CNA-

ក្រសួងការបរទេសអាមេរិកបានធ្វើសេចក្តីអំពាវនាវដល់ “ ប្រទេសទាំងឡាយដែលផ្តល់តម្លៃដល់វិទ្យាស្ថានប្រជាធិបតេយ្យ “ ឲ្យពង្រីកទំនាក់ទំនងជាមួយនឹងតៃវ៉ាន់ “ នៅក្នុងសេចក្តីថ្លែងការណ៍មួយកាលពីថ្ងៃព្រហស្បត៍(9ធ្នូ)បន្ទាប់ពីប្រទេស Nicaragua បានប្រកាសថា ខ្លួនបានកាត់ផ្តាច់ចំណងការទូតជាមួយកោះនេះហើយងាកទៅរកចិនប៉េកាំងវិញ។ សេចក្តីថ្លែងការណ៍បាននិយាយថា ទង្វើររបស់លោកប្រធានាធិបតី Daniel Ortega  “ មិនបានឆ្លុះបញ្ចាំងពីឆន្ទះរបស់ប្រជាពលរដ្ឋ Nicaraguan នោះទេ “ ដោយយោលទៅតាមការបោះឆ្នោតប្រធានាធិបតីនៃប្រទេសអាមេរិកកណ្តាលនាពេលថ្មីៗនេះត្រូវបានគេចាត់ទុកថាជារឿងគួរឲ្យអៀនខ្មាស់។

“ នេះគឺជាការដកហូតនូវដៃគូរដែលមិនចេះប្រែប្រួលរបស់ប្រជាពលរដ្ឋ Nicaragua នៅក្នុងការលូតលាស់នៃប្រជាធិបតេយ្យនិងសេដ្ឋកិច្ច” សេចក្តីថ្លែងការណ៍របស់ក្រសួងការបរទេសបាននិយាយ។ ការផ្លាស់ប្តូរចំណងការទូតរបស់ Nicaragua ងាកចេញពីតៃវ៉ាន់ទៅរកចិន បានបន្សល់ទុកឲ្យកោះនេះនៅសល់តែសម្ព័ន្ធភាពការទូតតែ១៤តែប៉ណ្ណោះ ប៉ុន្តែតៃវ៉ាន់បានពង្រឹងចំណងការទូតជាមួយនឹងបស្ចឹមប្រទេសជាច្រើនរួមទាំងសហរដ្ឋអាមេរិកផងដែរតែមិនផ្លូវការ។

ភាពតានតឹងរវាងទីក្រុងប៉េកាំងនិងវ៉ាស៊ិនតុនបានកើនឡើងលើសពីធម្មតាលើរឿងជោគវាសនារបស់តៃវ៉ាន់ដែលគ្រប់គ្រងខ្លួនឯងដោយលទ្ធិប្រជាធិបតេយ្យ ដែលចិនបានប្តេជ្ញារចិត្តថាថ្ងៃមួយនឹងយកត្រឡប់មកវិញ ទោះបីជាប្រើកំលាំងបើសិនជាមានការចាំបាច់។ក្នុងពេលជាមួយគ្នានោះ សហរដ្ឋអាមេរិកបានរិះគន់យ៉ាងខ្លាំងទៅលើការបោះឆ្នោតនៅក្នុងប្រទេស Nicaragua កាលពីខែវិច្ឆិកាថា មេដឹកនាំ Ortega ដែលកាន់អំណាចដ៏យូរលង់ត្រូវបានជាប់ឆ្នោតសាជាថ្មីទៀតថាជារឿងមិនស្របច្បាប់ ហើយបានដាក់ទណ្ឌកម្មទៅលើការិយាល័យសហព័ន្ធរដ្ឋអាជ្ញារសាធារណៈនិងមន្ត្រី៩រូបជាការឆ្លើយតប។

ប៉ុន្មានខែមុនថ្ងៃបោះឆ្នោតទី៧ខែវិច្ឆិកា អាជ្ញាធរ Nicaragua បានឃុំខ្លួនមន្ត្រីប្រឆាំងប្រហែលជា៤០នាក់ រួមទាំងអនាគតអ្នកប្រកួតប្រជែងតំណែងប្រធានាធិបតី៧រូប ដែលជាការជាក់ស្តែងដើម្បីធានានូវជ័យជំនះសំរាប់ Ortega និងអនុប្រធានាធិបតីដែលជាប្រពន្ធរបស់គាត់  Rosario Murillo។ “ របបរបស់ Ortega-Murillo បានប្រកាសថាខ្លួនមានទំនាក់ទំនងការទូតតឹងតែង និងបានបញ្ចប់ការទាក់ទងជាមួយតៃវ៉ាន់។ ប៉ុន្តែការបោះឆ្នោតដ៏គួរឲ្យអៀនខ្មាស់កាលពីថ្ងៃទី៧ខែវិច្ឆិកាមិនបានផ្តល់អាណត្តិឲ្យដកប្រជាពលរដ្ឋ Nicaragua ចេញពីគ្រួសារប្រជាធិបតេយ្យជាមួយអាមេរិកនោះទេ។ សេចក្តីថ្លែងការណ៍ក្រសួងការបរទេសបាននិយាយកាលពីថ្ងៃព្រហស្បត៍។