Phnom Penh-

កម្ពុជា ដែលនឹងចូលកាន់តំណែងជាប្រធានសមាគមន៍ប្រជាជាតិអាស៊ីប៉ែកអគ្នេយ៍(ASEAN),នឹងជំរុញឲ្យពួកយោធាដែលគ្រប់គ្រងមីយ៉ាន់ម៉ា បើកឲ្យមានការជជែកគ្នាជាមួយនឹងគូរប្រជែងរបស់ខ្លួន,រដ្ឋមន្រ្តីក្រសួងការបរទេសបាននិយាយកាលពីថ្ងៃព្រហស្បត៍ទី២៨ខែតុលា។

ដោយព្រមានថា មីយ៉ាន់ម៉ាអាចនឹងធ្លាក់ចូលទៅក្នុងសង្គ្រាមស៊ីវិល , ឯកឧត្តម Prak Sokhon បាននិយាយថាកម្ពុជានឹងតែងតាំងបេសកជនពិសេសមួយសំរាប់មីយ៉ាន់ម៉ា ដើម្បីចាប់ផ្តើមការងារនៅពេលដែលកម្ពុជាចាប់ផ្តើមចូលកាន់តំណែងជាប្រធានអាស៊ាននៅដើមឆ្នាំនេះ។បេសកជនបច្ចុប្បន្នលោក  Erywan Yusof តំណាងឲ្យអាស៊ានជាជនជាតិប្រ៊ុយណេ។

“ខណៈដែលយើងទាំងអស់គ្នាគោរពនូវគោលការណ៍មិនជ្រៀតជ្រែកចូលក្នុងកិច្ចការផ្ទៃក្នុងនៃសមាជិករដ្ឋដ៏ទៃ ស្ថានការណ៍នៅក្នុងមីយ៉ាន់ម៉ានៅតែជារឿងដែលគួរព្រួយបារម្ភយ៉ាងខ្លាំង “ ឯកឧត្តមបានប្រាប់កាសែត Reuters  “ វាមានផលប៉ះពាល់ជាអវិជ្ជមានមកលើតំបន់ ,ជំនឿជឿជាក់មកលើសមាគមន៍និងប្រជាពលរដ្ឋមីយ៉ាន់ម៉ាដែលជាបងប្អូនរបស់យើង”។

វាជារឿងមិនធម្មតាដែលមិនដែលមានពីមុនមក អាស៊ានបានផាត់មេដឹកនាំយោធា មីង អូងលាំង ចេញពីកិច្ចប្រជុំកំពូលអាស៊ានជាបន្តរបន្ទាប់ដែលខ្លួនធ្វើជាម្ចាស់ផ្ទះនៅក្នុងឆ្នាំនេះ ។ លោកឧត្តមសេនីយ៍ ដែលដឹកនាំធ្វើរដ្ឋប្រហារកាលពីថ្ងៃទី១ខែកុម្ភះ ដែលបណ្តាលឲ្យមានការតវ៉ាបង្ហូរឈាម បានត្រូវគេរុញឲ្យនៅម្ខាងក្នុងការខកខានមិនបានផ្តល់កិត្តិយសនិងការប្តេជ្ញាចិត្តចំពោះអាស៊ានដើម្បីបញ្ឍប់អំពើហឹង្សារ,និងអនុញ្ញាតិឲ្យមានលំហូរចូលនៃជំនួយមនុស្សធម៌ និងបេសកជនអាស៊ាន។