បាត់ដំបង៖ នៅថ្ងៃទី២៣ ខែវិច្ឆិកា ឆ្នាំ២០២១ វេលាម៉ោង០៦និង៣០នាទី កម្លាំងផ្នែកជំនាញព្រហ្មទណ្ឌនៃអធិការដ្ឋាននគរបាលក្រុងបាត់ដំបង បានទទួលបណ្ដឹងជនរងគ្រោះ១នាក់ឈ្មោះ ប៊ី សុភក្រ ភេទប្រុស អាយុ៣៥ឆ្នាំ មានទីលំនៅស្នាក់នៅភូមិកម្មករ សង្កាត់ស្វាយប៉ោ ក្រុងបាត់ដំបង ថាមានករណីអំពើលួចសម្ភារៈមួយកើតឡើង ត្រង់ចំណុចក្រុមទី១០ ភូមិកម្មករ សង្កាត់ស្វាយប៉ោ ក្រុងបាត់ដំបង។ ក្នុងនោះសម្ភារ:បាត់បងមាន រទេះដឹកអីវ៉ាន់ពណ៌ខៀវ ចំនួន ០១គ្រឿង។
ក្រោយទទួលពាក្យបណ្តឹង លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានធ្វើការស៊ើបអង្កេតស្រាវជ្រាវនិងបានធ្វើការឃាត់ខ្លួនជនសង្ស័យចំនួន ១នាក់ឈ្មោះ នឿម វុទ្ធី ភេទប្រុស អាយុ ៣៥ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុងខេត្តបាត់ដំបង នាំខ្លួនមកកាន់អធិការដ្នាននគរបាលក្រុងបាត់ដំបងដើម្បីធ្វើការសាកសួរពាក់ពន្ធ័ករណីអំពើលួច។ ក្រោយសាកសួរខ្លួនបានសារភាពថាពិតជាបានលួចម៉ូតូជនរងគ្រោះពិតប្រាកដមែន និងដកហូតវត្ថុតាងជាសម្ភារៈមានរទះដឹកអីវ៉ាន់ ពណ៌ខៀវ ចំនួន ០១គ្រឿង៕