RFI-

បារាំងបានបង្ហាញនូវអនុភាពយោធារបស់ខ្លួនកាលពីថ្ងៃច័ន្ទ ក្នុងការបញ្ចេញនូវនាវាចម្បាំងថ្មីរបស់ខ្លួន Auvergne ,ដោយបានគូសបញ្ជាក់នូវអ្វីដែលមេបញ្ជាការនាវាបាននិយាយថា វាមានសារៈសំខាន់ណាស់ដែលទីក្រុងប៉ារីសត្រូវធានានូវសន្តិសុខ និងស្ថិរភាពនៅក្នុងតំបន់មេឌីទែរ៉ាន់ណេខាងកើត។ មេបញ្ជាការនាវា Paul Merveilleux de Vignaux បាននិយាយថានាវា Auvergne ដែលមាននាវិក១៥០នាក់ នឹងដាក់ពង្រាយនៅក្នុងផ្នែកខាងកើតសមុទ្ទ មេឌីទេរ៉ាន់ណេ រហូតដល់ខែមករា ក្នុងការប្រមូលព័ត៌មានសម្ងាត់ដើម្បីបង្ហាញអំពីរបៀបគោរពច្បាប់អន្តរជាតិ និងជាពិសេសរឿងសេរីភាពក្នុងការធ្វើនាវាចរណ៍ចំពោះបារាំង។

"ការដាក់ពង្រាយនេះវាគូសបញ្ជាក់ថា តើវាសំខាន់យ៉ាងណាចំពោះបារាំង ក្នុងការពិចារណានូវផ្នែកមួយក្នុងសមុទ្ទមេឌីទែរ៉ានណេ ហើយវាក៏ជាឆន្ទះរបស់ប្រទេសក្នុងការធ្វើវិភាគទានទៅនឹងស្ថិរភាពក្នុងកន្លែងជាយុទ្ធសាស្ត្រនេះ" De Vigneaux បានប្រាប់អ្នកកាសែតនៅកំពង់ផែ Cypriot នៃ Lamaca ។ នាវា Auvergne បានដាក់ឲ្យប្រើប្រាស់ចំនួន៣ឆ្នាំកន្លងមកហើយ និងបានដាក់ពង្រាយជាច្រើនដង នេះជាលើកទី១នៅក្នុងសមុទ្ទមេឌីទេរ៉ាន់ណេ។ នាវានេះប្រដាប់ទៅដោយឧបករណ៏ឯកទេសសំរាប់ប្រឆាំងទៅនឹងនាវាមុជទឹក។

De Vigneaux បាននិយាយថានេះជាលើកទី១២ ដែលនាវា Auvergne បានទៅដល់ Cyprus ដែលលោកបានពណ៌នាថា ដើម្បីគាំទ្រនូវប្រតិបត្តិការណ៍នាវារាំងនៅក្នុងតំបន់។ "វាមិនអាចនឹងគ្រប់គ្រាន់និងមាននិរន្តរភាពសំរាប់ប្រតិបត្តិការណ៍នាវានោះទេបើសិនជាគ្មានការគាំទ្រ ហើយ Cyprus ជាចំណុចកណ្តាល។ នាវាផ្ទុកយន្តហោះបារាំង Charles de Gaulle ក៏បានធ្វើដំណើរទៅ Cyprus ជាញឹកញយដែរ។ បារាំងនិង Cyprus បានធ្វើឲ្យមានទំនាក់ទំនងយ៉ាងជិតស្និទ្នជាមួយគ្នាក្នុងប៉ុន្មានឆ្នាំថ្មីៗនេះ។

Cyprus បានអនុញ្ញាតិឲ្យយន្តហោះបារាំងប្រើប្រាស់មូលដ្ឋានទ័ពអាកាសរបស់ខ្លួននៅភាគខាងត្បូង និងខាងកើតនៃប្រទេសដែលជាកោះរបស់ខ្លួន ព្រមទាំងមានកិច្ចព្រមព្រៀងអនុញ្ញាតិឲ្យនាវាបារាំងប្រើប្រាស់កំពង់ផែខាងត្បូងរបស់ខ្លួនផងដែរ ដែលបច្ចុប្បន្នកំពុងតែធ្វើឲ្យប្រសើរឡើងថែមទៀត។ ទួរគី មិនបានទទួលស្គាល់ Cyprus ថាជារដ្ឋនោះទេ ហើយកំពុងតែដណ្តើមយកដែនទឹក ដែលរដ្ឋាភិបាល Cyprus បានអះអាងថាជាសិទ្ធដែនសេដ្ឋកិច្ចខាងក្រៅរបស់ខ្លួន៕