រដ្ឋាភិបាលអាមេរិកបានសំរេចលក់ឧទ្ធម្ភាគចក្រសំរាប់វាយប្រហារចំនួន១២គ្រឿងនិងឧបករណ៍អេឡិកត្រូនិកមួយចំនួន ទៅឲ្យអូស្ត្រាលីដែលមានតម្លៃទឹកប្រាក់ជិត១ពាន់ដុល្លារ ,ក្រសួងការបរទេសបាននិយាយកាលពីថ្ងៃសុក្រ។ Australia ដែលថ្មីៗនេះបានចុះហត្ថលេខាលើសម្ព័ន្ធភាពយុទ្ធសាស្ត្រការពារជាមួយនឹងអាមេរិក អង់គ្លេស ដើម្បី ប្រឆាំងទៅនឹងការលោតឡើងនៃឥទ្ធិពលរបស់ចិន ត្រូវបានផ្តល់ឲ្យនូវឧទ្ធម្ភាគចក្រ ធុនMH-60R Seahawk ចំនួន១២គ្រឿងនិងយុទ្ធោបករណ៍មួយចំនួនទៀតក្នុងតម្លៃ៩៨៥លានដុល្លារអាមេរិក។

ក្រសួងការបរទេសអាមេរិកបាននិយាយថា លោកប្រធានាធិបតី Joe-Biden បាននិយាយប្រាប់សភាថាលោកបានសំរេចក្នុងការលក់នេះ។ ឧទ្ធម្ភាគចក្រនេះអាចបំពេញមុខងារបានច្រើន អាចដាក់ពង្រាយនៅលើនាវាសំរាប់ប្រតិបត្តិការណ៍ប្រឆាំងទៅនឹងនាវាពិឃាតឬក៏នាវមុជទឹក តែក៏អាចបំពេញបេសកកម្មជួយសង្រ្គោះ ចាក់សាំងបន្ថែម និងដឹកជញ្ជូនបានផងដែរ។ក្រសួងការបរទេសបានបន្ថែមទៀតថា អូស្ត្រាលីកីបានសុំទិញផងដែរនូវយន្តហោះ Boeing EA-18G Growler ដែលជាយន្តហោះយោធាទំនើប អាមេរិកក៏បានយល់ព្រម។”អូស្ត្រាលីគឺជាសម្ព័ន្ធមិត្តដែលសំខាន់ជាងគេរបស់យើង នៅប៉ាស៊ីហ្វីកខាងលិច “ ។

អូស្ត្រាលីមានឧទ្ធម្ភាគចក្រ Seahawk ២៤គ្រឿង និង យន្តហោះGrowler ចំនួន១០គ្រឿងរួចទៅហើយ ។កិច្ចព្រមព្រៀងត្រីភាគីដែលបានប្រកាសកាលពីខែមុន រវាងអាមេរិក អង់គ្លេស និងអូស្ត្រាលី បានផ្តល់ឲ្យអូស្ត្រាលីទទួលបាននូវកម្មវិធីនាវាមុជទឹកដែលដើរដោយឋមពលនុយគ្លេអ៊ែពីសហរដ្ឋអាមេរិក ដែលក្នុងពេលជាមួយគ្នាក៏បានបញ្ចប់កិច្ចសន្យាជាមួយបារាំងផងដែរ។

“ នេះគឺជាទីកន្លែងយុទ្ធសាស្ត្រ នៃអំណាចទាំងនយោបាយនិងសេដ្ឋកិច្ចដែលវាអំណោយផល ជាពិសេសជាងនេះទៅទៀត គឺដើម្បីធានានូវសន្តិភាពនិងនិរន្តរភាពនៃសេដ្ឋកិច្ចក្នុងតំបន់ វាក៏មានផលប្រយោជន៍ដល់សហរដ្ឋអាមេរិកក្នុងការជួយសម្ព័ន្ធមិត្តឲ្យមានភាពរឹងមាំ និងសមត្ថភាពខ្លាំងក្លាក្នងការការពារខ្លួនឯង”