ភ្នំពេញ ៖ តាមរបាយការណ៍ពីនាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោកនៅថ្ងៃទី ២៥ ខែកញ្ញា ឆ្នាំ ២០២១ ឲ្យដឹងថាចំនួនគោលដៅសរុប ១៤១គោលដៅ មានយានយន្តចូល គោលដៅចំនួន ៣.៧១៧គ្រឿង ម៉ូតូ ៣.០០៩គ្រឿង ក្នុងនោះរកឃើញយានយន្តល្មើសសរុបចំនួន ៤៩០គ្រឿង មានម៉ូតូចំនួន ៣៨៧គ្រឿង ត្រូវបានផាកពិន័យតាមអនុក្រឹត្យលេខ ៣៩. អន ក្រ.បក នៅទូទាំងប្រទេស ។
ដោយឡែក ក្នុងរយៈពេល ២៥ ថ្ងៃ ( ថ្ងៃ ទី ០១-២៥ ខែកញ្ញា ) ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោកយានយន្តចូលគោលដៅមានចំនួន ១២៩.៨១១គ្រឿង ក្នុងនោះរកឃើញយានយន្តល្មើសសរុបចំនួន ១៦.២៥៧គ្រឿង មានម៉ូតូ ចំនួន៣.០៣១គ្រឿង ត្រូវបានផាកពិន័យតាមអនុក្រឹត្យលេខ ៣៩ អន ក្រ.បក នៅទូទាំងប្រទេស ។
របាយការណ៍ ដដែលបានវាយតម្លៃរយៈពេល ២៥ ថ្ងៃ នៃខែ កញ្ញា នេះឃើញថាការអនុវត្តតាមអនុក្រឹត្យ ង ការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រពិសេសអ្នកប្រើប្រាស់ផ្លូវទាំងអស់បានចូលរួម គោរពច្បាប់ចរាចរណ៍យ៉ាងល្អប្រសើរ ៕
