ប្រសិនបើអ្នកចម្អិនអាហារដែលមានដំឡូងទៀងទាត់ អ្នកប្រហែលជាឆ្ងល់ថាតើអ្នកអាចប្រើប្រាស់សំបកដំឡូងជាជាងគ្រាន់តែបោះវាចោលឬអត់។ វាហាក់ដូចជាខ្ជះខ្ជាយណាស់ដែលបោះសំបកដំឡូងចោល ហើយប្រសិនបើអ្នកជាមនុស្សដែលយល់ដឹងពីបរិស្ថានដូចមនុស្សរាប់លាននាក់នៅជុំវិញពិភពលោក អ្នកប្រហែលជាកំពុងព្យាយាមកាត់បន្ថយផលប៉ះពាល់បរិស្ថានរបស់អ្នកតាមដែលអាចធ្វើបាន។

នៅក្នុងចំណុចនេះយើងនឹងបង្ហាញពីការប្រើប្រាស់ល្អបំផុតរបស់សំបកដំឡូងបារាំងដែលអ្នកត្រូវសាកល្បងនៅឥលូវនេះ។​

១. លាក់សក់​ស្កូវបស់អ្នក

សក់ប្រែពណ៌ទៅជាស្កូវគឺជាធម្មជាតិទាំងស្រុង ប៉ុន្តែនេះមិនមានន័យថាអ្នកត្រូវតែទទួលយកសញ្ញានៃភាពចាស់នេះទេ ប្រសិនបើអ្នកមិនទាន់ត្រៀមខ្លួនរួចរាល់! ប្រសិនបើអ្នកចង់បិទបាំងសក់ពណ៌ស្កូវរបស់អ្នកដោយមិនចាំបាច់ប្រើផលិតផលថ្លៃៗ ដែលមានជាតិគីមីច្រើន សូមសាកល្បងប្រើសំបកដំឡូងជំនួសវិញ។​

វាជាមធ្យោបាយដោះស្រាយដ៏ចំលែកមួយ ប៉ុន្តែមនុស្សជាច្រើនបានដឹងយ៉ាងច្បាស់ថា សំបកដំឡូងអាចលាក់ពណ៌សក់របស់ពួកគេ។ ដើម្បីសាកល្បងវិធីនេះ អ្នកអាចដាក់សំបកដំឡូងដែលនៅសល់ទៅក្នុងឆ្នាំងមួយ បន្ទាប់មកបន្ថែមទឹកក្តៅ ហើយទុកឱ្យពុះរយៈពេល ៣០ នាទី។ នៅពេលអស់ពេលហើយ ទុកឱ្យត្រជាក់ បន្ទាប់មកយកវាមកលាងសក់បន្ទាប់ពីកក់សក់រួច។

២. ជំនួសម្សៅនំប៉័ងជាមួយសំបកដំឡូង

ម្ហូបដុតនំជាច្រើនត្រូវការម្សៅនំប៉័ង។ មិនថាអ្នកកំពុងធ្វើនំ​ Casserole, Mac 'n cheese, ប្រហិត, នំត្រី ឬអ្វីផ្សេងទៀតដែលត្រូវការម្សៅ អ្នកអាចសាកល្បងប្រើសំបកដំឡូងជំនួសវិញ។

ដើម្បីឱ្យសំបកដំឡូងមានសភាពដូចទៅនឹងម្សៅនំប៉័ង គួរតែកិនវានៅក្នុងម៉ាស៊ីនកិនរហូតដល់វាមានទំហំតូចៗ។ អ្នកមិនគួរទុកវាក្នុងម៉ាស៊ីនកិនយូរពេកទេ ព្រោះវានឹងអាចទៅជាស្អិតពេកក្នុងការចំអិន​។

ការជំនួសម្សៅនំប៉័ងដោយសំបកដំឡូង អ្នកនឹងឃើញថា សំបកដំឡូងអាចចំអិនបានប្រហាក់ប្រហែលគ្នា។ ពួកវាក៏គ្មានជាតិ gluten ដែលអាចបណ្តាលឱ្យអ្នកដែលមានជំងឺ celiac ផងដែរ។

៣. ធ្វើដំណាប់ដំឡូង

ដំណាប់ដំឡូង គឺជាទឹកជ្រលក់ដែលមានរសជាតិឈ្ងុយឆ្ងាញ់ ដែលត្រូវបានបង្កើតឡើងដោយការចំអិនស្ករ ទឹកដោះគោ និងសំបកដំឡូង។ មានរូបមន្តធ្វើម្ហូបដំណាប់ដំឡូងជាច្រើន ប៉ុន្តែភាគច្រើនត្រូវការសំបកដំឡូង ប្រេងផ្កាឈូករ័ត្ន ទឹកដោះគោ និងស្ករអំពៅ។

៤. ថ្នាំបំបាត់ឬសដូងបាតធម្មជាតិ

ការព្យាបាលឬសដូងបាត គឺមានតំលៃថ្លៃ ហើយវាមិនតែងតែមានប្រសិទ្ធភាពដូចការផ្សាយពាណិជ្ជកម្មនោះទេ។ ការព្យាបាលជាមួយសំបកដំឡូងតម្រូវឱ្យអ្នកត្រដុសសំបកដំឡូងឆៅមួយចំណិតលើស្បែក។ អ្នកក៏អាចរុំសំបកដំឡូងទៅកន្លែងដែលមានបញ្ហា ហើយទុកចោលរយៈពេល ២ ទៅ ៣ម៉ោង ក្នុងមួយដង។

ក៏ប៉ុន្តែ គ្មានការធានាថា ការព្យាបាលនេះនឹងមានប្រសិទ្ធភាពពិតប្រាកដទេ ជាពិសេសឱសថបុរាណទាំងនេះណែនាំអ្នក ឱ្យកប់សំបកដែលបានប្រើនៅក្នុងសួនច្បាររបស់អ្នក ដើម្បីបង្កើនឱកាសជោគជ័យរបស់អ្នក។ ទោះយ៉ាងណាក៏ដោយ មនុស្សជាច្រើនសព្វថ្ងៃនេះអះអាងថា ការធ្វើបែបនេះពិតជាបានបំបាត់ឬសដូងបាតរបស់ពួកគេ ដូច្នេះអ្នកអាចសាកល្បងវាបាន។

៥. ប្រើក្នុងការថែរក្សាសម្ផស្សរបស់អ្នក

យើងធ្លាប់តែលឺថាត្រសក់ និងចេកអាចព្យាបាលសម្រស់ ប៉ុន្តែចុះបើប្រើសំបកដំឡូងវិញទៅជាយ៉ាងណា? អ្នកអាចប្រើសំបកដំឡូង ដើម្បីធ្វើឱ្យស្បែកភ្លឺនិងស ដោយបន្ថែមនូវអត្ថប្រយោជន៍ដល់សម្រស់ប្រចាំថ្ងៃថែមទៀត។ អ្នកអាចយកកំទេចសំបកដំឡូងមកបិទភ្ជាប់ទៅលើស្បែក ឬត្រដុសសំបកដំឡូងនៅលើតំបន់ដែលមានបញ្ហានៅពេលព្រឹក អាចព្យាបាលស្បែកដែលមានស្លាកស្នាម។ កំទេចសំបកដំឡូងក៏ត្រូវបានគេប្រើទៅលើក្លៀកខ្មៅ និងកាត់បន្ថយភាពជ្រីវជ្រួញ ហើយអាចត្រូវបានប្រើនៅក្រោមភ្នែករបស់អ្នក ដើម្បីកាត់បន្ថយថ្នក់ក្រោមភ្នែកទៀតផង។

៦. បន្ថែមទៅក្នុងជីកំប៉ុស្ត

ការបន្ថែមសំបកដំឡូងទៅក្នុងជីកំប៉ុស្តត្រូវបានផ្តល់ការណែនាំឱ្យធ្វើបែបនេះជាច្រើន។ អ្នកប្រហែលជាមានការព្រួយបារម្ភថា ការបន្ថែមសំបកដំឡូងទៅក្នុងជីកំប៉ុស្តរបស់អ្នក នឹងបណ្តាលឱ្យពួកវាដុះពន្លក ប៉ុន្តែនេះកម្រកើតជាបញ្ហាណាស់ ដោយសារតែសំបកដំឡូងស្តើង ហើយគំនរកំប៉ុសមានកំដៅក្តៅល្មមដែលធ្វើឱ្យសំបកដំឡូងត្រូវរលួយយ៉ាងឆាប់រហ័ស។

៧. សំបកដំឡូងបំពង

សំបកដំឡូងបារាំង ឬស្បែកដំឡូងបានទទួលការពេញនិយមយ៉ាងខ្លាំងនាពេលថ្មីៗនេះ។ ឥឡូវនេះអ្នកអាចកុម្ម៉ង់សំបកដំឡូងបំពងលាយជាមួយឈីស បេខន ផ្សិតនិងអាហារឆ្ងាញ់ៗផ្សេងទៀតពីភោជនីយដ្ឋានអ៊ីតាលីជាច្រើន។

អ្នកក៏អាចធ្វើសំបកដំឡូងបំពងដោយខ្លួនឯងបាន ញ៉ាំជាមួយឈីស ឬទឹកជ្រលក់ដែលអ្នកចូលចិត្ត។

៨. ផលិតស្រាពីសំបកដំឡូង

ប្រសិនបើអ្នកជាអ្នកផលិតស្រាបៀរនៅផ្ទះ អ្នកគួរតែប្រើសំបកដំឡូងដើម្បីធ្វើជាស្រាដោយខ្លួនឯង។ ដោយប្រើសំបកដំឡូងជំនួសឱ្យដំឡូងដែលបានទិញ ជាពិសេសអ្នកអាចសន្សំសំចៃម្ហូបអាហារដែលនឹងត្រូវបោះចោល។

មានរូបមន្តជាច្រើនសម្រាប់ផលិតស្រាពីសំបកដំឡូង ប៉ុន្តែរូបមន្តល្អបំផុតមួយ គឺប្រើសំបកដំឡូង ១ ផោន ស្ករស ១/៣ ផោន និងដំបែ ១/៤ ផោន។ អ្នកត្រូវការធុងអាហារចំណុះ ៤ លីត្រសម្រាប់លាយចូលគ្នា! បន្ទាប់ពីលាយគ្រឿងផ្សំហើយ អ្នកត្រូវទុកធុងយ៉ាងហោចណាស់ ៧ ថ្ងៃដើម្បីឱ្យមានជាតិ fermentation ។

៩. ជួយសម្អាតខ្ទះដែក

របៀបធ្វើគឺសាមញ្ញ៖ ដាំទឹកហើយដាក់សំបកចូលប្រហែល ៥ នាទី បន្ទាប់មកបង្ហូរទឹកចេញពីខ្ទះ ហើយរង់ចាំឱ្យសំបកត្រជាក់បន្តិច។ ម្សៅដែលចេញពីសំបកដំឡូងបានជាប់ទៅនឹងភាពកខ្វក់ ឬជាតិកខ្វក់ផ្សេងៗនៅលើខ្ទះ ដែលជួយសម្អាតបានល្អ និងធ្វើឱ្យមិនជាប់ស្អិតលើខ្ទះទៀតផង។

១០. ព្យាបាលរបួសរលាក

សំបកដំឡូងត្រូវបានប្រើអស់ជាច្រើនសតវត្សមកហើយ ព្រោះគេគិតថា សំបកដំឡូងអាចកាត់បន្ថយការឡើងក្រហម ការរលាក និងការឈឺចាប់ដែលទាក់ទងនឹងការរលាកបន្តិចបន្តួច។

ការព្យាបាលបែបនេះ មានការគាំទ្រដោយវិទ្យាសាស្ត្រផងដែរ។ ការសិក្សាមួយបានណែនាំថា សំបកដំឡូងដែលនៅសល់ត្រូវបានប្រើនៅក្នុងប្រទេសកំពុងអភិវឌ្ឍន៍ ដើម្បីព្យាបាលការរលាកដោយសារវាមានតម្លៃសមរម្យ និងងាយស្រួលរកទៀតផង។ ប៉ុន្តែ អ្នកត្រូវចងចាំថា សំបកដំឡូងត្រូវបានប្រើសម្រាប់ការរលាកតិចតួចប៉ុណ្ណោះ។ ការរលាកធ្ងន់ធ្ងរត្រូវយកទៅពិនិត្យដោយគ្រូពេទ្យជំនាញ។

ដើម្បីព្យាបាលការរលាកដោយការប្រើសំបកដំឡូង អ្នកគ្រាន់តែលាបស្រទាប់ដោយផ្ទាល់ទៅលើកន្លែងដែលមានបញ្ហាហើយរុំវាដោយបង់រុំ។ អ្នកក៏អាចកំទេចសំបកដំឡូងយកមកបិទលើកន្លែងរលាកជំនួសវិញក៏បានដែរ។

១១. ធ្វើទឹកដំឡូង

កុំអាលយកទឹកដែលនៅសល់ពីស្ងោរដំឡូង ឬសំបកដំឡូងទៅចោលលឿនពេក! ទឹកនេះត្រូវបានប្រើដើម្បីបន្ថែមរសជាតិដល់ស៊ុប និងទឹកជ្រលក់ផ្សេងៗ។ ដោយសារតែវាមានផ្ទុកនូវជាតិម្សៅ ដែលអាចជួយធ្វើឱ្យអាហារបស់អ្នកឡើងខាប់នៅពេលដែលអ្នកបានបន្ថែមវាជាមួយការចំអិនរបស់អ្នក។ អ្នកថែមទាំងអាចបន្ថែមទឹកដំឡូងទៅក្នុងរូបមន្តដុតនំដើម្បីផ្តល់រសជាតិដល់នំប៉័ង និងរក្សានំប៉័ងឱ្យនៅទន់បានយូរ។

នៅខាងក្រៅផ្ទះបាយ ទឹកដំឡូងអាចត្រូវបានប្រើដើម្បីស្រោចទឹករុក្ខជាតិរបស់អ្នក ឬត្រាំគ្រឿងប្រាក់ដែលប្រឡាក់។ វាងាយស្រួលក្នុងការធ្វើទឹកដំឡូងពីសំបកដំឡូងដែលនៅសល់ ដោយគ្រាន់តែបន្ថែមសំបកដំឡូងទៅក្នុងទឹកក្តៅមួយ យកមកដាំឱ្យពុះ បន្ទាប់មកយកសំបកចេញហើយប្រើទឹកភ្លាមៗ។

ជាចុងក្រោយ តើអ្នកដឹងថាមានហេតុផលជាច្រើនដែលមិនគួរបោះសំបកដំឡូងរបស់អ្នកចោល? ប្រសិនបើអ្នកចូលចិត្តដំឡូង អ្នកប្រាកដជាចូលចិត្តសំបកដំឡូងផងដែរ។ លើកក្រោយពេលអ្នកកំពុងបកដំឡូង កុំប្រញាប់បោះវាចោលណា សាកល្បងប្រើក្នុងរូបមន្ត ឬវិធីខាងលើទាំងនេះ!

អត្តបទដកស្រង់ពី epicnaturalhealth

បកប្រែនិងកែសម្រួលដោយលោក គីមម៉េង