បាត់ដំបង ៖ នៅថ្ងៃទី២៥ខែកញ្ញា ឆ្នាំ២០២១ វេលាម៉ោង១៧ និង ០០ នាទី លោកវរសេនីយ៍ឯក សន និល អធិការ នគរបាល ស្រុក រតន មណ្ឌល បាន ដឹកនាំ កម្លាំង ជំនាញ ព្រហ្មទណ្ឌ នៃ អធិការ នគរបាល ស្រុក រតន មណ្ឌល សហការ ជាមួយ កម្លាំង ប៉ុស្តិ៍ នគរបាល រដ្ឋបាល ផ្លូវ មាស ធ្វើការ ស្រាវជ្រាវ និង ឃាត់ខ្លួន ជនសង្ស័យចំនួន០៣នាក់ ទាក់ទង នឹងករណីលួច កាត់យក ខ្សែ កាប្លិ៍អគ្គិសនី ។
ជនសង្ស័យ ទាំង ៣នាក់ រួមមាន ៖ ១- ឈ្មោះ យឺន សិលា ភេទ ប្រុសអាយុ ២៨ឆ្នាំ មានទីលំនៅ ភូមិ អូរ ត្រែង ឃុំផ្លូវមាស ស្រុក រតនមណ្ឌល , ២- ឈ្មោះ យឺន ល័ក្ខ ភេទប្រុស អាយុ ៣៣ឆ្នាំ រស់នៅ ភូមិ អូរត្រែង ឃុំផ្លូវមាស ស្រុក រតនមណ្ឌល និង ៣- ឈ្មោះ ជឿន ចាន់ ភេទប្រុស អាយុ ៣៩ ឆ្នាំ រស់នៅ ភូមិ អូរ ត្រែង ឃុំ ផ្លូវ មាស ស្រុក រតន មណ្ឌល បាន ធ្វើ សកម្មភាព កាលពីថ្ងៃ ទី២៣ ខែកញ្ញា ឆ្នាំ ២០២១ វេលា ម៉ោង២០ និង០០ នាទី នៅចំណុចទឹកប្រៃ ស្ថិតក្នុងភូមិ អូរត្រែង ឃុំផ្លូវមាស ស្រុក រតនមណ្ឌលខេត្តបាត់ដំបង ។
សម្ភាៈ ដកហូតបាន គឺខ្សែ កាប្លិ៍ អគ្គិសនី ដឺរ៉ា ប្រវែង៦០០ម៉ែត្រ ។
បច្ចុប្បន្ន ជនសង្ស័យ ទាំង០៣ នាក់ ត្រូវបានកម្លាំងនគបាល ស្រុក រៀបចំសំណុំរឿង បញ្ជូន ទៅការិយាល័យជំនាញដើម្បី អនុវត្ត បន្តតាមនីតិវិធី ៕