ខេត្តព្រះសីហនុ ៖ នៅថ្ងៃទី០៦ ខែវិចិ្ឆកា ឆ្នាំ២០២១ វេលាម៉ោង១២និង០០នាទី នៅចំណុចក្នុងបន្ទប់ជួលស្ថិតក្នុងភូមិពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀនដោយឃាត់ខ្លួនជនសង្ស័យម្នាក់។
ជនសង្ស័យឈ្មោះ ប៊ុត សឿន (ហៅខ្លែង) ភេទប្រុស អាយុ៤២ឆ្នាំ មុខរបរមិនពិតប្រាកដ មានទីលំនៅភូមិពូធឿង ឃុំបិតត្រាង ស្រុកព្រៃនប់ ខេត្តព្រះសីហនុ។ ដកហូតវត្ថុតាងរួមមាន ៖ ម្សៅក្រាមសថ្លា សង្ស័យសារធាតុញៀន ចំនួន២៥កញ្ចប់ (ធំចំនួន០៩និងតូចចំនួន១៦កញ្ចប់), ទូរស័ព្ទដៃចំនួន ០១គ្រឿង។ បច្ចុប្បន្នជនសង្ស័យបានកសាងសំណុំរឿងចាត់ការតាមនីតិវិធី៕