ភ្នំពេញ៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ នៅព្រឹកថ្ងៃទី១១ ខែតុលា ឆ្នាំ២០២១នេះ ដឹកនាំដោយលោកឧត្តមសេនីយ៍ត្រី ញ៉ែម ណារ៉ូ អនុប្រធាននិងមានការសម្របសម្រួលដោយលោកព្រះរាជអាជ្ញារងអមសាលាដំបូងរាជធានីភ្នំពេញនិងមន្ត្រីជំនាញពាក់ព័ន្ធរួមទាំងអស់បានចុះធ្វើការត្រួតពិនិត្យទីតាំងលក់ឱសថបុរាណ ភ្នំទ្រទ្រង់ ដោយសង្ស័យថាពុំមានច្បាប់ត្រឹមត្រូវ។
បេីតាមលោកឧត្តមសេនីយ៍ត្រីបានឱ្យដឹងថាក្នុងប្រតិបត្តិការការចុះត្រួតពិនិត្យ ខាងលេីនេះកម្លាំងជំនាញគណៈកម្មាធិការប្រយុទ្ធប្រឆាំងផលិតផលក្លែងក្លាយបានដកហូតសម្ភារមួយចំនួនដែលសង្ស័យគ្មានច្បាប់អនុញ្ញាតត្រឹមត្រូវដើម្បីយកទៅធ្វើការត្រួតពិនិត្យ ដើម្បីបញ្ជាក់ថាឱសថបុរាណទាំងនោះមានការប៉ះពាល់ដល់សុខភាពរបស់ប្រជាពលរដ្ឋដែរឬទេ។
គួរបញ្ចាក់ថា ចំពោះការដកហូតសម្ភារៈមួយចំនួននេះគឺត្រូវយកទៅធ្វើតេស្តឡើងវិញដើម្បីបញ្ជាក់ថាមានប៉ះពាល់ដល់សុខភាពអ្នកប្រេីប្រាស់ឬទេ ។
