UN- 
មហាសន្និបាតរបស់អង្គការសហប្រជាជាតិបានបិទបញ្ចប់នៅថ្ងៃច័ន្ទនេះ(២៧ កញ្ញា)ដោយគ្មានការថ្លែងសុន្ទរកថារបស់តំណាងក្រុមតាលីបង់និងក្រុមយោធារដ្ឋប្រហារ មីយ៉ាន់ម៉ា ។តំណាងរបស់អតីតរដ្ឋាភិបាលអាហ្វហ្គានីស្ថានបានរំពឹងថានឹងប្រឆាំងជាមួយជាមួយពួកតាលីបង់ដោយឡើងថ្លែងសុន្ទរកថានៅថ្ងៃច័ន្ទបន្ទាប់ពីពួកតាលីបង់បានធ្វើសំណូមពរថារដ្ឋមន្ត្រីក្រសួងការបរទេសថ្មីរបស់គេនឹងបានអនុញ្ញាតិឲ្យឡើងថ្លែងជំនួស។

ពួកតាលីបង់បានសរសេរលិខិតមួយ ទៅកាន់អគ្គលេខាធិការអ.ស.ប លោកAntonio Guterresកាលពីថ្ងៃច័ន្ទសប្តាហ៍មុនសំណូមពរឲ្យលោក Amir Khan Muttaqi ដើម្បីអនុញ្ញាតិឲ្យចូលរួម។លិខិតនោះបានបញ្ជាក់ទៀតថា លោកGhulam Isaczai បេសកជនរបស់អាហ្វហ្គានីស្ថានដែលចាត់តាំងដោយលោកអតីតប្រធានាធិបតី Ashraf Ghaniដែលបានបណ្តេញចេញពីអំណាចកាលពីខែមុន មិនមែនជាតំណាងអាហ្វហ្គានីស្ថាននៅ UN ទៀតទេ។

ការអង្វករនេះត្រូវបានយកទៅពិចារណារដោយគណកម្មាធិការទទួលសារតាំងដែលមាន សហរដ្ឋអាមេរិក រុស្សី និងចិន ប៉ុន្តែមន្ត្រី UN បានប្រាប់ AFP ថាការប្រជុំក្នុងរឿងនេះមិនបានកើតមានឡើងទេ។អ្នកការទូតម្នាក់បាននិយាយថាពួកតាលីបង់បានបញ្ជូនសំណូមពររបស់ពួកគេយឺតបន្តិច ខណៈដែលអ.ស.បនៅតែទទួលស្គាល់លោក  Isaczai ជាតំណាងរបស់អាហ្វហ្គានីស្ថានឲ្យឡើងថ្លែងការណ៍។

មន្ត្រីការទូតជាន់របស់អ.ស.ប បាននិយាយប្រាប់ AFP ថា កិច្ចព្រមព្រៀងមួរវាង សហរដ្ឋអាមេរិក ចិន និងរុស្សីបានរារាំងមិនឲ្យឯកអគ្គរដ្ឋទូត មីយ៉ាន់ម៉ា ,ដែលជាអ្នកគាំទ្រចលនាប្រជាធិបតេយ្យដែលបានបដិសេធបញ្ជារបស់ពួកយោធាក្នុងការចេញពីតំណែង,មិនឲ្យឡើងថ្លែងការណ៍ទេ។