ខេត្តព្រះសីហនុ ៖ ដោយមានការដឹកនាំបញ្ជាពីសំណាក់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុកម្លាំងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្ត បានប្រតិបត្តិការបង្ក្រាបករណីគ្រឿងញៀនក្នុងនោះមានជនសង្ស័យចំនួន ០៣នាក់ ត្រូវបានឃាត់ខ្លួននាវេលាម៉ោង២៣និង១០នាទី ថ្ងៃទី២២ ខែវិច្ឆិកា ឆ្នាំ២០២១ នៅចំណុចភូមិថ្មី ក្រុម០៣ ភូមិ០៣ សង្កាត់០៣ ក្រុងព្រះសីហនុ ខេត្ដព្រះសីហនុ។
ជនសង្ស័យមានឈ្មោះ ៖ ១- ឈ្មោះ សៅ ដារ៉ា ភេទប្រុស អាយុ២៦ឆ្នាំ ជនជាតិខ្មែរ មុខរបរនេសាទ។ ២- ឈ្មោះ គឹង ធា ភេទប្រុស អាយុ៣៤ឆ្នាំ ជនជាតិខ្មែរ មុខរបរមិនពិតប្រាកដ ។ ៣- ឈ្មោះ ជា សៅ ភេទប្រុស អាយុ៣៣ឆ្នាំ ជនជាតិខ្មែរ មុខរបរមិនពិតប្រាកដ។
វត្ថុតាងដកហូតបានរួមមាន ៖ - ម្សៅក្រាមពណ៍សថ្លា សង្ស័យសារធាតុញៀន ចំនួន១៥កញ្ចប់ , - ទូរសព្ទ័ចំនួន ០៤គ្រឿង និងម៉ូតូចំនួន ០១គ្រឿង។
ជនសង្ស័យខាងលើត្រូវបានកម្លាំងជំនាញឃាត់ខ្លួន និងបញ្ជូនមកស្នងការដ្ឋាននគរបាលខេត្ដព្រះសីហនុ ដើម្បីអនុវត្ដនីតិវិធីបន្តតាមផ្លូវច្បាប់៕
