អាល់ហ្សេរីបានកោះហៅឯកអគ្គរដ្ឋទូតរបស់គេឲ្យវិលត្រឡប់ទៅប្រទេសវិញដើម្បីធ្វើការប្រឹក្សារ ខណៈដែលភាពតានតឹងផ្នែកការទូតបានកើនឡើង ដោយសារការធ្វើអត្ថាធិប្បាយរបស់លោកប្រធានាធិបតីបារាំង Emmanuel Macron ថាអតីតប្រទេសដែលធ្លាប់នៅក្រោមអាណានិគមបារាំងមួយនេះកំពុងគ្រប់គ្រងតាមបែបប្រព័ន្ធនយោបាយយោធា។ ទូរទស្សន៍រដ្ឋដែលបានដកស្រង់សេចក្តីថ្លែងការណ៍ពីការិយាល័យរបស់លោកប្រធានាធិបតី បាននិយាយថា “ អាល់ហ្សេរីបានកោះហៅ ឯកអគ្គរដ្ឋទូត លោក Mohamed Antarctic-Daoud ពីទីក្រុងប៉ារីសដើម្បីមកធ្វើការប្រឹក្សារយោបល់”។ ដោយបានបន្ថែមទៀតថាសេចក្តីថ្លែងការណ៍លម្អិតនឹងចេញមកតាមក្រោយ។
កាលពីថ្ងៃអាទិត្យ កាសែត Le Monde បានដកស្រង់ពាក្យសំដីរបស់លោក ប្រធានាធិបតី Macron ដែលបាននិយាយថា “ អាល់ហ្សេរីបានសរសេរឡើងវិញនូវប្រវត្តិសាស្ត្រជាផ្លូវការមួយ” លោកបានបន្ថែមទៀតថា “ប្រវត្តិសាស្រ្តនេះមិនបានឈរនៅលើមូលដ្ឋាននៃការពិតទេ ប៉ុន្តែជាសេចក្តីថ្លែងមួយដែលប្រកបទៅដោយភាពស្អ ប់និងគុំគួនចំពោះបារាំង “។ “តើមានប្រជាជាតិ អាល់ហ្សេរី ទេមុនសម័យអាណានិគមបារាំង ? “Macron បានចោទជាសំណួរ ។
Macron ក៏បានិយាយអំពីចរន្តនយោបាយ អាល់ហ្សេរីបច្ចុប្បន្ន ដែលសំដៅទៅសមភាគីរបស់លោក គឺលោក Abdelmajid Tebboun ដែលកំពុងជាប់អន្ទាក់នៅក្នុងប្រព័ន្ធមួយដែលពិបាកនឹងស្រាយ ។ លោកប្រធានាធិបតីត្រូវបានគេដកស្រង់ពាក្យសំដីដែលលោកបានថ្លែង។ “ អ្នកបានឃើញហើយថាប្រព័ន្ធនយោបាយអាល់ហ្សេរីនៅទន់ខ្សោយណាស់ លោកប្រធានាធិបតីថ្លែងដូច្នេះដោយយោងទៅលើចលនាប្រជាធិបតេយ្យនិយម ដែលបានបង្ខំឲ្យលោកប្រធនាធិបតីដែលកាន់អំណាចមុនលោក Abdelmajid Tebboun គឺលោកAbdelaziz Boutefika ចុះចេញពីតំណែងក្នុងឆ្នាំ២០០៩ បន្ទាប់ពីកាន់អំណាចអស់២ទសវត្យរ៍។
ពាក្យសំដីនេះត្រូវបានគេយកទៅផ្សព្វផ្សាយជាទូទៅ តាមប្រព័ន្ធផ្សព្វផ្សាយ អាល់ហ្សេរី ដែលលេចចេញមកពីការប្រជុំកាលពីដើមអាទិត្យនេះ រវាង លោកប្រធានាធិបតី Macron ជាមួយនឹងមនុស្សសំខាន់ៗ ដែលពាក់ព័ន្ធទៅនឹងសង្រ្គាមអាល់ហ្សេរីដើម្បីឯករាជ្យ។
