New Delhi-
ការជជែកគ្នារវាងមេបញ្ជាការកងទ័ពឥណ្ឌានិងចិនដើម្បីដកចេញនូវកងទ័ពពីកន្លែងដែលមានជម្លោះនៅទល់មុខគ្នានៅតាមខ្សែរបន្ទាត់ព្រំដែនបានបញ្ចប់ទៅដោយពុំមានដំណោះស្រាយនិងបរាជ័យក្នុងការសម្របសម្រួលនូវការប្រឈមមុខដាក់គ្នាដែលមានរយៈពេល១៧ខែ ហើយមានពេលខ្លះបានប៉ះទង្គិចគ្នារហូតដល់មានការបាត់បង់ជីវិត,ភាគីទាំង២បាននិយាយកាលពីថ្ងៃច័ន្ទទី១១ខែតុលា។ ការបន្តរប្រឈមមុុខដាក់គ្នា មានន័យថាប្រជាជាតិនៃប្រទេសទាំង២នឹងបន្តររក្សារទុកកងទ័ពនៅតំបន់ខ្សែរត្រៀមជួរមុខ Ladakh នៅក្នុងរដូវរងារខាងមុខជាដែលកន្លែងដែលមានសីតណ្ហភាពត្រជាក់និងគ្រោះថ្នាក់ជាទីបំផុត។
នៅក្នុងសេចក្តីថ្លែងការណ៍មួយរបស់ក្រសូងការពារប្រទេស ឥណ្ឌាបាននិយាយថាខ្លួនបានផ្តល់នូវយោបល់ក្នងន័យស្ថាបនា ប៉ន្តែភាគីខាងចិនមិនយល់ព្រម ព្រមទាំងមិនអាចផ្តល់នូវសំណើរសំរាប់ថ្ងៃមុខផងដែរ។ សេចក្តីថ្លែងការណ៍របស់អ្នកនាំពាក្យយោធាចិនបាននិយាយថា “ ភាគីខាងឥណ្ឌាបានប្រកាន់ខ្ជាប់នូវការទាមទារដែលគ្មានភាពប្រាកដនិយមនិងគ្មានហេតុផល ដែលនាំឲ្យមានការពិបាកក្នុងការពិភាក្សារគ្នា”។
មេបញ្ជាការនៃកងទ័ពទាំង២បានជួបជជែកគ្នា កាលពីថ្ងៃអាទិត្យនៅក្នុងទឹកដីចិនក្នុងតំបន់ Ladakh បន្ទាប់ពីមានការខកខានអស់រយះពេល២ខែ ដែលធ្លាប់បានជួបគ្នានៅ Moldo ក្នុងទឹកដីឥណ្ឌា ។ ចាប់តាំងពីខែកុម្ភះ ទាំងសងខាង ឥណ្ឌានិងចិន បានដកកងទ័ពនៅទីតាំងដែលបានប្រឈមមុខគ្នានៅប៉ែកខាងជើងនិងខាងត្បូងនៃជ្រលង Pongong Tso , Gogra , និងGalway ,ប៉ុន្តែពួកគេបានបន្តររក្សារទុកនិងពង្រាយកងកម្លាំងឈរជើងខ្លះៗ។ប្រព័ន្ធផ្សព្វផ្សាយឥណ្ឌាបានរាយការណ៍ថា កងទ័ពចិនត្រូវបានដាក់បន្ថែមនៅ Demchok និងDepsang Plains ។
ការជួបជជែកគ្នាកាលពីថ្ងៃអាទិត្យបានកើតឡើងដោយសារភាពស្រងាកចិត្តដែលបញ្ជាក់ឡើងដោយមេបញ្ជាការកងទ័ពឥណ្ឌា ដែលលោកបានហៅថាជាការដាក់ពង្រាយនូវកងទ័ពយ៉ាងច្រើនសម្បើមនិងអាវុធយុទ្ធភ័ណ្ឌពីខាងយោធាចិន។ “ បាទ,វាជារឿងមួយគួរឲ្យព្រួយបារម្ភ ដែលកងទ័ពមានចំនួនដ៏ច្រើនត្រូវបានគេដាក់ពង្រាយនិងកំពុងបន្តរឈរជើងនៅនឹងកន្លែង ដែលវាស្មើទៅនឹងការអភិវឌ្ឍន៍នូវហេដ្ឋារចនាសម្ព័ន្ធនៅផ្នែកខាងទឹកដីរបស់ចិន “លោកឧត្តមសេនីយ៍ M M Naravane បាននិយាយកាលពីថ្ងៃអាទិត្យ។
“ដូច្នេះវាមានន័យថាពួកគេ (ចិន) នឹងនៅទីនោះជារាងរហូត យើងកំពុងតែតាមដានមើលយ៉ាងយកចិត្តទុកដាក់នូវការវិវត្តិន៍អស់ទាំងនោះ ប៉ុន្តែបើពួកគេនឹងនៅទីនោះជារាងរហូត យើងក៏នឹងនៅទីនោះជារាងរហូតដែរ”។
សេចក្តីថ្លែងការណ៍របស់ចិនដែលថ្លែងដោយលោកវរសេនីយ៍ឯក Long Saochua នៃទីបញ្ជាការចិនប៉ែកខាងលិច បាននិយាថា “ការប្តជ្ញាចិត្តរបស់ចិនដើម្បីការពារបូរណភាពដែនដីរបស់ខ្លួនមានភាពរឹងមាំណាស់ ហើយចិនសង្ឃឹមថាឥណ្ឌានឹងមិនវិនិច្ឆ័យខុសទៅលើស្ថានការណ៍នេះទេ “។
