Axios-
នាយករដ្ឋមន្ត្រីនៃកោះសូឡូម៉ុន Manasseh Sogavare បានប្រាប់វិទ្យុ ABC កាលពីថ្ងៃសុក្រថា “វាជាការជ្រៀតជ្រែកនៃអំណាចបរទេស” ក្នុងការឲ្យមានការបះបោរជាច្រើនថ្ងៃនៅក្នុងប្រជាជាតិប៉ាស៊ីហ្វីកខាងត្បូងនេះ។សេចក្តីសំរេចរបស់រដ្ឋាភិបាលរបស់លោកក្នុងការផ្លាស់ប្តូរសម្ព័ន្ធភាពពីតៃវ៉ាន់ទៅចិនបានបណ្តាលឲ្យមានរលកនៃកំហឹងនិងការតវ៉ាដ៏ធំនិងកុប្បកម្មនៅក្នុងរដ្ឋធានី,Honiara,នៅក្នុងសប្តាហ៍នេះ ដែលជាលទ្ធផល Sogavare បានប្រកាសនូវការបិទខ្ទប់និងហៅប៉ូលីសអូស្ត្រាលីឲ្យចូលទៅជួយអន្តរាគមន៍ ដើម្បីត្រួតត្រាទីក្រុងកាលពីថ្ងៃសុក្រ ។
ទីក្រុងចិននៅក្នុង Honiara បានក្លាយទៅជាមុខព្រួញនៃកុប្បករនិងចោរចូលលួចឥវ៉ាន់ ជាមួយនឹងអគារជាច្រើនត្រូវបានដុតបំផ្លាញនៅក្នុងកន្លែងទីប្រជុំជន។ Sogavare បានប្រាប់ ABCថាអំណាចបរទេសបានផ្គត់ផ្គង់ក្រុមអ្នកតវ៉ាប្រឆាំង ការនិយាយភូតភរកុហកខុសទំនងក្នុងការដែលផ្លាស់ប្តូរទំនាក់ទំនងការទូតពីតៃវ៉ាន់ទៅចិនប៉េកាំង។ ប៉ុន្តែរដ្ឋមន្ត្រីក្រសួងការបរទេស Marie’s Payne បាននិយាយនៅក្នុងកិច្ចសម្ភាសន៍ដាច់ដោយឡែកជាមួយABCថាគ្មានការចង្អុលបង្ហាញអ្វីទាំងអស់ថាមានការលូកដៃចូលពីបរទេស។
ការរិះគន់បាននិយាយថាការបះបោរនេះគឺជាលទ្ធផលនៃការខ្វះសេវាកម្មនិងការទទួលខុសត្រូវរបស់រដ្ឋាភិបាល ,អំពើពុករលួយ ,និងអ្នកជំនួញចិនបានផ្តល់ការងារទៅឲ្យជនបរទេសជាជាងពលរដ្ឋនៅក្នុងស្រុក បើយោលទៅតាម AP។ Sogavareបានធ្វើឲ្យពលរដ្ឋជាច្រើនខឹងសម្បារនៅក្នុងឆ្នាំ២០១៩ ជាពិសេសមេដឹកនាំនៅក្នុងខេត្រដែលមានប្រជាប្រីយ៍ភាពជាងគេនៅក្នុងកោះសូឡូម៉ុន ,Malatia ,នៅពេលដែលលោកបានផ្តាច់ចំណងទាក់ទងជាមួយតៃវ៉ាន់ហើយងាកទៅចិន។ មេដឹកនាំនៃខេត្ត Malatia បានត្អូញត្អែរថា ដែនកោះរបស់ពួកគេត្រូវបានដកហូតដោយមិនត្រឹមត្រូវនូវការវិនិយោគរបស់រដ្ឋាភិបាលចាប់តាំងពីមានការផ្លាស់ប្តូរមក។
យន្តហោះមួយគ្រឿងបានដឹកប៉ូលីសនិងអ្នកការទូតអូស្ត្រាលីបានទៅដល់ រដ្ឋធានី Honiara កាលពីល្ងាចថ្ងៃព្រហស្បត៍ ដែលពួកគេនឹងជួយប៉ូលីសនៅក្នុងស្រុករក្សាររបៀបរៀបរយ ,រដ្ឋមន្ត្រីក្សួងការពារជាតិអូស្ត្រាលី Peter Dutton បាននិយាយ។ Sogavare បាននិយាយថា លោកឈរជាមួយសេចក្តីសម្រេចរបស់រដ្ឋាភិបាលរបស់លោក ក្នុងការគាំទ្រទីក្រុងប៉េកាំង ដែលលោកបានពិពណ៌នាថា រឿងតែ១នៅក្នុងអពើហឹង្សារនេះ ជាអកុសល,គឺជាឥទ្ធិពលនិងលើកទឹកចិត្តដោយអំណាចមួយផ្សេងទៀត”។
“សម្ពាធពីខាងក្រៅ វាជាឥទ្ធិពលដ៏ធំ ដែលខ្ញុំមិនចង់បញ្ចេញឈ្មោះ យើងនឹងទុកវានៅទីនោះ “ Sogavare បាននិយាយ “ ខ្ញុំនឹងមិនអោនក្បាលចំពោះអ្នកណាម្នាក់ យើងនឹងនៅដដែល រដ្ឋាភិបាលនឹងនៅដដែល ហើយយើងនឹងការពារនូវលទ្ធិប្រជាធិបតេយ្យ។រដ្ឋមន្ត្រីក្រសួងការបរទេស អូស្ត្រាលី Marie’s Payne មិនយល់ស្របថាមានប្រទេសដ៏ទៃលូកដៃចូលកកូរនៅក្នុងអំពើរបះបោរនេះទេ។