ខេត្តកោះកុង ៖ នាថ្ងៃទី៧ ខែតុលា ឆ្នាំ២០២១ វេលាម៉ោង០៦និង៥០នាទី លើផ្លូវជាតិលេខ៤៨ចន្លោះបង្គោល Km ៦១-៦២ មានករណីគ្រោះថ្នាក់ចរាចរណ៍បើករថយន្ត ក្រឡាប់ដោយខ្លួនឯងនៅចំណុចអន្ទង់អាំងធំស្ថិតក្នុងភូមិជីមាល ឃុំអណ្តូងទឹកស្រុកបូទុមសាគរខេត្តកោះកុងបណ្តាលអោយមនុស្ស០២នាក់រងរបួស។

សមត្ថកិច្ចបានអោយដឹងថារថយន្តដែលក្រឡាប់ ម៉ាក SISAN  មួយបាំងកន្លះពណ៌ឈាមជ្រូកពាក់ស្លាកលេខ យ 2692 ភ-ព2 បើកបរទិសដៅពីរកំពង់ស្ពឺ ទៅអូរសោម ខេត្តពោធិសាត់មូលហេតុដាច់ហ្វ្រាំង។

ជនរងគ្រោះទី១/ឈ្មោះ នាម វាសនា ភេទ ប្រុស អាយុ ២៦ ឆ្នាំ ជនជាតិខ្មែរ មានទីលំនៅ ស្រុក ប្រមោយ ខេត្តពោធិសាត់(អ្នកបើករថយន្ត )។ ទី២/ឈ្មោះ ចាន់ ផារិទ្ធ ភេទប្រុស អាយុ ២២ឆ្នាំ ជនជាតិខ្មែរ មានទីលំនៅស្រុកប្រមោយ ខេត្តពោធិសាត់  ។

បន្ទាប់ពីកើតហេតុ សមត្ដកិច្ចបានបញ្ជូនជនរងគ្រោះមណ្ឌលសុខភាពអណ្តូងទឹក ស្រុកបូទុមសាគរ ដើម្បីពិនិត្យនិងព្យាបាល ។