ព្រះសីហនុ៖ ជនសង្ស័យចំនួន៧នាក់ ត្រូវបានកម្លាំងនគរបាលខេត្តព្រះសីហនុ ឃាត់ខ្លួនពាក់ព័ន្ធករណីជួញដូរដោយខុសច្បាប់នូវសារធាតុញៀន។ ប្រតិបត្តិការនោះបានធ្វើឡើងកាលពីថ្ងៃទី១ ខែធ្នូ ឆ្នាំ២០២១ នៅចំណុចមុខស្ថានីយ៍ប្រេងសូគីមិច ស្ថិតក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។

ជនសង្ស័យទី១-ឈ្មោះ វណ្ណ តែ ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ (ថ្នាំចំនួន០៩កញ្ចប់ធំ ០១តូច០៨)។ ទី២-ឈ្មោះ ទង់ ឡុង ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិដងពែង ឃុំដងពែង ស្រុកស្រែអំបិល ខេត្តកោះកុង។ ទី៣-ឈ្មោះ ថាន់ សុខា ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិដងពែង ឃុំដងពែង ស្រុកស្រែអំបិល ខេត្តកោះកុង។ ទី៤-ឈ្មោះ ប៉ៃ បុល ភេទប្រុស មុខរបរមិនពិតប្រាកដ មានទីលំនៅភូមិដងពែង ឃុំដងពែង ស្រុកស្រែអំបិល ខេត្តកោះកុង។

សមត្ថកិច្ចដកហូតវត្ថុតាងរួមមាន៖ ម្សៅក្រាម ពណ៌សថ្លា សង្ស័យសារធាតុញៀន ចំនួន០៩កញ្ចប់ (ធំចំនួន០១កញ្ចប់ និងតូចចំនួន០៨កញ្ចប់), ទូរស័ព្ទ ចំនួន០៤គ្រឿង, ម៉ូតូចំនួន០២គ្រឿង។

សមត្ថកិច្ចបញ្ជាក់ថាជនសង្ស័យឈ្មោះ វណ្ណ តែ សហការជាមួយកម្លាំងនគរបាលជំនាញទើបកម្លាំងនគរបាលជំនាញឈានទៅឃាត់ខ្លួនជនសង្ស័យចំនួន០២នាក់ទៀត ក្នុងបន្ទប់ជួលស្ថិតក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។ ជនសង្ស័យទី១-ឈ្មោះ គី កៅសាយ ភេទប្រុស អាយុ២៦ឆ្នាំ មុខរបរកម្មកររោងចក្រ ស្នាក់នៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហន, ទី២-ឈ្មោះ សៀង រដ្ឋា ភេទប្រុស អាយុ២៤ឆ្នាំ មុខរបរកម្មកររោងចក្រ ស្នាក់នៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។  

វត្ថុតាងដកហូតបានរួមមាន ៖ម្សៅក្រាម ពណ៌សថ្លា សង្ស័យសារធាតុញៀន ចំនួន១១កញ្ចប់ (ធំចំនួន០៥កញ្ចប់ និងតូចចំនួន០៦កញ្ចប់), ជញ្ជីងថ្លឹង ចំនួន០១, ទូរស័ព្ទ ចំនួន០៣គ្រឿង, ម៉ូតូចំនួន០២គ្រឿង។

លុះដល់ថ្ងៃទី០២ ខែធ្នូ ឆ្នាំ២០២១ វេលាម៉ោង១១និង៣០នាទី ឈ្មោះ គី កៅសាយ បានសហការជាមួយកម្លាំងនគរបាលជំនាញ ទើបកម្លាំងនគរបាលជំនាញ បន្តឃាត់ខ្លួនបានឈ្មោះស្រូ ពិសិដ្ឋ ភេទប្រុស អាយុ៣០ឆ្នាំ មុខរបរមិនពិតប្រាកដ មានទីលំភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ហើយឆែកឆេរលំនៅដ្ឋានដកហូតវត្ថុតាងរួមមានៈ ម្សៅសថ្លាសង្ស័យសារធាតុញៀន ចំនួន០១កញ្ចប់, ទូរស័ព្ទដៃចំនួន០២គ្រឿង និងថង់វេចខ្ចប់មួយចំនួនធំ។

សូមបញ្ជាក់ថាឈ្មោះ ស្រូ ពិសិដ្ឋ គឺជាម្ចាស់ថ្នាំដែលបានចែកចាយអោយជន សង្ស័យទាំង០៦នាក់ខាងលើ ចែកចាយ និងប្រើប្រាស់បន្ត ៕