ក្រសួងធនធានទឹក និងឧតុនិយម អំពាវនាវឱ្យប្រុងប្រយ័ត្នពីកត្តាអាកាសធាតុដែលនឹងចូលមកដល់នៅសប្ដាហ៍ក្រោយនេះ ចាប់ពីថ្ងៃទី៨ខែតុលាដល់ថ្ងៃទី១២ខែតុលា ដោ  យ សារតែកម្ពុជារងឥទ្ធិពលព្យុះ ពីសមុទ្រចិនខាងត្បូងបង្កឱ្យរាជធានី-ខេត្ត ចំនួន ១២ប្រឈម នឹង ជំនន់  ទឹកភ្លៀង ក្នុងនោះមានទាំងរាជធានីភ្នំពេញផងដែរ និងខេត្តខ្លះទៀតជួបបញ្ហាខ្យល់កន្ទ្រាក់ ។

 (https://m.facebook.com/mowramcambodia/photos/a.447801968745048/1715563731968859/)
បើតាមក្រសួង រាជធានី-ខេត្តដែលប្រឈមនឹងឥទ្ធិពលអាកាសធាតុនេះ រួមមាន រាជធានីភ្នំពេញ ខេត្តកណ្ដាល ស្វាយរៀង ព្រៃវែង កំពង់ស្ពឺ តាកែវ កំពង់ឆ្នាំង ពោធិ៍សាត់ កំពង់ធំ សៀមរាប កោះកុង និងខេត្តព្រះសីហនុ។

មួយវិញទៀត ក្រសួងធនធានទឹកបានបញ្ចាក់ថា សម្រាប់ខេត្តព្រះវិហារ ឧត្ដរមានជ័យ កំពង់ចាម និងត្បូងឃ្មុំ មានភ្លៀងផ្គរ រន្ទះកម្រិតពីមធ្យមទៅខ្លាំង បង្កជាខ្យល់កន្ត្រាក់ ដែលត្រូវបង្កើនការប្រុងប្រយ័ត្ន ពិសេសតំបន់មាត់សមុទ្រមានរលកសមុទ្រពីមធ្យមទៅខ្ពស់៕