ឆ្នាំជូត (រាសីល្អជាមធ្យម)

ថ្ងៃនេះ អាចជាថ្ងៃល្អក្នុងការគូសព្រំដែនខ្លះជាមួយដៃគូ ឬមិត្តរបស់លោកអ្នក អំពីស្ថានភាពដែលបានរំខានលោកអ្នកអស់រយៈពេលជាយូរមកហើយ។ ដំណោះស្រាយនឹងមិនប្រសើរឡើងនោះទេ លុះត្រាតែលោកអ្នកអាចស្មោះត្រង់នឹងអ្វីដែលលោកអ្នកត្រូវការ និងអ្វីដែលលោកអ្នកពេញចិត្ត។

ឆ្នាំឆ្លូវ (រាសីស្រុតចុះ)

ពេលខ្លះលោកអ្នកគ្រាន់តែចង់រឹងរូសនឹងអ្វីមួយ ព្រោះវាសំខាន់សម្រាប់លោកអ្នកក្នុងការធ្វើអ្វីមួយដោយខ្លួនឯង។ បើ​សិនលោកអ្នក​ខឹង​ដោយសារ​សំដី​របស់​អ្នក​ដទៃ សូម​នៅ​តែម្នាក់​ឯង ដើម្បីយកពេលគិតពីខ្លួនលោកអ្នក។ លោកអ្នកនឹងទទួលបានចម្លើយ ប្រសិនបើលោកអ្នកមានភាពស្ងប់ស្ងាត់គ្រប់គ្រាន់។

ឆ្នាំខាល (រាសីស្រុតចុះ)

តើ​លោកអ្នក​មាន​អារម្មណ៍​ថា​អ្នក​ដទៃ​នៅ​តែ​មាន​អាកប្បកិរិយា​ឆ្មើងឆ្មៃ បើ​ទោះ​បី​ជាលោក​អ្នកបាន​ខំ​ប្រឹងធ្វើល្អ​អស់​ពី​សមត្ថភាពរបស់អ្នកហើយក៏ដោយ? ប្រសិនបើមានមនុស្សមួយចំនួននៅក្នុងជីវិតរបស់លោកអ្នក ដែលមិនទទួលយកលោកអ្នកនូវអ្វីដែលលោកអ្នកមាន កុំខ្ជះខ្ជាយពេលវេលារបស់លោកអ្នកព្យាយាមធ្វើជាមិត្តជាមួយពួកគេអី។ មើលថែខ្លួនលោកអ្នក និងតម្រូវការផ្លូវចិត្តរបស់លោកអ្នកវិញប្រសើរជាង។

ឆ្នាំទន្សាយ (រាសីល្អជាមធ្យម)

ថ្ងៃនេះ មនុស្សផ្សេងទៀតអាចជួបរឿងតូចចិត្ត ឬមានការព្រួយបារម្ភ ប៉ុន្តែលោកអ្នកអាចមានពេល 24 ម៉ោងដែលមិនមានអ្វីមួយធ្វើឲ្យលោកអ្នកខ្វល់ខ្វាយបាននោះទេ។ លោកអ្នក​ប្រហែល​ជា​ត្រូវ​បាន​គេ​ល្បួង​ឱ្យ​ឈប់​សម្រាក ហើយ​ធ្វើ​អ្វី​ដែល​សប្បាយៗ ហើយ​ប្រសិន​បើ​​លោកអ្នកមានជម្រើសបែបនេះ លោកអ្នកគួរទទួលយក​​វា!

ឆ្នាំរោង (រាសីស្រុតចុះ)

តើ​ជីវិត​ស្នេហា​របស់​លោកអ្នក​មានបញ្ហាដោយសារអ្នក​ទីបី​មែន​ទេ? ប្រសិនបើលោកអ្នកមានអារម្មណ៍ថា មាននរណាម្នាក់កំពុងបង្កបញ្ហាក្នុងទំនាក់ទំនងរបស់លោកអ្នក ប្រហែលជាដល់ពេលពិនិត្យមើលស្ថានភាពស្នេហារបស់លោកអ្នកហើយ។ ព្យាយាមបើកចិត្តឱ្យទូលាយ និងមើលអ្វីៗឲ្យបានគ្រប់ជ្រុងជ្រោយ។

ឆ្នាំម្សាញ់ (រាសីស្រុតចុះ)

ដល់ម៉ោងចេញក្រៅផ្ទះហើយ? ប្រសិនបើលោកអ្នកបានចំណាយពេលជាមួយភាពឯកា ប្រហែលជាដល់ពេលដែលត្រូវទូរស័ព្ទទៅមិត្តភ័ក្តិរបស់លោកអ្នក ដើម្បីចៀសវាងចំណាយពេលនៅតែម្នាក់ឯងបន្តទៀត។ យ៉ាងហោចណាស់ ហៅនរណាម្នាក់មកកំដរលោកអ្នក។

ឆ្នាំមមី (រាសីស្រុតចុះ)

ថ្ងៃនេះ លោកអ្នកគួរសង្កេតមើលអ្វីៗជុំវិញខ្លួនលោកអ្នកឲ្យបាន​ល្អ ជាពិសេស​​គូស្រករ ឬ​មិត្ត​ល្អរបស់លោកអ្នក​ ព្រោះអាចនរណាម្នាក់ប្រហែលជាកំពុងព្យា​​យាមបំបែកបំបាក់អ្នកទាំងពីរ។

ឆ្នាំ​មមែ (រាសីស្រុតចុះ)

ថ្ងៃនេះ លោកអ្នកអាចមានការព្រួយបារម្ភមួយ ដែលអាចប៉ះពាល់ដល់ជីវិតរស់នៅរបស់លោកអ្នកនៅសព្វថ្ងៃនេះ។ វាប្រហែលជាជម្រើសល្អបំផុតក្នុងការរក្សាគំនិតរបស់លោកអ្នកចំពោះខ្លួនអ្នក ជាជាងបង្ហាញវាទៅលើនរណាម្នាក់ដែលមិនអាចដោះស្រាយអារម្មណ៍របស់លោកអ្នកបាន។

ឆ្នាំវក (រាសីល្អជាមធ្យម)

ជៀសវាងមនុស្សដែលលោកអ្នកមិនអាចទុកចិត្តបាន។ ដូចគ្នា​នេះ​ផង​ដែរ ស្តាប់​តាមការគិត​របស់​លោកអ្នក ​នៅ​ពេល​ដែល​​ធ្វើ​អ្វីមួយ​ដែល​ត្រឹមត្រូវ​​។ ដំណោះ​ស្រាយ​របស់លោក​អ្នក​ប្រហែល​ជា​មិន​ល្អ​សម្រាប់​មនុស្ស​រាល់​គ្នានោះ​ទេ ប៉ុន្តែ​ប្រសិន​បើ​វា​ល្អសម្រាប់​លោកអ្នក សូម​ធ្វើ​វាចុះ។

ឆ្នាំរកា (រាសីឡើងខ្ពស់ត្រដែត)

ឈប់ខ្វល់ពីអ្វីដែលអ្នកដទៃគិត។ វាប្រហែលជាដល់ពេលដែលលោកអ្នកត្រូវក្រោកឈរឡើងចំពោះបុគ្គលមួយចំនួន ដែលតែងតែទាញយកប្រយោជន៍ពីលោកអ្នក។ លោកអ្នកសមនឹងទទួលបានការគោរព និងការគិតពិចារណាដូចគ្នាដែលលោកអ្នកផ្តល់ឲ្យអ្នកដទៃ។

ឆ្នាំចរ (រាសីឡើងខ្ពស់ត្រដែត)

ពេលខ្លះរឿងតែមួយគត់ដែលលោកអ្នកអាចធ្វើបាន គឺដកដង្ហើមឲ្យបានវែងៗ ហើយមានជំនឿថាអ្វីៗនឹងដំណើរការល្អ។ ក្នុងពេលជាមួយគ្នានេះ សូមសម្រាកឱ្យបានច្រើនពីអ្វីដែលលោកអ្នកកំពុងធ្វើការ ហើយបង្វែរអារម្មណ៍ខ្លួនឯងជាមួយនឹងតន្ត្រី ដើម្បីបន្ធូរអារម្មណ៍។

ឆ្នាំកុរ (រាសីល្អជាមធ្យម)

តើ​លោកអ្នក​ត្រូវការអ្វីដែលធ្វើឲ្យលោកអ្នក​មាន​អារម្មណ៍​ថា​មាន​សេរីភាព​ពិតប្រាកដមែនទេ? សួរខ្លួនឯងនូវសំណួរនេះ នៅពេលលោកអ្នកចំណាយពេលរបស់លោកអ្នកនៅថ្ងៃនេះ។ ទោះបីជាវាមានន័យថា ធ្វើការផ្លាស់ប្តូរអាជីព បញ្ចប់ទំនាក់ទំនង ឬផ្លាស់ទៅប្រទេសផ្សេង សូមពិចារណាពីអ្វីដែលលោកអ្នកត្រូវការ ដើម្បីធ្វើអ្វីដែលបេះដូងលោកអ្នកចង់បាន។