Taipei-CNN
ចិនបានបង្កើននូវសម្ពាធកាន់តែខ្លាំងទៅលើតៃវ៉ាន់ក្នុងរយៈពេលប៉ុន្មានសប្តាហ៍កន្លងមកនេះ ,ដោយបានធ្វើការហោះហើរយន្តហោះចម្បាំងជាច្រើនចូលទៅក្នុងដែនអាកាសរបស់ដែនកោះនេះ ដែលជាការបង្ហាញនូវកំលាំងដើម្បីធ្វើការគំរាមកំហែងទៅលើតំបន់ទាំងមូល ។ ប៉ុន្តែនៅតាមទីកន្លែងកំសាន្តនានានៅក្នុងទីក្រុងតៃបុិកាលពីថ្ងៃព្រហស្បត៍ រឿងដែលគេយកមកជជែកគ្នាគឺរឿងផ្សេង ចំណែកឯសក្តានុពលនៃទំនាស់រវាងក្រុងប៉េកាំងនិងដែនកោះនេះគេនាំគ្នាគិតថាវាជារឿងបូរណភាពទឹកដី។
Huang និងChang ,លោកយាយទាំង២ដែលស្ថិតនៅក្នុងវ័យជាង៨០ឆ្នាំ,បាននិយាយថាពួកគាត់ទាំង២និងមិត្តភក្តិដ៏ទៃទៀតបានចំណាយពេលហូបអាហារពេលព្រឹកពិសារតែ និងហាត់ប្រាណ សង្រ្គាមមិនមែនជារឿងដែលពួកគេត្រូវព្រួយបារម្ភពីវានោះទេ,ពួកគេនិយាយ ។ យើងមិនបារម្ភអ្វីទាំអស់, ការគំរាមកំហែងតែងតែកើតមានជានិច្ចជាកាល, យើងមិនខ្វល់ បើសិជាវាអាចកើតមានវានឹងកើតមានយូរណាស់មកហើយ លោកយាយ Huang បាននិយាយយ៉ាងដូច្នេះ។
ចាប់តាំងពីខែតុលារហូតមកដល់ពេលនេះ ចិនបានបញ្ជូនយន្តហោះចម្បាំងច្រើនជាង១៥០គ្រឿងចូលមកក្នុងតំបន់កំណត់អត្តសញ្ញាណការពារដែនអាកាសនៃកោះតៃវ៉ាន់ (ADIZ) ដែលតៃវ៉ាន់បានឆ្លើយតបវិញដោយការព្រមានតាមវិទ្យុទាក់ទងមីស៊ីលការពារប្រឆាំងនឹងយន្តហោះនិងបញ្ជូនយន្តហោះឡើងទៅស្ទាក់ផ្លូវ។ កាលពីថ្ងៃទី៩ខែតុលា លោកប្រធានាធិបតីចិន Xi Jing Ping ដែលមិនបានបដិសេធនូវការប្រើប្រាស់ជម្រើសយោធាដើម្បីចាប់យកតៃវ៉ាន់បើសិនជាមានភាពចាំបាច់បាននិយាយថា “ការបង្រួបបង្រួមតៃវ៉ាន់” គឺជារឿងដែលមិនអាចជៀសវាងបាន។
មួយថ្ងៃក្រោយមក លោកស្រីប្រធានាធិបតីតៃវ៉ាន់ Tsai Ing-Wen បាននិយាយថា តៃបុិនឹងមិនអោនក្បាលទៅក្រោមសម្ពាធរបស់ទីក្រុងប៉េកាំងនោះទេ "គ្មាននរណាម្នាក់អាចបង្ខំតៃវ៉ាន់ឲ្យដើរទៅតាមផ្លូវចិនដែលគូសឲ្យយើងដើរនោះទេ" លោកស្រីបានបន្ថែមទៀតថា វាសនាអនាគតនៃដែនកោះប្រជាធិបតេយ្យមួយនេះនឹងសម្រេចដោយប្រជាពលរដ្ឋរបស់គេដែលមានចំនួន ២៤លាននាក់។
មន្ត្រីតៃវ៉ាន់និងសហរដ្ឋអាមេរិកបាននិយាយជាសាធារណៈដោយធ្វើការប៉ាន់ប្រមាណថា ទីក្រុងប៉េកាំងអាចមានសមត្ថភាពដើម្បីឈ្លានពានតៃវ៉ាន់នៅក្នុងរយៈពេល៦ឆ្នាំក្រោយទៀត ។ ប៉ុន្តែនៅតាមដងផ្លូវនៃទីក្រុងតៃបុិអារម្មណ៍របស់ប្រជាពលរដ្ឋភាគច្រើនមានទំនុកចិត្តនិងនិងគ្មានការព្រួយបារម្ភអំពីរឿងនេះទេ។
