ព្រះសីហនុ ៖ ដោយមានការដឹកនាំបញ្ជាពីសំណាក់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុនៅថ្ងៃទី១៨ ខែតុលា ឆ្នាំ២០២១ វេលាម៉ោង២៣និង៣០នាទី កម្លាំងនគរបាលជំនាញប្រឆាំងគ្រឿងញៀននៃស្នងការដ្ឋាននគរបាលខេត្ត បានបើកកិច្ចប្រតិបត្តិការបង្ក្រាបករណីគ្រឿងញៀនឃាត់ខ្លួនជនសង្ស័យ០១នាក់ នៅចំណុចមុខស្ថានីយ៍ប្រេងតេលាស្ថិតក្នុងភូមិ០៣ សង្កាត់ លេខ ០៣ ក្រុង-ខេត្តព្រះសីហនុ។ 
ជនសង្ស័យមានឈ្មោះ ខែត ថុង ភេទប្រុស អាយុ ៣៥ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន សង្កាត់ ០១ ក្រុង-ខេត្ដព្រះសីហនុ ។ 
វត្ថុតាងដកហូតបានរួមមាន ៖ 
-ម្សៅក្រាមព៌ណសថ្លា សង្ស័យសារធាតុញៀន០២កញ្ចប់ធំ មានទម្ងន់១៩៨ក្រាម
-ទូរសព្ទ័ដៃ ០៣គ្រឿង។
បច្ចុប្បន្នជនសង្ស័យខាងលើរួមទាំងវត្ថុតាងត្រូវបាននគរបាលជំនាញបញ្ជូនមកស្នងការដ្ឋាននគរបាលខេត្តព្រះសីហនុដើម្បីចាត់ការតាមនីតិវិធី៕