Aljazeera-

រុស្សីទទួលស្គាល់ការប្រឹងប្រែងរបស់តាលីបង់ក្នុងការព្យាយាមធ្វើឲ្យស្ថានការណ៍មានស្ថិរភាពនៅក្នុងអាហ្វហ្គានីស្ថាន,រដ្ឋមន្ត្រីក្រសួងការបរទេសរុស្សី លោកSergey Lavrov បាននិយាយក្នុងពេលដែលលោកទទួលធ្វើជាម្ចាស់ផ្ទះសំរាប់ការជជែកជាអន្តរជាតិនៅក្នុងទីក្រុងមូស្គូ។ “ រដ្ឋបាលមួយថ្មីកំពុងស្ថិតនៅក្នុងអំណាចឥឡូវនេះ” Lavrov បានប្រាប់អង្គប្រជុំ “ យើងកត់សំគាល់ឃើញនូវការប្រឹងប្រែងធ្វើឲ្យស្ថានការណ៍មានស្ថិរភាពទាំងនយោបាយនិងយោធា ព្រមទាំងរៀបចំការងារសំរាប់រចនាសម្ព័ន្ធរបស់រដ្ឋ”

កិច្ចប្រជុំនៅថ្ងៃពុធ បានផ្តោតការយកចិត្តទុកដាក់ទៅលើអនាគតរបស់អាហ្វហ្គានីស្ថាន ដែលនឹងមានការចូលរួមពីពីមន្ត្រីចំនួន១០ប្រទេសរួមបញ្ចូលទាំង ចិននិងប៉ាគីស្ថាន។ ការពិភាក្សារគ្នានេះជាការកត់សម្គាល់មួយដែលជាការប្រជុំអន្តរជាតិដែលមានសារៈសំខាន់បំផុតសំរាប់ពួកតាលីបង់ចាប់តាំងពីពួកគេបានបន្តរកាន់អំណាចត្រួតត្រាអាហ្វហ្កានីស្ថាននៅក្នុងពាក់កណ្តាលខែសីហា។

តំណាងប្រទេសដែលមកពី India,Iran,Kazakhstan , Kyrgyzstan,Tajikistan, Turkmenistan ,និង Uzbekistanក៏នឹងចូលរូមផងដែរ។ Lavrov បាននិយាយថា ទីក្រុង មូស្គូមានការសោកស្តាយដោយសារអវត្តមានសហរដ្ឋអាមេរិក ។ កាលពីពេលថ្មីៗនេះ សហរដ្ឋអាមេរិកបាននិយាយថា នឹងមិនចូលរួមក្នុងការជួបជុំគ្នានៅទីក្រុងមូស្គូនេះទេ ដោយយោងទៅតាមហេតុផលបច្ចេកទេស ប៉ុន្តែមានផែនការនឹងចូលរួមក្នុងពេលអនាគត។

ប្រតិភូតាលីបង់ដឹកនាំដោយឧបនាយករដ្ឋមន្ត្រី Abdul Salam Hanafi ដែលជាមន្ត្រីជាន់ខ្ពស់នៃមេដឹកនាំអាហ្វហ្គានីស្ថាន ដែលដឹកនាំការប្រជុំជាមួយសហគមន៍អឺរ៉ុបនិងសហរដ្ឋអាមេរិកកាលពីអាទិត្យមុន។