អ្នកដែលយល់ពីសក់កាន់តែល្អ អ្នកនឹងអាចថែរក្សាវាបានល្អផងដែរ។ សរសៃសក់មានបីស្រទាប់៖ សរសៃខាងក្នុងហៅថា Medulla ស្រទាប់កណ្តាលហៅថា Cortex (កន្លែងដែលមានពណ៌ធម្មជាតិ និងពណ៌ផ្សេងៗទៀត) នៅក្នុងសំបក​ខាងក្រៅ គេហៅថា Cuticle ដែលមានរាងរាបស្មើ រលោង និងចែងចាំង ដូច្នេះវាមើលទៅរលោងនៅពេលមានសុខភាពល្អ។ ប៉ុន្តែនៅពេលដែលសក់ត្រូវបានខូចខាត នោះ Cuticle មានសភាពរញ៉េរញ៉ៃ ហើយប្រហែលជាមានភាពផុយស្រួយផងដែរ។ នេះធ្វើឱ្យសក់ងាយជ្រុះ ហើយបាត់បង់ភាពភ្លឺរលោង។

ដូច្នេះ មកគិតអំពីការថែរក្សាសក់របស់អ្នកទាំងអស់គ្នា!

១. សាប៊ូកក់សក់ដែលគ្មានជាតិស៊ុលហ្វាត

ក្បួនការកក់សក់លេខមួយ៖​ ស៊ុលហ្វាតមិនអាចប្រើប្រាស់ទៅលើសក់របស់អ្នក (ឬកន្លែងណាផ្សេងទៀតលើរាងកាយរបស់អ្នកទេ)។ សារធាតុគីមីពុលទាំងនេះ អាចធ្វើឱ្យសក់ស្ងួត និងប្រែពណ៌សក់ និងសក់មានប្រេងមិនល្អផងដែរ។

ផ្ទុយទៅវិញ អ្នកគួរតែលាងសម្អាតសក់ដោយការបញ្ចូលគ្នានៃអាឡូវ៉េរ៉ា ប្រេងសំខាន់ៗដើម្បីជំនួយសក់។ ដូចជាសាប៊ូកក់សក់ និងសាប៊ូបន្ទន់សក់បែបបុរាណ សក់អាចរក្សារបាំងការពាររបស់វា ដែលមានន័យថាមិនមានការផលិតប្រេងច្រើនពេក, មិនខូចសក់ និងជ្រុះសក់, លាបពណ៌សក់បានយូរ ហើយសក់ទាំងមូលមានសុខភាពល្អ និងភ្លឺចែងចាំង។

២. ការលាងជាមួយសាប៊ូស្ងួត

យើងចូលចិត្តប្រើសាប៊ូកក់សក់ស្ងួត ឬម្សៅសក់ ដើម្បីរក្សាសក់ឱ្យនៅថ្មី និងគ្មានប្រេង។ ប៉ុន្តែការពឹងផ្អែកលើវាខ្លាំងពេកអាចមានបញ្ហាបាន ព្រោះវាអាចកើតមាននៅលើស្បែកក្បាល និងបិទរន្ធសក់ ដែលអាចនាំឱ្យស្តើង និងជ្រុះសក់។

៣. ម៉ាស្សាស្បែកក្បាល

អ្វីក៏ដោយដែលមាននៅលើស្បែកក្បាលរបស់អ្នកអាចធ្វើឱ្យប៉ះពាល់ដល់រន្ធសក់ ដែលអាចកាត់បន្ថយអង្កត់ផ្ចិតនៃសក់នីមួយៗនៅពេលវាលូតលាស់ ឬរារាំងការលូតលាស់ទាំងមូល។ ការម៉ាស្សាស្បែកក្បាលជាប្រចាំ គឺជាទង្វើដ៏សាមញ្ញ និងមានភាពងាយស្រួលនៃការថែទាំសក់ដោយខ្លួនឯង ដែលជួយលើកកម្ពស់ការលូតលាស់សក់ឲ្យរឹងមាំ ដូច្នេះ យើងសូមណែនាំឱ្យងូតទឹក ឬប្រើឧបករណ៍ម៉ាស្សាស្បែកក្បាល ដើម្បីជួយបញ្ចេញស្បែកដែលងាប់ៗ និងជំរុញលំហូរឈាម ដើម្បីនាំមកនូវសារធាតុចិញ្ចឹមបន្ថែមដល់គល់សក់របស់អ្នក។

៤. កំណត់ការប្រើប្រាស់ឧបករណ៍ដែលមានកម្តៅខ្លាំង

ឧបករណ៍ដែលមានកម្តៅខ្លាំង អាចបណ្តេញចេញនូវសរសៃសក់ដែលមាននៅក្នុងសំបក​ខាងក្រៅនៃសក់ ​ឬដុតវាបាន។ ព្យាយាមជៀសវាងការប្រើប្រាស់ឧបករណ៍ទាំងនេះទាំងអស់គ្នា តាមដែលអាចធ្វើទៅបាន ដោយជ្រើសរើសផលិតផលស្ទីលម៉ូដសក់ដែលបន្ថែមគុណភាព កម្រិតកម្តៅ និងការសង្កត់។ ប្រសិនបើអ្នកត្រូវប្រើកំដៅ សូមរក្សាកំដៅនៅក្រោម ៤០០ អង្សាសេ ដែលគ្រប់គ្រាន់សម្រាប់ស្ទីលណាមួយ។

៥. ទទួលទានរបបអាហារដែលមានតុល្យភាពល្អជាមួយនឹងប្រូតេអ៊ីនច្រើន

កង្វះជីវជាតិអាចប៉ះពាល់ទាំងការលូតលាស់ និងស្ថានភាពសក់។ អាហារដែលមានសុខភាពល្អជាច្រើនដូចជា សណ្តែក គ្រាប់ផ្លែឈើ ផ្លែឈើ បន្លែ ប្រូតេអ៊ីនគ្មានខ្លាញ់ និងខ្លាញ់ដែលមានសុខភាពល្អ នឹងជួយឱ្យសក់មានសុខភាពល្អបំផុត។

ប្រូតេអ៊ីនគឺជាគន្លឹះនៃសុខភាពសក់ ដោយសារសក់ត្រូវការប្រូតេអ៊ីនជាចម្បង ហើយការស្រាវជ្រាវបង្ហាញថា នៅពេលទទួលប្រូតេអ៊ីនមិនបានគ្រប់គ្រាន់អាចបណ្តាលឱ្យសក់ស្តើង​។ លើសពីនេះ អាហារដែលផ្តល់ជាតិស័ង្កសី (អយស្ទ័រ និងគ្រាប់ល្ពៅ) អាស៊ីតខ្លាញ់អូមេហ្គា ៣ (ត្រីសាម៉ុន ត្រីសាឌីន សណ្តែកសៀង ប្រេង flaxseed គ្រាប់ពូជឆៃ) និងប៊ីយ៉ូទីន (ស៊ុត) សុទ្ធតែមានជាប់ទាក់ទងនឹងការលូតលាស់សក់ដែលមានសុខភាពល្អ។

អាហារដែលសំបូរទៅដោយវីតាមីន C (ពិតណាស់ក្រូចប៉ុន្តែក៏មានក្នុងស្ពៃក្តោប ប្រូខូលី ម្រេចក្រហម ខាត់ណា ផ្លែស្ត្របឺរី និងគីវី) ដែលត្រូវបានបង្ហាញថា មានលក្ខណៈប្រឆាំងអុកស៊ីតកម្ម ដើម្បីការពាររន្ធសក់ពីការខូចខាតដោយរ៉ាឌីកាល់សេរី ដែលរារាំងការលូតលាស់សក់ល្អបំផុត។ វីតាមីន C ក៏ដើរតួយ៉ាងសំខាន់ក្នុងការផលិតកូឡាជែនដែលជួយពង្រឹងសក់។

ការបាត់បង់សក់អាចបណ្តាលមកពីកង្វះជាតិដែក ដូច្នេះចូរបរិភោគស្ពៃខ្មៅ។ ខ្ញីស្រស់សម្បូរទៅដោយម៉ាញ៉េស្យូម ផូស្វ័រ វីតាមីននិងប៉ូតាស្យូម ដែលត្រូវការសម្រាប់សក់រឹងមាំ និងភ្លឺចែងចាំងតាមបែបធម្មជាតិ។ ហើយកុំភ្លេចវីតាមីន E ដែលមាននៅក្នុងផ្លែអាល់ម៉ុន និងក្នុងចំណោមអាហារដទៃទៀត៕

អត្តបទដកស្រង់ពី Hairstory

បកប្រែនិងកែសម្រួលដោយលោក គីមម៉េង