ខេត្តកំពង់ឆ្នាំង ៖ កម្លាំងអធិការដ្ឋាននគរបាលក្រុងកំពង់ឆ្នាំង សហការជាមួយប៉ុស្តិ៍នគរបាលរដ្ឋបាលខ្សាម បានចុះល្បាតមកដល់ចំណុចផ្លូវកែងស្ថិតក្នុងភូមិទី៧ សង្កាត់ខ្សាម ក្រុង/ខេត្តកំពង់ឆ្នាំង កាលពីថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង២១និង៣០នាទី បានឃើញជនសង្ស័យចំនួន៣នាក់ កំពុងដើរឆ្ពោះទៅរង្វង់មូលទូក សមត្ថកិច្ចក៏បានឃាត់សួរនាំជនសង្ស័យ ០៣នាក់ នោះតែត្រូវបានជនសង្ស័យម្នាក់រត់គេចខ្លួនបាត់នៅសល់ជនសង្ស័យចំនួន ០២នាក់ សមត្ថកិច្ចបានធ្វើការឆែកឆេរលើខ្លួនជនសង្ស័យចំនួន ០២នាក់ ខាងលើរកឃើញថ្នាំញៀនចំនួន ០៨កញ្ចប់ ទូរស័ព្ទដៃចំនួន ០១គ្រឿង ឃើញដូចនេះសមត្ថកិច្ចក៏បានឃាត់ខ្លួនជនសង្ស័យទាំង ០២នាក់ បញ្ជូនមកអធិការដ្ឋាននគរបានក្រុងកំពង់ឆ្នាំងតែម្ដង។

ជនសង្ស័យទាំង ០២នាក់នោះមាន៖ 
១/ ឈ្មោះ ឈឿង ចាន់ធឿន (ម្ចាស់ថ្នាំញៀន) ភេទប្រុស អាយុ១៩ឆ្នាំ មុខរបរកម្មករ រស់នៅភូមិផ្សារលើ សង្កាត់ផ្សារឆ្នាំង ក្រុង.ខេត្ដកំពង់ឆ្នាំង 
២/ ឈ្មោះ មាន ដារ៉ា ភេទប្រុស អាយុ១៧ឆ្នាំ មុខរបរមិនពិត រស់នៅភូមិកណ្ដាល សង្កាត់កំពង់ឆ្នាំង ក្រុង.ខេត្ដកំពង់ឆ្នាំង។
ជនសង្ស័យរួម និងវត្ថុតាងត្រូវបានបញ្ជូនមកអធិការដ្ឋាននគរបាលក្រុងកំពង់ឆ្នាំង ដើម្បីកសាងសំណុំរឿងបញ្ជូនទៅកាន់ការិយាល័យប្រឆាំងគ្រឿងញៀន ខេត្តចាត់ការតាមនីតិវិធី៕