កំពង់ស្ពឺ៖ នៅថ្ងៃទី០១ ខែវិច្ឆិកា ឆ្នាំ២០២១ វេលាម៉ោង១២និង០០នាទី នៅចំណុចភូមិក្រាំងពង្រ ឃុំសង្កែសាទប កម្លាំងអធិការដ្ឋាននគរបាលស្រុកឱរ៉ាល់ បានឃាត់ខ្លួនក្រុមជនសង្ស័យចំនួន៤នាក់ពាក់ព័ន្ធករណីជួញដូរនិងប្រើប្រាស់ដោយខុសច្បាប់នូវសារធាតុញៀន។
មន្ត្រីនគរបាលខេត្តកំពង់ស្ពឺ បានឲ្យដឹងថាជនសង្ស័យទី១-ឈ្មោះ កែម ពុធ ភេទប្រុស អាយុ១៨ឆ្នាំ នៅភូមិក្រាំងពង្រ ឃុំសង្កែសាទប ស្រុកឱរ៉ាល់, ទី២-ឈ្មោះ ឡុង ឡូត ភេទប្រុស អាយុ១៧ឆ្នាំ, ទី៣-ឈ្មោះ ហួរ សុខគា ភេទប្រុស អាយុ១៩ឆ្នាំ និងទី៤-ឈ្មោះ ខា ចិត្រា ភេទប្រុស អាយុ១៩ឆ្នាំ ទាំង៣នាក់នៅភូមិគោក ឃុំសង្កែសាទប ស្រុកឱរ៉ាល់។
សមត្ថកិច្ចបានដកហូតវត្ថុតាង ម្សៅក្រាមពណ៌សថ្លាសង្ស័យជាគ្រឿងញៀន៧កញ្ចប់តូច, ម៉ូតូ១គ្រឿង, ទូរសព្ទដៃ៣គ្រឿង រួមនឹងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នកម្លាំងការិយាល័យជំនាញកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕
