សហរដ្ឋអាមេរិកនិងហ្វីលីពីនមានផែនការនឹងវិលត្រឡប់ទៅធ្វើសមយុទ្ធរួមគ្នាពេញលេញឡើងវិញនៅឆ្នាំ២០២២ បន្ទាប់ពីខកខានអស់រយៈពេល២ឆ្នាំហើយនឹងអញ្ជើញអូស្ត្រាលីនិងអង់គ្លេសធ្វើជាអ្នកសង្កេតការណ៍, ដែលជាសញ្ញាមួយទៀតបង្ហាញដោយរដ្ឋការលោក Biden ក្នុងការជំរុញឲ្យមានចំណងទាក់ទងនៅក្នុងឥណ្ឌូ-ប៉ាស៊ីហ្វីកនិងដើម្បីប្រឆាំងទៅនឹងការវាតទីរបស់ចិន។

សហរដ្ឋអាមេរិកចង់បង្កើននូវវិសាលភាពនិងភាពស្មុគ្រស្មាញនៃយោធារបស់ខ្លួនជាមួយនឹងហ្វីលីពីនព្រមទាំងមានផែនការចង់អញ្ជើញដៃគូរថ្មីដើម្បីចូលរួមនៅក្នុងសមយុទ្ធនេះ,លោកឧត្តមសេនី៍ John Aquilina មេបញ្ជាការនៃកងទ័ពអាមេរិកប្រចាំនៅឥណ្ឌូ-ប៉ាស៊ីហ្វីកបាននិយាយនៅក្នុងទីក្រុងម៉ានិល។ អង់គ្លេស អូស្ត្រាលី និងជប៉ុនដែលស្ថិតនៅក្នុងចំណោមប្រទេសដែលមានគំនិតដូចគ្នាហើយដែលអាចនឹងចូលរួមនៅក្នុងសមយុទ្ធនេះក្នុងនាមជាអ្នកសង្កេតការណ៍, អគ្គមេបញ្ជាការកងទ័ពហ្វីលីពីនលោកJose Faustino បានថ្លែងនៅក្នុងឱកាសនោះដែរ។

ចិនមិនបានប្រឆាំងទៅនឹងសមយុទ្ធយោធារបស់ប្រទេសដ៏ទៃនោះទេ ប៉ុន្តែសង្ឃឹមថា ពួកគេនឹងមិនធ្វើដើម្បីដាក់មុខសញ្ញាតម្រង់ទៅប្រទេសទី៣ណាមួយនោះទេ អ្នកនាំពាក្យក្រសួងការបរទេស Zhao Lilian បាននិយាយកាលពីថ្ងៃព្រហស្បត៍ក្នុងសន្និសិទកាសែតប្រចាំថ្ងៃនាទីក្រុងប៉េកាំង។ ខណៈដែលប្រទេសជាច្រើននៅក្នុងអាស៊ីអាគ្នេយ៍មានការព្រួយបារម្ភទៅនឹងការរត់ប្រណាំងផ្នែកសព្វាវុធនៅក្នុងតំបន់ ហ្វីលីពីន បានបញ្ចេញនូវការគាំទ្រពេញទំហឹងចំពោះចលនានេះដោយបាននិយាយថាខ្លួនចង់ឲ្យមានទំនាក់ទំនងការពារជាតិដ៏ល្អជាមួយប្រទេសទាំងអស់នៅក្នុងឥណ្ឌូ-ប៉ាស៊ីហ្វីក។

នៅក្នុងដើមអាណត្តិរបស់ខ្លួនលោកប្រធានាធិបតី Rodrigo Duterte បានចង់បញ្ចប់នូវសមយុទ្ធយោធាជាមួយនឺងសហរដ្ឋអាមេរិក ខណៈដែលលោកចង់មានទំនាក់ទំនងល្អជាមួយប្រទេសចិន ។ សមយុទ្ធបានបានផ្អាកនៅឆ្នាំ២០២០ ហើយក៏បន្តរផ្អាកដោយសាររោគរាតត្បាតកូវីដ-19។
ក្នុងរយៈពេលប៉ុន្មានខែថ្មីៗនេះ,ទោះជាយ៉ាងណាក៏ដោយ, ហ្វីលីពីនបានវិលត្រឡប់ទៅរកសម្ព័ន្ធមិត្តដ៏យូរអង្វែងរបស់ខ្លួនវិញគឺសហរដ្ឋអាមេរិកនៅពេលដែលមានភាពតានតឹងកាន់តែខ្លាំងនៅក្នុងសមុទ្ទចិនខាងត្បូង។