AFP-

មេដឹកនាំយោធាមីយ៉ាន់ម៉ាបានអង្គុយជាមួយមន្រ្តីជាន់ខ្ពស់ដ៏ចំណានរបស់អ្នកស្រី អូងសាន ស៊ូជី ដែលត្រូវគេបណ្តេញចេញពីតំណែងកាលពីថ្ងៃសៅរ៍ គឺជាការជួបជុំដ៏សំខាន់ចាប់តាំងពីមានរដ្ឋប្រហារក្នុងខែកុម្ភៈមក។ ពួកយោធាបានបណ្តេញអ្នកស្រីអូងសាន ស៊ូជី និងគណបក្សសម្ព័ន្ធជាតិដើម្បីលទ្ធិប្រជាធិបតេយ្យរបស់លោកស្រីចេញពីអំណាច ដែលរុញច្រានឲ្យមនុស្សជាច្រើនដែលជិតស្និទ្ធនឹងអ្នកស្រីដែលជាសម្ព័ន្ធភាពនយោបាយបានរត់គេចខ្លួននិងខ្លះទៀតត្រូវបានចាប់ខ្លួន។

ពួកយោធាបានចោទប្រកាន់ថាមានការលួចបន្លំសន្លឹកឆ្នោតកាលពីមានការបោះឆ្នោតឆ្នាំមុន ដែលជាការវិនិច្ឆ័យមួយធ្វើឲ្យមានការផ្តួលរំលំតាមបែបយោធា ប៉ុន្តែភាគច្រើននៅក្នុងប្រទេសនៅតែមានការអំពាវនាវដោយចំហរឲ្យមានការផ្លាស់ប្តូរនិងវិលត្រឡប់ទៅរកប្រជាធិបតេយ្យវិញ។ មេដឹកនាំយោធា មីង អូងលាំង កាលពីថ្ងៃអាទិត្យបានជួបជាមួយអ្នកនយោបាយជើងចាស់ម្នាក់និងជាអ្នកដែលមានភក្តីភាពចំពោះគណបក្សសម្ព័ន្ធជាតិដើម្បីលទ្ធិប្រជាធិបតេយ្យ NDL គឺលោក Tin Ou ដែលបានដកខ្លួនចេញពីឆាកនយោបាយដោយសារមានវ័យចាស់និងបញ្ហាសុខភាព។

មីង អូងលាំងបានប្រាប់ Tin Ou ថា ការព្យាបាលសុខភាពអាចនឹងផ្តល់ជូនបើសិនជាមានការចាំបាច់ ហើយមន្ទីរពេទ្យយោធារបស់លោកនឹងជួយ។ ក្រុមព័ត៌មានពួកយោធាបានប្រកាស។ Tin Ou ដែលមានវ័យ ៩៤ឆ្នាំ ដែលជាអតីតឧត្តមសេនីយ៍និងជាសហស្ថាបនិកនៃគណបក្ស NDL ត្រូវបានគេថតរូបឃើញពាក់អាវរូបគណបក្សរបស់លោក ដែលមានរូបសញ្ញាទង់ក្រហមនិងក្ងោកមាស ក្នុងអម្លុងពេលដែលជួបជាមួយ មីងអូងលាំង ដែលអ្នកទាំង២បានញញឹមនៅក្នុងសម្លៀកបំពាក់ស៊ីវិល។

មេដឹកនាំយោធាក៏បានជួបផងដែរជាមួយ Khin Nyun អតីតមេបញ្ជាការការចារកម្មដែលបាមក្លាយទៅជានាយករដ្ឋមន្ត្រី មុនពេលដែលត្រូវបានចាប់ខ្លួននៅក្រុមរបបយោធាលើកមុន។ “ មីងអូង លាំង បានធ្វើដំណើរទៅជួប Khin Nyun និងបានសាកសួរសុខទុក្ខពីសុខភាពរបស់លោក” បុរសវ័យចំណាស់ដែលមានអាយុ៨២ឆ្នាំនេះបានចំណាយពេលវេលាជាប់នៅក្នុងពន្ធនាគារបន្ទាប់ពីត្រូវបានដោះលែងនៅក្នុងឆ្នាំ២០១២។ ក្នុងខណៈដែល អ្នកខ្លះនៃប្រទេសលោកខាងលិចបានមើលឃើញថាលោកជាអ្នកកែរទម្រង់ម្នាក់ ប៉ុន្តែនៅក្រោមការគ្រប់គ្រងអំណាចរបស់លោកជាមេចារកម្ម លោកបានចាប់ខ្លួនសកម្មជន ធ្វើទុកបុកម្នេញនិងទារុណកម្មទាំងហ្វូងៗ។

“ មីងអូងលាំងហាក់ដូចជាបាន តាំងចិត្តថានឹងផាត់ អ្នកស្រីអូងសាន ស៊ូជីចោលហើយមិនព្រមជួបជាមួយលោកស្រី ហើយប្រហែលជាសម្លឹងរកមើលការជួបជាមួយអ្នកផ្សេងទៀតដែលមិនចាំបាច់បង់តម្លៃនយោបាយ”។