កំពង់ស្ពឺ៖ មុខសញ្ញាជួញដូរសារធាតុញៀនខុសច្បាប់ម្នាក់ត្រូវបានកម្លាំងអធិការដ្ឋាននគរបាលស្រុកបសេដ្ឋឃាត់ខ្លួន នៅថ្ងៃទី១៩ ខែតុលា ឆ្នាំ២០២១ វេលាម៉ោង១៣និង១០នាទី នៅចំណុចភូមិត្រពាំងធ្លក ឃុំស្វាយចចិប ស្រុកបសេដ្ឋ ខេត្តកំពង់ស្ពឺ។

មន្ត្រីនគរបាលខេត្តកំពង់ស្ពឺ បានឲ្យដឹងថាជនសង្ស័យឈ្មោះ សៅ ហឿន ភេទ ប្រុស អាយុ ២២ឆ្នាំ នៅភូមិត្រពាំងធ្លក ឃុំស្វាយចចិប ស្រុកបសេដ្ឋ។

សមត្ថកិច្ចបានដកហូតវត្ថុតាង៖ ម្សៅក្រាមពណ៌សថ្លាសង្ស័យជាគ្រឿងញៀន ១៩កញ្ចប់ (១៧តូច និង ២មធ្យម) រួមនឹងឧបករណ៍ប្រើប្រាស់គ្រឿងញៀនមួយចំនួន។ បច្ចុប្បន្នកម្លាំងការិយាល័យជំនាញ កំពុងកសាងសំណុំរឿងចាត់ការតាមនីតិវិធី ៕