិយាយថាខ្លួនបានបញ្ជូន Javelin ទោកាន់អ៊ុយក្រែន ដែលជាផ្នែកមួយនៃកញ្ចប់ជំនួយយោធាបន្ថែមដែលមានទឹកប្រាក់ ៦០លានដុល្លារ។ តែទោះជាយ៉ាងណា ក្នុងពេលនោះគេមិនបានបញ្ចេញឲ្យដឹងពីចំនួនប្រព័ន្ធនិងរ៉ុក្កែតនោះទេ។ Javelin ជាអាវុធដ៏មានគ្រោះថ្នាក់ដែលអាចបាញ់ទម្លុះទម្លាយរថក្រោះនិងរថពាសដែក សហរដ្ឋអាមេរិកកាលពីពេលមុនបានបញ្ជូនប្រព័ន្ធ Javelin ទៅកាន់អ៊ុយក្រែនដើម្បីជួយការពារប្រឆាំងទៅនឹងលទ្ធភាពនៃការឈ្លានពានរបស់រុស្សី។

រុស្សីបានប្រមូលផ្តុំកងទ័ពដែលត្រៀមប្រយុទ្ធនិងគ្រឿងសព្វាវុធយោធានៅជិតព្រំប្រទល់ជាប់ជាមួយអ៊ុយក្រែនជាលើកទី២នៅក្នុងឆ្នាំនេះ ដែលនាំឲ្យមានការព្រួយបារម្ភកើនឡើងថាវីមានក្រឹមឡាំងបានកំពុងរៀបចំធ្វើការឈ្លានពានមួយ។ រដ្ឋមន្ត្រីក្រសួងការពារជាតិ អ៊ុយក្រែនបាននិយាយកាលពីខែមុនក្នុងអម្លុងពេលធ្វើទស្សនកិច្ចទៅកាន់ទីក្រុងវ៉ាស៊ិនតុនថា កងទ័ពនៃប្រជាជាតិរបស់លោកត្រូវការការផ្លាស់ប្តូរខណៈដែលរុស្សីបានផ្លាស់បនតូរតាក់ទិក។ លោកនិយាយថា អ៊ុយក្រែនត្រូវការប្រព័ន្ធការពារអាកាសនិងនាវារបស់អាមេរិកក្នុងពេលឥឡូវនេះ ដោយនិយាយថា កងទ័ពជើងគោកពេលនេះរឹងមាំហើយ។

នៅពេលដែលរុស្សីបានឡោមព័ទ្ធសមុទ្ទខ្មៅក្នុងឧបទ្វីប Crimea លោក Reznikov បាននិយាយថា សហរដ្ឋអាមេរិកបានបញ្ជូនទីប្រឹក្សារទៅអ៊ុយក្រែនដើម្បីសិក្សារថា តើប្រព័ន្ធអ្វីការពារអ្វីដែលត្រូវផ្តល់បន្ថែមទៀតដែលជាសេចក្តីត្រូវការរបស់ប្រទេសនេះ សហរដ្ឋអាមេរិករំពឺងថានឹងបញ្ជូនជំនួយយោធាច្រើនជាង៤៥០លានដុល្លារក្នុងឆ្នាំនេះទៅអ៊ុយក្រែន។