Singapore- ទីស្តីការរដ្ឋមន្ត្រីក្រសួងការបរទេសបាននិយាយថា នាយករដ្ឋមន្ត្រី Lee Hsiang Loong និងលោកប្រធានាធិបតី Xi Jing ping បានបញ្ជាក់ឡើងវិញនូវចំណងទាក់ទងដ៏រឹងមាំរវាងសឹង្ហបុរីនិងចិន នៅក្នុងកិច្ចសន្ទនាតាមទូរស័ព្ទកាលពីថ្ងៃសុក្រ ទី១៥ ខែតុលា មេដឹកនាំទាំង២បានពិភាក្សាគ្នាអំពីការពង្រឹងសេដ្ឋកិច្ចដែលនឹងងើបឡើងវិញ។ លោក Lee និងលោក Xi បានបញ្ជាក់ឡើងវិញនូវផលប្រយោជន៍ទៅវិញទៅមក ពីការបន្តនូវការប្តូរគ្នានិងកិច្ចសហប្រតិបត្តិការណ៍ ទោះបីជាឱកាសនៃការប្រកួតប្រជែងប្រឈមទៅនឹងជម្ងឺរាតត្បាតកូវីដ១៩ក៏ដោយ។

នៅក្នុងសេចក្តីថ្លែងការណ៍ដែលថ្លែងក្នុងសន្និសិទកាសែត ក្រសួងការបរទេសសឹង្ហបុរី បាននិយាយថា មេដឹកនាំនៃប្រទេសទាំង២បានគូសបញ្ជាក់នូវការបន្តឲ្យមានការចម្រើនលូតលាស់ទាំង៣ រវាងរដ្ឋាភិបាលនិងរដ្ឋាភិបាលនិងកិច្ចសហប្រតិបត្តិការណ៍យ៉ាងជិតស្និទ្ធនៅលើគំនិតផ្តួចផ្តើមផ្លូវ១ខ្សែរក្រវ៉ាត់១។ ពួកគេបានជជែកគ្នាពីការពង្រឹងសេដ្ឋកិច្ចដែលងើបឡើងវិញតាមរយៈការពង្រីកនូវកិច្ចសហការរួមគ្នានៃការឆ្លងកាត់ព្រំប្រទល់ និងការតភ្ជាប់ចរន្តនៃការផ្គត់ផ្គង់ ក៏ដូចជាពាណិជ្ជកម្ម ការវិនិយោគ ទីក្រុងឆ្លាត និងបំរែបំរួលអាកាសធាតុផងដែរ។

មេដឹកនាំទាំង២ក៏បានស្វាគមន៍ផងដែរ ពីកិច្ចសហប្រតិបត្តិការណ៍សេដ្ឋកិច្ចបៃតងនិងសេដ្ឋកិច្ចតាមប្រព័ន្ធបច្ចេកវិទ្យា។ សេចក្តីថ្លែងការណ៍បានបន្ថែមទៀតថា ទាំងលោក Lee និងលោក  Xi បានសម្លឹងឆ្ពោះទៅរកការកោះប្រជុំនៃក្រុមប្រឹក្សារលើកទី១៧នៃក្រុមប្រឹក្សាររួមសំរាប់កិច្ចសហប្រតិបត្តិការណ៍ទ្វេរភាគី។

ពួកគេក៏បានផ្លាស់ប្តូរនូវទស្សនៈនៃការអភិវឌ្ឍន៍នៃតំបន់និងអន្តរជាតិ ព្រមទាំងបានបញ្ជាក់ឡើងវិញនូវចំណងទាក់ទងដ៏រឹងមាំរវាងអាស៊ាននិងចិន ខួបលើកទី៣០នៃទំនាក់ទំនងកិច្ចសន្ទនា៕