Bangkok-AP

អ្នកកាសែតអាមេរិក Danny Fenster ដែលត្រូវបានតុលាការមីយ៉ាន់ម៉ាប៉ុន្មានថ្ងៃមុនផ្តន្ទាទោសឲ្យជាប់ពន្ធនាគរ១១ឆ្នាំ ត្រូវបានដោះលែងហើយកំពុងតែធ្វើដំណើរត្រឡប់ទៅស្រុកវិញ អតីតអ្នកការទូតអាមេរិកប្រចាំអ.ស.ប. Bill Richardson បាននិយាយកាលពីថ្ងៃច័ន្ទ។ Richardson បាននិយាយនៅក្នុងសេចក្តីថ្លែងការណ៍ថា Fenster ត្រូវបានគេយល់ព្រមឲ្យលោកនៅក្នុងប្រទេសមីយ៉ាន់ម៉ា ហើយនឹងត្រូវវិលត្រឡប់ទៅកាន់អាមេរិកវិញឆ្លងកាត់តាម Quatar ប្រហែលជាមួយថ្ងៃកន្លះទៀត។

“នេះគីជាថ្ងៃដែលអ្នកសង្ឃឹមបានមកដល់ នៅពេលដែលអ្នកធ្វើកិច្ចការនេះ” Richardson បាននិយាយនៅក្នុងសេចក្តីថ្លែងការណ៍តាមអុីម៉ែលចេញពីការិយាល័យរបស់លោក។ "យើងសូមថ្លែងអំណរគុណយ៉ាងជ្រាលជ្រៅដែល Danny ជាចុងក្រោយអាចនឹងមានទំនាក់ទំនងឡើងវិញជាមួយមនុស្សជាទីស្រឡាញ់របស់ខ្លួន ដែលបាននិយាយពីរូបគាត់គ្រប់ពេលក្នងពេលនេះ ប្រឆាំងទៅនឹងភាពអស់សង្ឃឹមដ៏ក្រៃលែង។

Richardson បាននិយាយថាលោកបានជជែកពិភាក្សាពីការដោះលែង Fenster នៅក្នុងអម្លុងពេលធ្វើទស្សនកិច្ចថ្មីៗនេះ ពេលដែលលោកបានជួបប្រជុំទល់មុខជាមួយ ឧត្តមសេនីយ៍ មីង អូងលាំង មេដឹកនាំយោធា មីយ៉ាន់ម៉ា។ Fenster និពន្ធនាយកទស្សនាវដ្ដី អនឡាញ Frontier Myanmar ត្រូវបានផ្តន្ទាទោសកាលពីថ្ងៃសុក្រ ពីបទចែកចាយព័ត៌មានមិនពិត ឬព័ត៌មានចាក់ដោត មានទំនាក់ទំនងខុសច្បាប់ជាមួយអង្គការ និងរំលោភបទបញ្ញត្តិទិដ្ឋាការ។

ការកាត់ទោស Fenster គឺជាទណ្ឌកម្មធ្ងន់ធ្ងរជាទីបំផុត នៅក្នុងចំណោមអ្នកកាសែត៧រូប ដែលគេមិនទាន់បានដឹងពីវាសនារបស់ពួកគេថានឹងត្រូវផ្តន្ទាទោសយ៉ាងណា ចាប់តាំងពីរបបយោធា Myanmar បានបណ្តេញរដ្ឋាភិបាលដែលកើតចេញពីការបោះឆ្នោតរបស់ជ័យលាភីរង្វាន់ណូបែល អ្នកស្រី អូងសាន ស៊ូជីកាលពីខែកុម្ភះ។ អ្នកនាំពាក្យក្រសួងការបរទេសអាមេរិក Ned Price បានថ្កោលទោសនូវសេចក្តីសំរេចនេះ ដោយបាននិយាយនៅក្នុងសេចក្តីថ្លែងការណ៍ថា "វាជាការកាត់ក្តីមួយដ៏អយុត្តិធម៌ ចំពោៈមនុស្សដែលគ្មានកំហុស"។

Richardson មានប្រវត្តិដ៏យូរលង់ក្នុងធ្វើទំនាក់ទំនងជាមួយ Myanmar ចាប់ផ្តើមតាំងពីឆ្នាំ១៩៩៤ ដែលកាលនោះលោកជាសមាជិកសភាអាមេរិក, ពេលថ្មីៗនេះលោកកំពុងតែស្វែងរកដំណោះស្រាយសំរាប់ជនជាតិអាមេរិកាំងម្នាក់ ដែលកំពុងជាប់ឃុំនៅក្នុងប្រទេសវែណេហ្ស៊ុយអេឡា ដែលមានទំនាស់ជាមួយសហរដ្ឋអាមេរិក៕