រាជធានីភ្នំពេញ ៖ នៅថ្ងៃទី១៤ ខែតុលា ឆ្នាំ២០២១ វេលាម៉ោង០៩និង០០នាទី ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ប្រធាននាយកដ្ឋានកណ្តាលសន្តិសុខ និងជាក្រុមការងារប្រមូលព័ត៌មាន ស្រាវជ្រាវ ស៊ើបអង្កេតករណីជម្លោះដីធ្លី និងបង្ការទប់ស្កាត់-បង្រ្កាប ការទន្រ្ទានកាន់កាប់ដីរដ្ឋដោយខុសច្បាប់ បានដឹកនាំក្រុមការងារប្រមូលព័ត៌មាន ស្រាវជ្រាវ ស៊ើបអង្កេតករណីជម្លោះដីធ្លី និងបង្ការទប់ស្កាត់-បង្រ្កាប ការទន្រ្ទានកាន់កាប់ដីរដ្ឋដោយខុសច្បាប់ ជួបប្រជុំជាមួយ ឯកឧត្តម ស៊្រុន ដារិទ្ធិ រដ្ឋលេខាធិការ ក្រសួងបរិស្ថាន នៅសាលប្រជុំប្រាជ្ញស៊ុន នៃទីស្តីការក្រសួងបរិស្ថាន ដោយមានសមាសភាពចូលរួមសរុបចំនួន ៣០នាក់។
បន្ទាប់ពីបានណែនាំសមាសភាពក្នុងអង្គប្រជុំ ភាគីទាំងពីរបានលើកឡើងអំពីយន្តការមួយចំនួនដូចខាងក្រោម ៖
១-ចុះតាមបណ្តាខេត្តគោលដៅមួយចំនួនជាមួយគ្នា ដើម្បីស្រាវជ្រាវលើបញ្ហាដែលបានកើតឡើងកន្លងមក និងកំណត់អត្តសញ្ញាណជនខិលខូច ដើម្បីចាត់វិធានការតាមច្បាប់។
២-បង្កើតយន្តការចែករំលែកព័ត៌មាន ដើម្បីការពាររាល់សកម្មភាពទន្រ្ទានគ្រប់រូបភាព។
៣-សហការចែករំលែកលើការងារប្រមូលព័ត៌មាន ស៊ើបអង្កេត ចងក្រងមុខសញ្ញាប្រព្រឹត្តបទល្មើស និងមេក្លោងនៅពីក្រោយ ដើម្បីកសាងសំណុំរឿងបញ្ជូនទៅតុលាការ៕
