CNBC- 

កិច្ចព្រមព្រៀងពាណិជ្ជកម្មដែលធំជាងគេបំផុត, មានចិន តែមិនមានអាមេរិក,នឹងចូលជាធរមានក្នុងខែមករាឆ្នាំ២០២២។ វាបានចេញមកជាមួយនឹង អូស្ត្រាលី និង នូវ៉ែលហ្សេឡង់ដែលបានប្រកាសថា ពួកគេបានផ្តល់សច្ចាប័នទៅលើកិច្ចព្រមព្រៀងនេះរួចហើយ។ ដៃគូរសេដ្ឋកិច្ចដ៏ទូលំទូលាយនៅក្នុងតំបន់ RCEP បានចុះហត្ថលេខាដោយប្រទេសចំនួន១៥នៅក្នុងអាស៊ីប៉ាស៊ីហ្វិក ប្រទេសទាំងនោះរួមមានសមាជិកប្រទេសអាស៊ានទាំង១០និងដៃគូរពាណិជ្ជកម្មដ៏ធំរបស់ពួកគេ មាន ចិន ជប៉ុន កូរ៉េខាងត្បូង អូស្ត្រាលីនិង នូវ៉ែលហ្សេឡង់។

អូស្ត្រាលីបានថ្លែងនៅក្នុងសេចក្តីថ្លែងការណ៍មួយកាលពីថ្ងៃអង្គារ៍ថា គេបានផ្តល់នូវសច្ចាប័នរួចហើយព្រមទាំនូវ៉ែលហ្សឡង់ផងដែរ, ដែលជាការរៀបចំផ្លូវធ្វើឲ្យកិច្ចព្រមព្រៀងនេះចូលជាធរមានក្នុងថ្ងៃទី១ មករា ២០២២ ហើយវានឹងធ្វើឲ្យ RCEP នេះក្លាយទៅជាព្រឹត្តិការណ៍មួយដ៏សំខាន់។ នូវ៉ែលហ្សេឡង់បានបញ្ជាក់ពីការផ្តល់សច្ចាប័នរបស់គេដាច់ដោយឡែកមួយនៅក្នុងសេចក្តីថ្លែងការណ៍មួយកាលពីថ្ងៃពុធ។

RCEP នឹងចូលជាធរមានក្នុងរយៈពេល៦០ថ្ងៃ បន្ទាប់ពីចំនួនតិចបំផុតនៃរដ្ឋជាសមាជិកអាស៊ាន៦ប្រទេស និង៣ប្រទេសដែលមិនមែនជាអាស៊ានដែលជាហត្ថលេខីផ្តល់សច្ចាប័នលើកិច្ចព្រមព្រៀង។ ប្រទេសអាស៊ានដែលបានផ្តល់សច្ចាប័នរហូតមកដល់ពេលនេះមាន ប្រ៊ុយណេ កម្ពុជា ឡាវ សឹង្ហបុរី ថៃ និងវៀតណាម បើយោលទៅតាមវ៉ែបសាយរបស់ក្រសួងការបរទេសនិងពាណិជ្ជកម្មអូស្ត្រាលី។

បន្ថែមទៅលើប្រទេស អូស្ត្រាលី នូវ៉ែលហ្សេឡង់ ប្រទេសដ៏ទែទៀតដែលនៅក្រៅអាស៊ានដែលបានផ្តល់សច្ចាប័នរួចហើយមាន ចិននិងជប៉ុន។ RCEP គ្របដណ្តប់ទៅលើទីផ្សារដែលមានប្រជាពលរដ្ឋចំនួន២,២ពាន់លាននាក់ និងទឹកប្រាក់ចំនួន ២៦,២ ពាន់ពាន់លានដុល្លារអាមេរិកនៃទិន្នន័យពិភពលោក។ ភាពជាដៃគូរនឹងបង្កើតនូវក្រុមពាណិជ្ជកម្មមួយដែលគ្របដណ្តប់ប្រហែលជា៣០%នៃចំនួនប្រជាពលរដ្ឋលើសាកលលោកព្រមទាងសេដ្ឋកិច្ចពិភពលោកផងដែរ៕