CBN-

នាវាមុជទឹកចិនដែលដើរដោយឋាមពលនុយគ្លេអ៊ែរបានបើកបរនៅលើផ្ទៃទឹកក្នុងច្រកចេញចូលតៃវ៉ាន់កាលពីថ្ងៃច័ន្ទ,អ្នកវិភាគខាងយោធាអាមេរិកបាននិយាយ ដែលជាទង្វើរដ៏កម្រដែលអាចជាការបញ្ជូនសារទៅកាន់ទីក្រុងវ៉ាស៊ីនតុន។ អ្នកសសេរអត្ថបទនៃវិទ្យាស្ថាននាវាលោក H-ISutton បានបង្ហោះរូបភាព ដែលថតបានដោយផ្កាយរណបអង្គការអវកាសអឺរ៉ុប Sentinel-2 នៅវេលាម៉ោង១០am  ដែលលោកបាននិយាយថា ចិនបានបង្ហាញនូវនាវាមុជទឹកដែលផ្ទុកម៊ីស៊ីលបាល់លីស្ទីកនិងហែរហមដោយនាវាពិឃាតនៅលើដែនទឹក។

លោកបាននិយាយថានាវាមុជទឹកនេះ បានធ្វើដំណើរទៅទិសខាងជើង ចេញពីមូលដ្ឋានកងទ័ពរំដោះប្រជាជនចិនដែលស្ថិតនៅ Yulin ,នៅលើកោះហៃណាន់ភាគខាងត្បូងនៅក្នុងសមុទ្ទចិនខាងត្បូង។លោកបាននិយាយថាទំនងដូចជានាវាមុជទឹកនេះបានឆ្លងកាត់ជាប្រចាំ ដោយលោកបានសំគាល់ឃើញថានាវាមុជទឹកចិនបានត្រឡប់ពីទិសខាងជើងទៅកាន់កន្លែងជួសជុលនាវានៅក្នុងសមុទ្ទBonaire ដើម្បីជួសជុលឬក៏រុះរើម៉ាស៊ីន។ អ្នកជំនាញបាននិយាយថាវាមិនមែនជារឿងធម្មតាសំរាប់នាវាមុជទឹកដែលផ្ទុកមីស៊ីលបាល់លីស្ទីកបណ្តែតខ្លួនលើផ្ទៃទឹក។

កាលពីថ្ងៃច័ន្ទ,យន្តហោះប្រឆាំងនឹងនាវាមុជទឹកអាមេរិក P-8A បានហោះល្បាតនៅលើច្រកតៃវ៉ាន់ដោយបានហោះចេញពីមូលដ្ឋានទ័ពអាកាស Mishawaka ក្នុងប្រទេសជប៉ុន បើយោលទៅតាមក្រុមអ្នកតាមដាននៃវិទ្យាស្ថានយុទ្ធសាស្ត្រចិននៅក្នុងសមុទ្ទចិនខាងត្បូង។ពួកគេបានិយាយថា យន្តហោះអាមេរិកបានហោះមកជិតប្រហែលជា៣០គីឡូម៉ែត្រពី Fuzhou  ជាទីក្រុងមួយនៅទិសនិរតីរបស់ចិនដែលជាទីតាំងនៃមូលដ្ឋានទ័ពអាកាសចិន ចម្ងាយនេះស្ថិតនៅក្នុងរង្វង់ខ្សែរការពារនៃកោះតៃវ៉ាន់ដែលយន្តហោះនេះបានហោះជាប្រចាំផងដែរ។

កាលពីខែមុននាវាមុជទឹក USS -Connecticut ត្រូវបានគេនិយាយថាបានធ្វើដំណើរជាច្រើនសប្តាហ៍នៅលើផ្ទៃទឹកទៅកាន់មូលដ្ឋានអាមេរិកនៅកោះ Guam បន្ទាប់ពីបានត្រូវរងនូវការខូចខាតដោយសារបានបុកភ្នំនៅក្នុងបាតសមុទ្ទក្នុងសមុទ្ទចិនខាងត្បូងដែលបណ្តាលឲ្យរងរបួសនាវិក១១នាក់។ ប៉េកាំងបានចាត់ទុកតៃវ៉ាន់ថាជាទឹកដីរបស់ខ្លួនហើយក៏មិនបានបដិសេធនឹងប្រើកំលាំងដើម្បីចាប់យកកោះដែលគ្រប់គ្រងដោយខ្លួនឯងយកមកកាន់កាប់វិញដែរ។ ភាពតានតឹងបានកើនឡើងនៅច្រកតៃវ៉ាន់ខណៈដែលទីក្រុងប៉េកាំងជំរុញនូវការគំរាមកំហែងខាងយោធានិងដាក់សម្ពាធការទូតផងដែរទៅលើទីក្រុងតៃប៉ិ ។