Washington-
អ្នកការទូតជាន់ខ្ពស់អាមេរិកនឹងធ្វើទស្សនកិច្ចនៅ ក្នុងប្រទេស ឥណ្ឌូណេស៊ី ម៉ាលេស៊ី សឹង្ហបុរី និងថៃចាប់តាំងពីចុងសប្តាហ៍នេះ បន្ទាប់ពីលោកប្រធានាធិបតី Joe-Biden បានអះអាងថានឺងពង្រឹងនូវទំនាក់ទំនងជាមួយអាស៊ីអគ្នេយ៍ ដែលជាសមរភូមិគន្លឹះនៅក្នុងការប្រកួតប្រជែងឥទ្ធិពលជាមួយចិន។ Daniel Kritenbrink ឧបការីរដ្ឋមន្ត្រីក្រសួងការបរទេសប្រចាំនៅអាស៊ីខាងកើតនឹងស្ថិតនៅក្នុងតំបន់ចាប់តាំងពីថ្ងៃសៅរ៍រហូតដល់ថ្ងៃទី៤ធ្នូ ក្រសួងការបរទេសបាននិយាយ។Kritenbrink នឹង "បញ្ជាក់ឡើងវិញនូវការប្តេជ្ញាចិត្តរបស់អាមេរិកក្នុងការធ្វើការរួមគ្នា ដើម្បីដោះស្រាយនូវភាពប្រឈមដ៏ធ្ងន់ធ្ងរជាងគេនៅក្នុងតំបន់និងក្នុងពិភពលោក" និងបញ្ជាក់ពីការគាំទ្ររបស់អាមេរិកសំរាប់ បទបញ្ជាដែលមានមូលដ្ឋានក្នុងការគ្រប់គ្រងនៅក្នុងឥណ្ឌូ-ប៉ាស៊ីហ្វីក "លោកនិយាយ" ។
ដោយយោងទៅលើការកើនឡើងនូវអាកប្បកិរិយាដ៏ហ្មឺងម៉ាត់របស់ចិននៅក្នុងតំបន់ ដែលទីក្រុងវ៉ាស៊ីនតុនបានប្រកាសប្រឆាំងថាជារឿងដែលពាក់ព័ន្ធគ្នា។ Kritenbrink នឹងជជែកអំពីការប្រឈមទៅនឹងបញ្ហាសិទ្ធមនុស្ស ស្វែងរកការពង្រីកនូវកិច្ចសហប្រតិបត្តិការណ៍នៃបម្រែបម្រួលអកាសធាតុ និងពិភាក្សារពីការស្វែងរកមធ្យោបាយដើម្បីដាក់សម្ពាធទៅលើរដ្ឋាភិបាលយោធា មីយ៉ាន់ម៉ា ដើម្បីបញ្ចប់នូវអំពើហឹង្សារនិងអនុញ្ញាតិឲ្យមានការដឹកចូលជំនួយមនុស្សធម៌ដែលធ្លាប់បានរារាំង សេចក្តីថ្លែងការណ៍បាននិយាយ។
លោកនឹងពិភាក្សារផងដែរ ពីរបៀបពង្រឹងនូវទំនាក់ទំនងសេដ្ឋកិច្ចនិងកសាងឡើងវិញឲ្យបានល្អប្រសើរពីជម្ងឺរាតត្បាតកូវីដ -១៩ ។ Bidenបានចូលរួមជួបប្រជុំជាមួយមេដឹកនាំអាស៊ានតាមរយៈវីឌីអូកាលពីខែមុន ជាលើកទី១ក្នុងរយៈពេល៤ឆ្នាំ ដែលទីក្រុងវ៉ាស៊ីនតុនមានទំនាក់ទំនងក្នុងកំរិតជាន់ខ្ពស់ជាមួយនឹងប្លុក។ លោកបានអះអាងថានឹងឈរជាមួយអាស៊ាន ក្នុងការការពារសេរីភាពនៃសមុទ្ទ និងប្រជាធិបតេយ្យ និងនិយាយថា ទីក្រុងវ៉ាស៊ីនតុននឹងចាប់ផ្តើមជជែកអំពីការអភិវឌ្ឍន៍នូវរចនាសម្ព័ន្ធសេដ្ឋកិច្ច ដែលមានរឿងខ្លះការរិះគន់បាននិយាយថា យុទ្ធសាស្ត្រនៅអាស៊ីមានការខ្វះខាតចាប់តាំងពីអ្នកដឹកនាំមុនលោក គឺលោក Donald Trump បានដើរចេញពីកិច្ចព្រមព្រៀងពាណិជ្ជកម្ម។
អ្នកការទូតអាស៊ីម្នាក់បាននិយាយថា ប្រទេសនៅក្នុងតំបន់កំពុងតែរង់ចាំនូវការលំអិតនៃផែនការនេះ ដោយបានទទួលស្គាល់នូវការយកចិត្តទុកដាក់របស់ Biden ក្នុងការកសាងកំលាំងសេដ្ឋកិច្ចក្នុងស្រុកជាកត្តាមានកំរិត។ Daniel Russel ដែលបានកាន់តំណែងនេះនៅក្នុងរដ្ឋការ Obama បាននិយាយថា បញ្ហាជាគន្លឹះសំរាប់អាស៊ានគឺថា “តើសហរដ្ឋអាមេរិក ពិតជាមានគំរោងការយុទ្ធសាស្ត្រសេដ្ឋកិច្ច” សំរាប់តំបន់ប្រាកដប្រជាដែរឬទេ?។