DW-

រដ្ឋមន្ត្រីក្រសួងការបរទេសអាល្លឺម៉ង់ដែលនឹងចូលកាន់តំណែងថ្មី Annalena Baerbock បានជំរុញឲ្យមានជំហរដ៏ស្វិតស្វាញមួយប្រឆាំងទៅនឹងទីក្រុងប៉េកាំងនៅក្នុងបទសម្ភាន៍មួយថ្មីៗនេះ។ ស្ថានទូតចិនប្រចាំទីក្រុង Berlin បានធ្វើការវាយបកវិញ ,ដោយនិយាយថាពិភពលោកត្រូវការ "អ្នកស្ថាបនាស្ពានជាជាងអ្នកស្ថាបនាជញ្ជាំង"។ ចិនបានឆ្លើយតបទៅនឹងការព្រមានរបស់រដ្ឋមន្ត្រីក្រសួងការបរទេស Annalena Baerbock ថារដ្ឋផ្តាច់ការដែលជាមហាអំណាចនៅអាស៊ីគួរតែត្រូវបានគេបន្ថយនូវឥទ្ធិពល។

Baerbock ដែលជាសហមេដឹកនាំនៃគណបក្សបៃតងអាល្លឺម៉ង់ បានប្រាប់កាសែត TAZ ថាការទប់ការនាំចូលគួរតែយកមកប្រើដើម្បីជាឥទ្ធិពលនៅក្នុងកំរិតនៃសហគមន៍អឺរ៉ុប ដែលនឹងបង្ករបញ្ហាដ៏ធំសំរាប់ទីក្រុងប៉េកាំង។ ការធ្វើអត្ថាធិប្បាយរបស់លោកស្រីគឺជាការបញ្ជូនសញ្ញានៃការផ្លាស់ប្តូរនយោបាយមួយរបស់រដ្ឋាបាលចម្រុះអាល្លឺម៉ង់ក្រោយនេះ ដែលដឹកនាំដោយអធិការបតីដែលនឹងចូលកាន់តំណែង លោក Olaf Schulz ដែលគេរំពឹងថានឹងចូលកាន់តំណែងនៅសប្តាហ៍ក្រោយនេះ។

Baerbock បានទាញយកទឡ្ហីករថា ទុក្ខព្រួយនិងការឈឺចាប់ជាមួយនឹងចិនគួរតែលើកមកនិយាយឲ្យបានច្បាស់។ "វោហារសាស្ត្រដែលស្ងៀមស្ងាត់ មិនមែនជាជាទម្រង់នៃការទូតក្នុងរយៈពេលវែងនោះទេ ,ទោះបីជាគេធ្លាប់បានឃើញតាមរបៀបនេះក្នុងរយៈពេលប៉ុន្មានឆ្នាំថ្មីៗនេះមកហើយក្តី" លោកស្រីបាននិយាយប្រាប់ TAZ ដែលទំនងជាចង់និយាយយោងទៅរករដ្ឋាភិបាល អ្នកស្រី អធិការបតី Angela Merkel ដែលនឹងត្រូវចុះចេញពីតំណែង។ សំរាប់ខ្ញុំ នយោបាយការបរទេសវាស្ថិតនៅក្នុងតម្លៃមួយ គឺជានិច្ចជាកាលគឺកិច្ចសហប្រតិបត្តិកាណ៍ក្នុងការសន្ទនានិងប្រកបទៅដោយភាពស្វិតស្វាញ។ 

រដ្ឋមន្ត្រីក្រសួងការបរទេសដែលនឹងត្រូវចូលកាន់តំណែង បាននិយាយថា ខណៈដែលការសន្ទនាវាជាចំណុចស្នូលនៃធាតុផ្សំរបស់នយោបាយអន្តរជាតិ “ មិនមែនមានន័យថាអ្នកត្រូវតែលាក់លៀមឬក៏នៅស្ងៀមនោះទេ”ការធ្វើអត្ថាធិប្បាយរបស់លោកស្រី វាជាការនិយាយយោងទៅរកការចោទប្រកាន់ជាច្រើននៃការរំលោភសិទ្ធមនុស្សដោយចិន,រួមបញ្ចូលទាំងការឃុំឃាំងជនជាតិមូស្លីម Uighur ជាង១លាននាក់ នៅភាគឥសាន្តនៃតំបន់ Xinjiang។ Baebock បានផ្តល់ជាយោបល់ថាការទប់ការនាំចូលដែលអនុវត្តិន៍ដោយសហគមន៍អឺរ៉ុបអាចនឹងយកទៅប្រើប្រាស់ជាឧបករណ៍ដើម្បីដាក់សម្ពាធទៅលើក្រុងប៉េកាំង ដោយនិយាយថាវាជាបញ្ហាដ៏ធំសំរាប់ប្រទេសដែលនាំចេញច្រើនដូចចិន។