សេអ៊ូល-

កូរ៉េខាងជើង-ត្បូងបានតរភ្ជាប់បណ្តាញទូរគមនាគមន៍តាមព្រំដែនឡើងវិញបន្ទាប់ពីកូរ៉េខាងជើងបានកាត់ផ្តាច់កាលពីខែសីហា ទីក្រុងសេអ៊ូលបាននិយាយកាលពីថ្ងៃច័ន្ទទី៤ខែតុលា ។ ការតភ្ជាប់ឡើងវិញនេះ កើតមានឡើងបន្ទាប់ពី មានការព្រួយបារម្ភពីសហគមន៍អន្តរជាតិជាមួយនឹងការបាញ់សាកល្បងជាបន្តបន្ទាប់ទៅលើអាកាសប៉ុន្មានសប្តាហ៍មកនេះ ដែលជម្រុញឲ្យមានការកោះប្រជុំជាបន្ទាន់នៃក្រុមប្រឹក្សារសន្តិសុខ អ.ស.ប.។

រដ្ឋមន្ត្រីក្រសួងបង្រួបង្រួមជាតិនៃទីក្រុងសេអ៊ូលបានបញ្ជាក់ថា មន្ត្រីនៃប្រទេសទាំង២ បានធ្វើទំនាក់ទំនងគ្នាតាមទូរស័ព្ទជាលើកដំបូងកាលពីថ្ងៃច័ន្ទ បន្ទាប់ពីខកខានចាប់តាំងពីខែសីហាមក។
ក្រសួងបាននិយាយនៅក្នុងសេចក្តីថ្លែងការណ៍ថា “ ជាមួយនឹងការតរភ្ជាប់ឡើងវិញនៃបណ្តាញទូរស័ព្ទនៃប្រទេសទាំង២ រដ្ឋាភិបាលបានធ្វើការវាយតម្លៃថា មូលដ្ឋាននៃការធ្វើឲ្យមានទំនាក់ទំនងល្អឡើងវិញនៃអន្តរ-កូរ៉េ ត្រូវបានផ្តល់ឲ្យ “ ។

លោកបានបន្ថែមទៀតថា “ រដ្ឋាភិបាលមានក្តីសង្ឃឹមថានឺងបន្តឆាប់ៗនូការសន្ទនានិងចាប់ផ្តើមនូការពិភាក្សារដ៏ច្បាសលាស់មួយ ដើម្បីធ្វើឲ្យទំនាក់ទំនងរវាងកូរ៉េទាំង២បានល្អប្រសើរឡើងវិញ “។ កាលពីព្រឹកថ្ងៃច័ន្ទមេដឹកនាំកូរ៉េខាងជើង លោក Kim Jong Un បានសំដែងនូវចេតនាឲ្យមានការតភ្ជាប់ឡើងវិញបណ្តាញទូរគមនាគមន៍ដែលកាត់ផ្តាច់ទំនាក់ទំនងនៃប្រទេសទាំង២។

ប្រទេសកូរ៉េទាំង២បានផ្តល់នូវសញ្ញាល្អឲ្យគ្នាទៅវិញទៅមកដ៏គួរឲ្យភ្ញាក់ផ្អើល នៅចុងខែកក្កដាដោយបានប្រកាសថា នឺងធ្វើឲ្យមានឡើងវិញនូប្រព័ន្ធទូរគមនាគមន៍តាមព្រំដែនដែលបានកាត់ផ្តាច់អស់រយៈពេលជាង១ឆ្នាំ។មន្រ្តីសារព័ត៌មាន KCNA បានអំពាវនាវ ឲ្យទីក្រុងសេអ៊ូល បំពេញនូវកាតព្វកិច្ចរបស់ខ្លួន ដើម្បីធ្វឲ្យមានភាពល្អប្រសើរឡើងវិញនៃទំនាក់ទំនងតាមព្រំដែន។