ភ្នំពេញ ៖ សមត្ថកិច្ចនគរបាលខណ្ឌដង្កោបានបង្ក្រាបឃាត់ខ្លួនជនសង្ស័យចំនួន៤ នាក់ពាក់ព័ន្ធករណីរក្សាទុកនិងប្រើប្រាស់ដោយខុសច្បាប់នូវសារធាតុញៀន ។
ប្រតិបត្តិការខាងលើកម្លាំងបានធ្វើនៅស្នាក់ចំណុចរោងកម្មករក្នុងការដ្ឋានបុរីប៉េងហួតស្ថិតនៅភូមិព្រែកថ្លឹងសង្កាត់ជើងឯកខណ្ឌដង្កោរាជធានីភ្នំពេញវេលា ម៉ោង១៤និង០០នាទីថ្ងៃទី១៤ខែតុលាឆ្នាំ២០២១។

ជនសង្ស័យចំនួន០៤នាក់៖ ១- ឈ្មោះ លៀប ឡាញ់( ហៅ ក្លូ ) ភេទប្រុសអាយុ ១៨ ឆ្នាំ ជនជាតិខ្មែរមុខរបរកម្មករសំណង់។ ២- ឈ្មោះ រឹម ចាន់ រាភេទប្រុសអាយុ ២៥ ឆ្នាំ ជនជាតិ ខ្មែរ មុខរបរកម្មករសំណង់ស្នាក់នៅរោងកម្មករក្នុងការដ្ឋានបុរីប៉េងហួតស្ថិតនៅភូមិព្រែកថ្លឹងសង្កាត់ជើងឯកខណ្ឌដង្កោរាជធានីភ្នំពេញ។៣- ឈ្មោះ ម៉េង ឆេងភេទប្រុសអាយុ៣២ឆ្នាំជនជាតិខ្មែរមុខរបរកម្មករសំណង់ស្នាក់នៅរោងកម្មករក្នុងការដ្ឋានបុរីប៉េងហួតស្ថិតនៅភូមិព្រែកថ្លឹងសង្កាត់ជើងឯកខណ្ឌដង្កោរាជធានីភ្នំពេញ។៤- ឈ្មោះ សុត សុផល ( ហៅ តើក ) ភេទប្រុសអាយុ ២៧ ឆ្នាំ ជនជាតិ ខ្មែរ មុខរបរកម្មករសំណង់ស្នាក់នៅរោងកម្មករក្នុងការដ្ឋានបុរីប៉េងហួតស្ថិត នៅភូមិព្រែកថ្លឹងសង្កាត់ជើងឯកខណ្ឌដង្កោរាជធានីភ្នំពេញ ។

វត្ថុតាងចាប់យកមាន៖ម្សៅក្រាមពណ៌សថ្លាចំនួន ០១ កញ្ចប់ថង់តូច,ថង់សម្រាប់ច្រកថ្នាំញៀនមួយចំនួន,សម្ភារៈប្រើប្រាស់ថ្នាំញៀនមួយចំនួន,ទូរស័ព្ទដៃម៉ាក OPPO ពណ៌ ខ្មៅ ចំនួន ០១ គ្រឿង ។បច្ចុប្បន្ន ជនសង្ស័យរួមនឹងវត្ថុតាងកម្លាំងបានកសាងសំណុំរឿងបញ្ជូនមកធ្វើការសាកសួរបន្តនៅអធិកាដ្ឋាននគរបាលខណ្ឌដង្កោដើម្បីអនុវត្តបន្តតាមនីតិវិធី៕