កណ្តាល ៖ នគរបាលស្រុកស្អាង ឃាត់ខ្លួនជនសង្ស័យម្នាក់ ករណីរក្សាទុកដោយខុសច្បាប់នូវសារធាតុញៀន (ម៉ាទឹកកក) នៅថ្ងៃសៅរ៍ ១រោច ខែកត្តិក ឆ្នាំឆ្លូវត្រីស័កព.ស ២៥៦៥ ត្រូវនឹងថ្ងៃទី២០ ខែតុលា ឆ្នាំ២០២១ វេលាម៉ោង២១និង០០នាទី នៅចំណុចលើផ្លូវលំភូមិអំពិល ឃុំក្រាំងយ៉ូវ ស្រុកស្អាង ខេត្តកណ្តាល។

ជនសង្ស័យឈ្មោះ ឡេង ម៉េងលាង ភេទប្រុស អាយុ២៣ឆ្នាំ ជនជាតិខ្មែរ មុខរបរជាងកាត់សក់មានទីលំនៅភូមិតាគល់ ឃុំក្រាំងយ៉ូវ ស្រុកស្អាង ខេត្តកណ្តាល។

វត្ថុតាងចាប់យករួមមាន៖ ម្សៅក្រាមពណ៌សថ្លា សង្ស័យថាជាសារធាតុញៀន (ម៉ាទឹកកក) ចំនួន០១កញ្ចប់តូច និងដែកកេះចំនួន០១ ពណ៌បៃតង។

សមត្ថកិច្ច បានអោយដឹងថា នៅថ្ងៃទីខែឆ្នាំវេលាម៉ោងកើតហេតុខាងលើ កម្លាំងប៉ុស្តិ៍នគរបាលរដ្ឋបាលក្រាំងយ៉ូវ កំពុងចុះល្បាតការពារសន្ដិសុខក្នុងមូលដ្ឋាន លុះដល់ចំណុចកើតហេតុ ស្ថិតក្នុងភូមិអំពិល ឃុំក្រាំងយ៉ូវ ស្រុកស្អាង ខេត្តកណ្ដាល បានជួបប្រទះជនសង្ស័យ រួចក៏សុំធ្វើការត្រួតពិនិត្យឆែកឆេររកឃើញម្សៅក្រាមពណ៌សថ្លា សង្ស័យថាជាសរធាតុញៀន ប្រភេទម៉ាទឹកកកចំនួន០១កញ្ចប់តូច និងដែកកេះចំនួន០១ នៅក្បែរខ្លួនជនសង្ស័យ (ឃើញជនសង្ស័យបោះចោល) បន្ទាប់មកបាននាំជនសង្ស័យ រួមនិងវត្ថុតាងមកប៉ុស្តិ៍នគរបាលរដ្ឋបាលក្រាំងយ៉ូវដើម្បីសាកសួរ។

នៅចំពោះមុខសមត្ថកិច្ចនគរបាលឈ្មោះ ឡេង ម៉េងលាង បានទទួលស្គាល់ថាគឿងញៀននេះពិតជារបស់ពួកខ្លួនពិតមែន ដែលខ្លួនបានទិញចំនួន០១កញ្ចប់តូច តម្លៃ ២០,០០០រៀល ពីបុរសមិនស្គាល់ឈ្មោះនៅម្ដុំឃុំចារ ស្រុកព្រៃកប្បាស ខេត្តតាកែវ។ បច្ចុប្បន្នជនសង្ស័យត្រូវបានបញ្ជូនទៅអធិការដ្ឋាននគរបាលស្រុកស្អាង ដើម្បីកសាងសំណុំរឿងតាមនីតិវិធី។ ជនសង្ស័យត្រូវបានសមត្ថកិច្ចពិនិត្យសំណាកកូវីដ-19 លទ្ធផល អវិជ្ជមាន៕