ឆ្នាំជូត (រាសីឡើងខ្ពស់ត្រដែត)

ការអភិវឌ្ឍន៍ខ្លះៗជាមួយការងាររបស់លោកអ្នក អាចក្លាយជាដំណឹងល្អសម្រាប់លោកអ្នកនៅថ្ងៃនេះ។ ព្យាយាមឆ្លើយតបអ៊ីមែលការងារ ឬឆ្លើយតបទៅមិត្តរួមការងាររបស់លោកអ្នកដែលបានផ្ញើសារជាសំឡេងមកកាន់លោកអ្នក។ ពេលវេលាអាចមានសារៈសំខាន់ក្នុងការធានាបាននូវកិច្ចព្រមព្រៀង ឬដំណើរការអ្វីៗទៅមុខ។

ឆ្នាំឆ្លូវ (រាសីល្អជាមធ្យម)

ផ្តោតលើការបោះបង់អតីតកាលមិនល្អចោលនៅថ្ងៃនេះ។ ខណៈពេលដែលលោកអ្នកត្រៀមខ្លួនរួចជាស្រេច ដើម្បីបោះបង់វាចោល លោកអ្នកក៏គួរតែរៀនអភ័យទោស និងទទួលយកអ្វីដែលនៅក្នុងចិត្តរបស់លោកអ្នកផងដែរ។

ឆ្នាំខាល (រាសីឡើងខ្ពស់ត្រដែត)

ថ្ងៃនេះ ជាពេលវេលាដ៏ល្អដើម្បីពិចារណាឡើងវិញនូវអាជីពបច្ចុប្បន្នរបស់លោកអ្នក។ ការចំណាយពេលគិតខ្លះអាចជួយលោកអ្នកឱ្យយល់ច្បាស់ពីគោលដៅរបស់លោកអ្នក និងកំណត់គោលបំណងដែលលោកអ្នកចង់បានខ្លះៗសម្រាប់ឆ្នាំក្រោយ ឬយូរជាងនេះ។ ចំណាយពេលស្ងប់ស្ងាត់ខ្លះ ដើម្បីគិតឡើងវិញ ពិចារណា និងសុបិន្តអំពីអ្វីដែលលោកអ្នកចង់ធ្វើបន្ទាប់។

ឆ្នាំថោះ (រាសីល្អជាមធ្យម)

ប្រសិនបើលោកអ្នកសម្រេចចិត្តចំណាយពេលខ្លះដើម្បីនៅម្នាក់ឯង ត្រូវប្រាកដថាមនុស្សជាទីស្រលាញ់របស់លោកអ្នកដឹងថាលោកអ្នកនៅឯណា! ការនៅឆ្ងាយពីមនុស្សដែលលោកអ្នកស្គាល់ គឺប្រហែលជាវិធីដ៏ល្អមួយដើម្បីសម្រាក និងរក្សាភាពស្ងប់ស្ងាត់បានមួយរយៈ។

ឆ្នាំរោង (រាសីល្អជាមធ្យម)

ប្រសិនបើចៅហ្វាយរបស់លោកអ្នកត្រូវការឱ្យលោកអ្នកធ្វើអ្វីមួយនៅវិនាទីចុងក្រោយ ចូរធ្វើវា។ ប្រាកដណាស់ វាមិនមាននៅក្នុងការគ្រោងទុករបស់លោកអ្នកទេ ប៉ុន្តែលោកអ្នកនឹងមើលទៅល្អនៅចំពោះមុខមនុស្សត្រូវ ប្រសិនបើលោកអ្នកខិតខំប្រឹងប្រែង។ លោកអ្នកក៏គួរតែចំណាយពេលធ្វើ​អ្វី​ពិសេស​ជាមួយ​មិត្តភ័ក្ដិ​ល្អ​បំផុត​របស់លោក​អ្នក​មួយ​ចំនួន។

ឆ្នាំម្សាញ់ (រាសីល្អជាមធ្យម)

លោកអ្នក និងមិត្តភ័ក្តិមួយចំនួនរបស់លោកអ្នក អាចនឹងមានគម្រោងដើរលេងថ្មីក្នុងពេលឆាប់ៗនេះ។ ប្រសិនបើលោកអ្នកមានពេលបន្ថែមខ្លះនៅក្នុងដៃរបស់លោកអ្នក ហេតុអ្វីមិនធ្វើដំណើរតាមផ្លូវជាមួយមិត្តភ័ក្តិ ឬមិត្តមហាវិទ្យាល័យរបស់លោកអ្នក? ឱកាសនេះ​ ប្រហែលជា​មិនមានម្តងទៀតនៅ​ក្នុង​ពេល​ឆាប់​ៗ​នេះទេ។ ចាប់យកវាទៅប្រសិនបើលោកអ្នកអាច។

ឆ្នាំមមី (រាសីស្រុតចុះ)

តើលោកអ្នកមានអារម្មណ៍ថា លោកអ្នកត្រូវការការកាន់ដៃច្រើនជាងធម្មតាបន្តិចមែនទេ? ប្រសិនបើលោកអ្នកនៅជិតគ្រួសារ ឬមិត្តភ័ក្តិរបស់លោកអ្នកនៅថ្ងៃនេះ កុំខ្លាចក្នុងការបើកចំហរទៅកាន់ពួកគេ។ នោះហើយជាអ្វីដែលពួកគេនៅទីនោះសម្រាប់លោកអ្នក។

ឆ្នាំ​មមែ (រាសីស្រុតចុះ)

ការពន្យារពេល និងភាពស្មុគស្មាញ អាចធ្វើឱ្យថ្ងៃនេះមានភាពតានតឹងជាងការរំពឹងទុក។ ប្រសិនបើលោកអ្នកមានគម្រោងធ្វើដំណើរនៅថ្ងៃនេះ លោកអ្នកប្រហែលជាគួរតែពិចារណាម្តងទៀត។ លោកអ្នកនឹងមិនរីករាយនឹងពេលវេលារបស់លោកអ្នកទេ ប្រសិនបើលោកអ្នកជាប់គាំងនៅលើផ្លូវ ឬនៅក្នុងព្រលានយន្តហោះ។

ឆ្នាំវក (រាសីល្អជាមធ្យម)

មិនថាលោកអ្នកនៅការិយាល័យ ឬរីករាយនឹងការសម្រាកខ្លះទេ ចូរផ្តល់សេរីភាពឱ្យខ្លួនឯង។ ពេលវេលាដ៏ល្អបំផុតអាចកើតមាន នៅពេលដែលលោកអ្នកមិនរៀបចំផែនការច្រើនពេក។

ឆ្នាំរកា (រាសីស្រុតចុះ)

ទោះបីជាវាពិបាកសម្រាប់លោកអ្នកក្នុងការសម្រេចចិត្តនៅពេលនេះក៏ដោយ សូមកុំឱ្យវាបញ្ឈប់លោកអ្នកបាននៅថ្ងៃនេះ។ មិនថាលោកអ្នកនៅទីណាទេ ព្យាយាមធ្វើអ្វីៗឱ្យបានលឿន និងមានប្រសិទ្ធភាព។ លទ្ធផលនៃការកំណត់ពេលវេលារបស់លោកអ្នកនឹងបង្ហាញឱ្យឃើញក្នុងពេលឆាប់ៗនេះ។

ឆ្នាំច (រាសីល្អជាមធ្យម)

រក្សា​អារម្មណ៍​ឱ្យ​មាន​ភាពស្រស់ស្រាយ​នៅ​ថ្ងៃ​នេះ​។ ទោះបីជាលោកអ្នកប្រហែលជាត្រូវជាប់គាំងដោយទំនួលខុសត្រូវ និងពេលវេលាកំណត់ផ្សេងៗក៏ដោយ ត្រូវប្រាកដថាលោកអ្នកមានពេលសប្បាយចិត្ត ស្រូបខ្យល់អាកាសបរិសុទ្ធ និងញ៉ាំអាហារបំប៉នខ្លះៗ។

ឆ្នាំកុរ (រាសីស្រុតចុះ)

ការយល់ដឹងថ្មីៗអាចនឹងមកដល់លោកអ្នក ប៉ុន្តែវាប្រហែលជាមិនមានន័យពេញលេញនោះទេនៅពេលនេះ។ ដូច្នេះ លោកអ្នកគួរសរសេរវាទុក។ ទោះបីជាលោកអ្នកមិនយល់ពីរបៀប ឬមូលហេតុក៏ដោយ វាជារឿងសំខាន់ក្នុងការរក្សាចិត្តបើកចំហអំពីសារដែលលោកអ្នកកំពុងទទួលបានពីខាងក្នុងខ្លួនរបស់លោកអ្នក។