Tokyo -

លោកនាយករដ្ឋមន្រ្តី, Fumio Kishida ,បាននិយាយកាលពីថ្ងៃអាទិត្យថា (១០តុលា) លោកនឹងមិនស្វែងរកការផ្លាស់ប្តូរការយកពន្ធក្នុងប្រទេសដើម្បីបង្កើនប្រាក់ចំណូលពន្ធក្នុងពេលឥឡូវនេះទេ ខណៈដែលលោកមានបំណងនឹងស្វែងរកមធ្យោបាយផ្សេងទៀតដើម្បីឲ្យល្អប្រសើរក្នុងការបែងចែកទ្រព្យសម្បត្តិ ដូចជាតំឡើងប្រាក់បៀវត្យរ៍សំរាប់បុគ្គលិកពេទ្យ។ Kishida ដែលបានប្តេជ្ញាចិត្តធ្វើការកែតម្រូវផលប្រយោជន៍ដែលមិនស្មើគ្នាបាននិយាយកាលពីពេលមុនថា ការសើរើពន្ធដារវាជាជម្រើសមួយក្នុងការប្រកាសពីគម្លាតនៃប្រាក់ចំណូល។

ជំហរថ្មីរបស់លោកនាយករដ្ឋមន្ត្រីបានចង្អុលបង្ហាញថា ការព្រួយបារម្ភរបស់លោកអំពីភាពមិនប្រាកដប្រជានៅក្នុងទីផ្សារភាគហ៊ុន ដែលបណ្តាលមកពីទិដ្ឋភាពនៃការប្រមូលពន្ធក្នុងកំរិតខ្ពស់។ លោក Kishida បានចូលកាន់តំណែងដ៏ខ្ពស់បំផុតក្នុងប្រទេសដែលមានសេដ្ឋកិច្ចធំជាងគេទី៣លើពិភពលោកកាលពីថ្ងៃច័ន្ទ ជំនួសលោក Yoshihide Suga ដែលការគាំទ្ររបស់លោកត្រូវបានគាស់រំលើងដោយការកើនឡើងនែជម្ងឺរាតត្បាតពិភពលោកកូវីដ-19។

Kishida បាននិយាយប្រាប់កម្មវិធីព័ត៌មាននៃការផ្សាយពាណិជ្ជកម្មរបស់បណ្តាញ ទូរទស្សន៍ Fuji ថា “ខ្ញុំគ្មានផែនការនឹងប៉ះពាល់ដល់ថវិការដែលបានមកពីពន្ធប្រាក់ចំណូលនៅក្នុងពេលមួយដែលបានកំណត់នោះទេ ព្រោះវាមានរឿងជាច្រើនដែលត្រូវដោះស្រាយជាបឋម “  “មានការយល់ច្រឡំដែលគេកំពុងតែផ្សព្វផ្សាយថា ខ្ញុំនឹងធ្វើរឿងនេះក្នុងពេលឆាប់ៗ  ដែលវានឹងផ្តល់ឲ្យនូវការព្រួយបារម្ភមួយដែលមិនចាំបាច់សំរាប់ប្រជាពលរដ្ឋ បើសិនជាយើងមិនច្រានចោលរឿងនេះ”។

វិនិយោគិនខ្លះបានបញ្ចេញនូវការព្រួយបារម្ភថា នាយករដ្ឋមន្ត្រីថ្មីនឹងចាប់ផ្តើមធ្វើការតំឡើងពន្ធដើម្បីបង្កើននូវប្រាក់ចំណូល ដែលជាការផ្តល់សញ្ញានូវការបកក្រោយ នៃនយោបាយសេដ្ឋកិច្ចក្នុងការចងមិត្តជាមួយវិនិយោគិនដែលបានធ្វើឡើងដោយលោកនាយករដ្ឋមន្ត្រីដែលកាន់អំណាចយូរជាងគេ លោក Shinzo Abe កាលពីឆ្នាំ២០១៣ ដល់២០២០ ។

អ្នកវិភាគខ្លះបានអំពានាវឲ្យមានការតំឡើងពន្ធទៅលើប្រាក់ចំណូលនៃការវិនិយោគ ដែលបច្ចុប្បន្នមានចំនួន២០% និងឲ្យបន្ថែមទៀតពីអ្នកមានដើម្បីឧបត្ថម្ភគាំទ្រចំពោះគ្រួសារដែលមានចំណូលទាប។ អ្នកផ្សេងទៀតមានការសង្ស័យអំពីផលបះពាល់ ដែលការតំឡើងពន្ធដូចនេះនឹងកែរតម្រូវក្នុងការចែកផលប្រយោជន៍ឲ្យបានស្មើគ្នា។ ភាគហ៊ុនរបស់ក្រុមហ៊ុន Nikki បានធ្លាក់ចុះ ៧% ចាប់តាំងពីលោក Kishida បានជាប់ជាប្រធានគណបក្ស ប្រជាធិបតេយ្យសេរី (LDP)ក្នុងការបោះឆ្នោតកាលពីចុងខែមុន។