កំពង់ស្ពឺ ៖ នៅ ថ្ងៃ ទី២៤ ខែតុលា ឆ្នាំ២០២១ វេលាម៉ោង១០ និង០០នាទីសមត្ថកិច្ចនគរបាលស្រុកភ្នំស្រួចបានបង្ក្រាបឃាត់ខ្លួនជនសង្ស័យចំនួន ០២នាក់ពាក់ព័ន្ធ ករណីឆក់ទូរស័ព្ទ និងរក្សាទុកសារធាតុញៀន ។
ជនសង្ស័យមានឈ្មោះ ថៃ មិនា ( ហៅ ថុ ល ) ភេទប្រុស អាយុ១៨ឆ្នាំ រស់នៅភូមិ ត្រពាំងអត់ទឹកឃុំគីរីវន្តស្រុកភ្នំស្រួចខេត្តកំពង់ស្ពឺ ( របួសធ្ងន់ ដួល ម៉ូតូ ដោយ ខ្លួនឯង ) និងឈ្មោះ ហែម សុខ ចាន់ ( ហៅ ង៉ោ ល ) ភេទ ប្រុសអាយុ ១៨ ឆ្នាំ រស់នៅ ភូមិក្រាំង ខ្ជាយឃុំតាំងស្យាស្រុកភ្នំស្រួច ខេត្តកំពង់ស្ពឺបានធ្វើសកម្មភាពឆក់ ទូរស័ព្ទដៃ០១គ្រឿងម៉ាកOppoពីជនរងគ្រោះឈ្មោះ ហែម សុខ ភត្រា ភេទ ប្រុសអាយុ ២៦ ឆ្នាំ រស់នៅភូមិ ព្រៃ ក្រឡាញ់ ឃុំលំហាចស្រុក អង្គស្នួល ខេត្តកណ្ដាល នៅ ចំណុច ភូមិអន្លង់ ថ្លឹងឃុំ មហាសាំង ស្រុកភ្នំស្រួច ខេត្តកំពង់ស្ពឺ ។

បន្ទាប់ពីឆក់បានហើយជនសង្ស័យព្យាយាមបើកម៉ូតូគេចខ្លួនតែត្រូវបានជនរងគ្រោះបើកម៉ូតដេញតាមរហូតធ្វើអោយជនសង្ស័យទាំង០២នាក់ដួលម៉ូតូដោយ ខ្លួនឯងនៅចំណុចផ្លូវលំខាងលិចវត្តប្រាក់សំបូរស្ថិតនៅភូមិតាំងស្រឡៅឃុំ តាំងស្យា ស្រុកភ្នំស្រួច ខេត្តកំពង់ស្ពឺ ទើបសមត្ថកិច្ចសហការជាមួយម្ចាស់ទូរស័ព្ទនិង ប្រជាពលរដ្ឋ ដែល រស់នៅ ជិត នោះ ឃាត់ខ្លួន ជនសង្ស័យ បាន ទាំង ០២ នាក់ បាន តែ ម្ដង ។
វត្ថុតាងដកហូតរួមមាន ៖ ម៉ូតូ ចំនួន ០១ គ្រឿង ម៉ាក សង់ C125 ស៊េរី ឆ្នាំ ២០១៨( ឡើង តែម ឆ្នាំ ២០២១) ពណ៌ ខ្មៅ ពាក់ ស្លាកលេខ កំពង់ស្ពឺ 1K-3483 , ទូរស័ព្ទ ដៃ ចំនួន ០៤ គ្រឿង ម៉ាក Nokia ចុច ពិល ចំនួន ០២ គ្រឿង ម៉ាក X-serles ចំនួន ០១ គ្រឿង ម៉ាក MGT ចំនួន ០១គ្រឿង , ម្សៅ ក្រាមពណ៌ថ្លាសចំនួន ០៧ កញ្ចប់សង្ស័យជាគ្រឿងញៀន ( មធ្យម ០១ កញ្ចប់ តូច ០៦ កញ្ចប់ ) និងឧបករណ៍សម្រាប់វេចខ្ចប់ គ្រឿងញៀនមួយចំនួនទៀត ។
ចំពោះវត្ថុតាងទូរស័ព្ទម៉ាកOppoដែលជនសង្ស័យធ្វើសកម្មភាពភាពឆក់បានសមត្ថកិច្ចប្រគល់ទៅអោយម្ចាស់ដើមវិញ។រីឯ ជនសង្ស័យត្រូវបានសមត្ថកិច្ចកសាង សំណុំរឿងបញ្ជូនអនុវត្តបន្តតាមនីតិវិធី