គ្រូពេទ្យជំនាញខាងសើស្បែក​ និងអ្នកកែសម្ផស្ស បានថ្លឹងថ្លែងថា សេរ៉ូមជាជម្រើសដែលល្អបំផុតសម្រាប់ស្បែកស្ងួត បញ្ហាស្បែកឡើងក្រហម ស្បែកខ្លាញ់ និងបញ្ហាជាច្រើនទៀត។ តើអ្វីដែលធ្វើឱ្យការប្រើប្រាស់សេរ៉ូមមានភាពខុសគ្នាជាមួយនឹងការផ្តល់ជាតិសំណើមទៅលើស្បែកមុខ? ហើយទម្លាប់នៃការថែរក្សាស្បែករបស់អ្នកមានអត្ថប្រយោជន៍អ្វីខ្លះ?

សេរ៉ូមអាចជួយដោះស្រាយបញ្ហាកង្វល់នៃការថែរក្សាស្បែកមួយចំនួន។ ក្នុងគេហទំព័រ Today Style បានស្វែងរកអ្នកជំនាញដែលស្គាល់ពីសេរ៉ូមល្អបំផុតគឺ គ្រូពេទ្យជំនាញខាងសើស្បែកនិងសម្រស់ ដើម្បីដឹងថា ហេតុអ្វីបានជាវាមានប្រសិទ្ធភាពបន្ថែមទៅលើផលិតផលដែលមាននៅក្នុងការប្រើប្រាស់ជាទម្លាប់របស់អ្នក។

សេរ៉ូមគឺជាអ្វី?

ប្រសិនបើអ្នកគិតអំពីទម្លាប់ថែរក្សាស្បែកពេលយប់របស់អ្នក ដូចជាអាហារបីពេលនោះ សេរ៉ូមគឺដូចជាប្រភេទអាហារចម្បង។ បន្ទាប់ពីបរិភោគអាហារសម្រន់ (ការសំអាតមុខរបស់អ្នក) ហើយមុនពេលអ្នកបរិភោគបង្អែម (សារធាតុចិញ្ចឹមមានជាតិសំណើម) អ្នកត្រូវបំពេញនូវសារធាតុចិញ្ចឹមសំខាន់ៗទាំងអស់ (ហៅថាសេរ៉ូម) ។ ដូចនឹងអាហារចម្បងផងដែរ សេរ៉ូមអាចផ្ទុកនូវសារធាតុចិញ្ចឹមមានប្រយោជន៍ជាច្រើនសម្រាប់ស្បែកមុខរបស់អ្នក។

“សេរ៉ូម គឺជាផលិតផលថែរក្សាស្បែកដែលត្រូវបានរចនាឡើងដើម្បីផ្តល់នូវកំហាប់ខ្ពស់នៃសារធាតុសកម្មជាក់លាក់ដល់ស្បែក។ សេរ៉ូមមានច្រើនប្រភេទខុសៗគ្នានៅលើទីផ្សារដែលបំពេញមុខងារខុសៗគ្នា រាប់ចាប់ពីការផ្តល់ជាតិទឹកដល់ការធ្វើអោយស្បែកភ្លឺថ្លា។” នេះបើយោងតាមវេជ្ជបណ្ឌិតឯកទេសរោគសើស្បែក និងជានាយកស្រាវជ្រាវគ្រឿងសំអាងនិងគ្លីនិកនៅនាយកដ្ឋានរោគសើស្បែកនៃមន្ទីរពេទ្យ Mount Sinai។

ភាគច្រើនសេរ៉ូមមានសភាពថ្លា ជាជែល ឬទឹករាវ ហើយពួកវាមានសភាពស្តើងជាងក្រែមផ្តល់សំណើម។ ជាធម្មតាពួកវាត្រូវបានគេលាបមុនក្រែមផ្តល់សំណើមដើម្បីជួយឱ្យមានសំណើមបានយូរ។

“ជាញឹកញាប់ សេរ៉ូមអាចផ្តល់សំណើមបានយ៉ាងមានប្រសិទ្ធភាពជាងក្រែម ព្រោះម៉ូលេគុលរបស់វាអាចជ្រាបចូលទៅក្នុងស្បែកយ៉ាងពិតប្រាកដ និងផ្តល់ជាតិទឹកនៅកម្រិតជ្រៅបំផុត ខណៈពេលដែលក្រែមស្ថិតនៅលើស្រទាប់ខាងលើនៃស្បែកតែប៉ុណ្ណេះ។ សេរ៉ូមដែលផ្ទុកជាតិទឹក មិនប្រាកដថាជំនួសសារធាតុផ្តល់សំណើមនោះទេ ប៉ុន្តែអាចបង្កើនប្រសិទ្ធភាពជាតិសំណើមនៅលើស្បែកមុខរបស់អ្នក” នេះបើតាមសម្តីរបស់តារាស្រីល្បីឈ្មោះ Karee Hays ។

អត្ថប្រយោជន៍សេរ៉ូម

“ជាទូទៅ សេរ៉ូមមានសារធាតុប្រឆាំងអុកស៊ីតកម្មពិសេស រួមមានវីតាមីន A, C និង E ។ វេជ្ជបណ្ឌិត Dr. Angela J. Lamb​ ជាគ្រូពេទ្យជំនាញខាងសើស្បែក និងសាស្ត្រាចារ្យរងនៅសាលាវេជ្ជសាស្ត្រ Icahn នៃនាយកដ្ឋានរោគសើស្បែក Mount Sinai បានមានប្រសាសន៍ថា នៅពេលស្រទាប់ខាងក្រោមដែលមានសំណើម សេរ៉ូមដើរតួជាការព្យាបាលស្នាមជ្រីវជ្រួញ សារធាតុពណ៌ និងបញ្ហាស្បែកក្រហម។

ប៉ុន្តែតើសេរ៉ូមប្រភេទណាដែលអ្នកគួរស្វែងរកជាពិសេស?

"គន្លឹះសំខាន់ គឺរកមើលសេរ៉ូមណាដែលផ្តល់នូវសារធាតុរុក្ខជាតិ សារធាតុប្រឆាំងអុកស៊ីតកម្ម និងជាតិទឹក ពួកវាអាចផ្តល់នូវសារធាតុចិញ្ចឹមដែលប្រមូលផ្តុំនៅលើស្បែកមុខ ហើយនៅពេលលាបលើស្បែកដែលទើបតែលាងសម្អាតសេរ៉ូមនឹងជ្រាបចូលកាន់តែជ្រៅ" តាមការមានប្រសាសន៍របស់​ វេជ្ជបណ្ឌិត Dr. Craig Kraffet គ្រូពេទ្យជំនាញខាងសើស្បែក។

ដោយសារធាតុផ្សំនៅក្នុងសេរ៉ូមអាចមានឥទ្ធិពលខ្លាំង អ្នកគួរពិចារណាពីភាពប្រែប្រួលនៃស្បែកជាមុនសិនមុននឹងសាកល្បងប្រើផលិតផលថ្មី។

សារធាតុផ្សំដែលសកម្មនៅក្នុងសេរ៉ូមមានមុខងារប្រមូលផ្តុំលើស្បែក ហើយពេលខ្លះអាចបណ្តាលឱ្យរលាក និងមានភាពស្ងួតលើស្បែកមុខទៀតផង ចំពោះអ្នកដែលមានស្បែកងាយប្រតិកម្ម ឬស្ងួត។

របៀបប្រើសេរ៉ូម

ស្បែករបស់មនុស្សម្នាក់ៗគឺខុសគ្នា ប៉ុន្តែជាមធ្យម អ្នកគួរតែប្រើប្រាស់វាប្រហែលប្រាំពីរសប្តាហ៍ ដើម្បីមើលថា តើស្បែករបស់អ្នកឆ្លើយតបទៅនឹងទម្រង់សេរ៉ូមថ្មីយ៉ាងដូចម្តេច។ អាស្រ័យលើសេរ៉ូម និងស្ថានភាពស្បែក អ្នកអាចនឹងឃើញលទ្ធផលដំបូងដូចជា ស្បែកមានជាតិទឹកបន្តិចក្នុងរយៈពេលតែប៉ុន្មានថ្ងៃប៉ុណ្ណោះ នេះបើយោងតាមលោក Kraffert គ្រូពេទ្យជំនាញខាងសើស្បែក។

ជាទូទៅ មុនពេលលាបក្រែមផ្តល់សំណើម អ្នកគួរប្រើសេរ៉ូមលាបលើមុខ និងករបស់អ្នកពីរដងជារៀងរាល់ថ្ងៃ គឺម្តងនៅពេលព្រឹក និងម្តងទៀតនៅពេលល្ងាច ប្រសិនបើអ្នកចង់ទទួលបានផលច្រើន។

តើគួរប្រើសេរ៉ូមអ្វី?

“មានប្រភេទសេរ៉ូមជាច្រើននៅលើទីផ្សារ ដូច្នេះការជ្រើសរើសដ៏ត្រឹមត្រូវតែងតែមានការពិបាកក្នុងការសម្រេចចិត្ត។ វាជាការល្អបំផុតក្នុងការវាយតម្លៃពីអត្ថប្រយោជន៍នៃសេរ៉ូមបច្ចុប្បន្នរបស់អ្នក ដើម្បីបន្តស្វែងរកផលិតផលដែលមានប្រសិទ្ធភាពពិតប្រាកដ។

ដំណោះស្រាយដែលមានប្រសិទ្ធភាព គឺការជ្រើសរើសសេរ៉ូមដែលមាន៖

១. សេរ៉ូមប្រឆាំងភាពចាស់

អត្ថប្រយោជន៍របស់សេរ៉ូម៖ “សេរ៉ូមប្រឆាំងភាពចាស់អាចជួយឲ្យក្មេងជាងមុន និងពន្យឺតដំណើរការនៃភាពចាស់ដោយការផ្តល់នូវសារធាតុប្រឆាំងភាពចាស់សំខាន់ៗដើម្បីប្រឆាំងនឹងស្នាមជ្រាវជ្រួញ” នេះបើយោងតាមវេជ្ជបណ្ឌិត Dr. Debra Jaliman គ្រូពេទ្យជំនាញខាងសើស្បែកដែលមានវិញ្ញាបនប័ត្រនៅទីក្រុងញូវយ៉ក និងជាអ្នកនិពន្ធសៀវភៅ “ច្បាប់ស្បែក៖ អាថ៌កំបាំងពាណិជ្ជកម្មពីកំពូលគ្រូពេទ្យស្បែកនៅញូវយ៉ក” ។

ប្រភេទស្បែកដែលគួរប្រើ៖ សេរ៉ូមប្រឆាំងភាពចាស់មានប្រយោជន៍ចំពោះគ្រប់ប្រភេទស្បែក មិនត្រឹមតែស្បែកចាស់ទេ ហើយអ្នកអាចចាប់ផ្តើមប្រើវាតាំងពីអាយុ ២០ ឆ្នាំ។

គ្រឿងផ្សំដែលត្រូវរកមើល៖ រីទីណុល ជាតិកាហ្វេអ៊ីន តែបៃតង ប្រូតេអ៊ី លីកាន និងអាស៊ីត hyaluronic (ជាទូទៅគេដាក់ឈ្មោះថាសូដ្យូម hyaluronate)

កុំភ្លេច៖“ ប្រសិនបើអ្នកមានស្បែកស្ងួត ហើយចង់ប្រើថ្នាំរីទីណូអ៊ីដនៅក្នុងសេរ៉ូម ខ្ញុំសូមណែនាំឱ្យចាប់ផ្តើមប្រើប្រាស់ជាមួយសេរ៉ូមដែលមានសារជាតិនេះក្នុងកំរិតទាបគឺ ២៥% ឬទាបជាងនេះ ដើម្បីប្រាកដថាស្បែករបស់អ្នកអាចទ្រាំទ្រវាបានមុនពេលឡើងទៅ”

២. សេរ៉ូមប្រឆាំងអុកស៊ីតកម្ម

អត្ថប្រយោជន៍របស់សេរ៉ូម៖ សេរ៉ូមប្រឆាំងអុកស៊ីតកម្មជួយការពារស្បែករបស់អ្នកពីរ៉ាឌីកាល់សេរី ដែលអ្នកត្រូវបានប៉ះពាល់ជារៀងរាល់ថ្ងៃ។ ។ រ៉ាឌីកាល់សេរី គឺជាម៉ូលេគុលមិនស្ថិតស្ថេរដែលអាចបំផ្លាញកោសិការបស់អ្នក និងបណ្តាលឱ្យចាស់មុនអាយុ។

ប្រភេទស្បែកដែលគួរប្រើ៖ ចាប់តាំងពីយើងបានប៉ះពាល់នឹងរ៉ាឌីកាល់សេរីជាប្រចាំ សេរ៉ូមប្រឆាំងអុកស៊ីតកម្ម គឺល្អសម្រាប់គ្រប់ប្រភេទស្បែក។ គ្រាន់តែធ្វើឱ្យប្រាកដថា អ្នកបានស្វែងយល់ពីគ្រឿងផ្សំ ដើម្បីប្រាកដថាសេរ៉ូមមិនរួមបញ្ចូលគ្រឿងផ្សំដែលអាចបង្កឱ្យរលាកស្បែករបស់អ្នកជាមុន។ ក្លិនក្រអូប ថ្នាំជ្រលក់ សារធាតុស៊ុលហ្វាត និងក្នុងករណីខ្លះក្រូចឆ្មារ ឬជីអង្កាមអាចបណ្តាលឱ្យមានការរលាកខ្លះដែរ។

គ្រឿងផ្សំសម្រាប់រកមើល៖ វីតាមីន A, C និង E, resveratrol, niacinamide, melatonin និង L-Ascorbic acid ។

កុំភ្លេច៖“ ជាធម្មតា ខ្ញុំណែនាំអ្នកជំងឺរបស់ខ្ញុំឱ្យលាបសេរ៉ូមវីតាមីន C នៅពេលព្រឹកក្រោមឡេការពារកម្តៅថ្ងៃរបស់ពួកគេដើម្បីការពារបន្ថែមពីពន្លឺយូវី” មានប្រសាសន៍ដោយអ្នកជំនាញ Zeichner។

៣. សេរ៉ូមផ្តល់សំណើម

អត្ថប្រយោជន៍របស់សេរ៉ូម៖ ដូចឈ្មោះរបស់វាណែនាំដែរ សេរ៉ូមនេះផ្តល់ជាតិទឹកជួយឱ្យស្បែកមានសំណើមបន្ថែម ដើម្បីបំពេញជាតិទឹកនៅពេលយប់។

ប្រភេទស្បែកដែលគួរប្រើ៖ អ្នកដែលមានស្បែកស្ងួត គឺជាអ្នកប្រើប្រាស់ដ៏ល្អសម្រាប់សេរ៉ូមផ្តល់សំណើមនេះ ប៉ុន្តែប្រភេទស្បែកដែលមានជាតិខ្លាញ់ (និងសូម្បីតែស្បែកងាយកើតមុន) ក៏អាចទទួលបានអត្ថប្រយោជន៍ពីការផ្តល់ជាតិទឹកនេះផងដែរ។ ចំពោះប្រភេទស្បែកដែលមានជាតិខ្លាញ់ខ្លាំង សេរ៉ូមផ្តល់សំណើមត្រូវបានគេប្រើប្រាស់ជាច្រើន។ ផលិតផលទាំងនេះត្រូវបានរចនាឡើងដើម្បីផ្តល់ជាតិទឹកជាមួយនឹងសំណល់ជាតិរំអិលតិចតួចបំផុត។ ស្បែកមនុស្សចាស់ និងក្មេងដូចគ្នាអាចប្រើសេរ៉ូមផ្តល់សំណើមបាន។

គ្រឿងផ្សំសម្រាប់រកមើល៖ អាស៊ីត Hyaluronic, peptides និង Luminescine ។

កុំភ្លេច៖“ មិនមានការកំណត់អាយុក្នុងការប្រើប្រាស់សម្រាប់សេរ៉ូមដែលមានជាតិទឹកច្រើននោះទេ។ សេរ៉ូម Hyaluronic peptide មានសុវត្ថិភាពសម្រាប់ស្បែកងាយកើតមុន និងអាចជាជម្រើសដ៏ល្អមួយ ដែលគ្មានជាតិប្រេងសម្រាប់ស្បែកដែលងាយនឹងបែកស្រកា។

៤. សេរ៉ូមកែពណ៌ (សេរ៉ូមបំបាត់ស្នាម)

អត្ថប្រយោជន៍របស់សេរ៉ូម៖ សេរ៉ូមទាំងនេះមានមុខងារជាច្រើន ហើយអាចកំណត់បញ្ហាស្បែកដូចជាស្នាមជ្រួញ រន្ធញើសរីកធំ និងស្នាមជ្រួញលើថ្ងាស់។

ប្រភេទស្បែកដែលគួរប្រើ៖ អ្នកដែលចង់ប្រែពណ៌ស្បែក រឺបំបាត់ស្នាមអុជខ្មៅ សេរ៉ូមកែពណ៌ជាជម្រើសដ៏ល្អ។ ម៉្យាងវិញទៀត សេរ៉ូមបណ្តុះកោសិកាស្បែក និងសេរ៉ូមជំរុះកោសិកាវិញ មានប្រសិទ្ធភាពល្អសម្រាប់អ្នកដែលចង់បានស្បែករលោង និងបង្រួមរន្ធញើស។

គ្រឿងផ្សំដើម្បីរកមើល៖ អាស៊ីតភីទីក, វីតាមីនសេ, អាបូទីទីន, អាស៊ីត kojic, អាស៊ីតអាសេឡាអ៊ីក, អាស៊ីត L-ascorbic និងអាស៊ីត glycolic ។

កុំភ្លេច៖ សេរ៉ូមប្រឆាំងអុកស៊ីតកម្មនឹងធ្វើឱ្យស្បែករបស់អ្នកភ្លឺដោយធម្មជាតិ ប៉ុន្តែអ្នកក៏អាចរកឃើញសេរ៉ូមទាំងនេះជាមួយនឹងការបន្ថែមអាបូទីទីនឬអាស៊ីត kojic ដែលនឹងជួយដល់ការបង្ក្រាបសារធាតុពណ៌ និងធ្វើអោយស្បែកភ្លឺថ្លា។

សូមអាននូវការណែនាំឲ្យបានច្បាស់លាស់មុននឹងប្រើប្រាស់ផលិតផលនីមួយៗ ឬសុំការណែនាំពីអ្នកឯកទេស៕

អត្តបទដកស្រង់ពី Today