លោក លី ប៊ុនយឹម ដែលផលិតករភាពយន្តកំពូលមួយរូបនៃកម្ពុជាកាលពីទសវត្សរ៍ទី៦០ និងជានិពន្ធនិងដឹកនាំរឿងចៅពុទ្ធិសែននិងនាងកង្រី កាលពីសង្គមចាស់បានទទួលមរណភាពហើយ នៅម៉ោង១១ និង៥០នាទីថ្ងៃត្រង់ នាថ្ងៃអង្គារ៍ ទី៥ ខែតុលា ឆ្នាំ២០២១ ក្នុងជន្មាយុ៨៧ឆ្នាំ។ នេះបើការបញ្ចាក់ពីក្រុមគ្រួសារលោកលី ប៊ុនយឹម ។
ការបាត់បង់អ្នកនិពន្ធនិងជាអ្នកដឹកនាំខ្សែរភាពយន្តខ្មែររូបនេះ បានធ្វើអោយអ្នកស្នេហាវិស័យភាពយន្តខ្មែរទាំងអស់ មានការសោកស្តាយជាពន់ពេកពិសេសលោកលី ប៊ុមយឹម បានបន្សល់ស្នាដៃជាច្រើនរឿងរាប់មិនអស់ទាំងស្នាដៃពីអតីតកាលនិងបច្ចប្បន្ន ដល់អ្នកស្នេហាខ្សែភាពយន្តខ្មែរក្នុងនិងក្រៅប្រទេស ។ យើងសូមសូមចូលរួមរំលែកមរណទុក្ខដ៏ក្រៀមក្រំជាមួយគ្រួសារសពនិងសូមបួងសួងដល់ដួងវិញ្ញាណក្ខន្ធ លោកព្រឹទ្ធាចារ្យ លី ប៊ុនយឹម អញ្ជើញទៅកាន់បរមសុខឋានកុំបីឃ្លាងឃ្លាតឡើយ។
វីរភាព និងតម្លៃមរតកស្នាដៃរបស់លោកព្រឹទ្ធាចារ្យក្នុងវិស័យសិល្បៈភាពយន្ត មហាជននិងអ្នកទស្សនិកជន និងប្រជាជាតិខ្មែរទាំងមូលនៅចងចាំជានិច្ចគ្មានថ្ងៃបំភ្លេចបានឡើយ៕
